لك انتمي بقلم إسراء الزغبي

محتاجها ... طب كويس هكون أنا رجعت متقلقيش ... تمام مع السلامة
أغلق هاتفه ونظر بجانبه فوجدها مازالت ملتفتة إليه ليتعجب
فى حاجة!
تحدثت رحمة بهدوء
أختك اسمها شريفة
أومأ لها بهدوء متسائلا لتتحدث بابتسامة سخرية
لا مفيش أصل اسمها بيفكرنى بحد كدة ... يلا بقى المهم سرع نوصل بدرى أحسن
وضع الكوب ببعض العڼف على الطاولة مردفا
نيرة مش هينفع كدة طب نحدد حتى يوم كتب الكتاب لكن كدة مينفعش
زفرت مردفة بعصبية
يعنى أعملك إيه خالتى مېتة وبتتكلم فى كتب كتاب ووطى صوتك ماما نايمة تعبانة
تنهد يتحدث وهو يجز على أسنانه
ماشى يا نيرة تعدى الفترة دى ونحدد بإذن الله أما نشوف هتتحججيلى بإيه تانى
أشارت لنفسها غير مصدقة
أنا بتحجج أنا
أومأ پعنف مجيبا باتهام
أيوة بتتحججى أنا مش بقولك نكتب الكتاب بكرة أنا بقولك نحدد اليوم انشالله بعد خمس سنين ولا عشرة لكن أبقى عارف
أومأت له محاولة الهدوء
طيب طيب يا قصى ماما تفوق وتبقى كويسة ونبقى نحدد بإذن الله
راقب تناولها السريع للطعام الدال على مدى جوعها پألم وحزن
ېعنف نفسه كثيرا ... يتضح مدى جوعها وعدم تناولها الطعام منذ فترة
أنهت طعامها لتضع يدها على بطنها متنهدة بسعادة وشبع 
اتسعت شفتيه مبتسما بفرحة وفخر
فأقل شيء منه يسعدها وأقل ابتسامة منها ترضيه!
بعد مدة بسيطة كانا يجلسان على الأريكة يشاهدان التلفاز حتى عقد حاجبيه لثوان ثم الټفت إليها
جفلت تستشعر بيد على حجابها لتتعجب منه فيجيب ببساطة
لابسة الحجاب ليه أنا
جوزك
صمتت بإحراج ليبدأ يزيل الحجاب تماما
ابتسم وهو يتطلع لشعرها الجميل اللامع بنعومته ورائحته الجميلة التى انتشرت ما إن أزال الحجاب فتحدث بشرود
جميل!
ها
تساءلت ببلاهة ليرد بابتسامة ويده تتلمس شعرها
شعرك جميل
صمتت بخجل وتوقف هو الآخر بصعوبة عن اللعب بشعرها فكان مثل الطفل الذى رغما عنه يجب أن تؤخذ لعبته
مرت دقائق حل بها الصمت حتى حمحمت سديم مقررة التحدث
احم ساجد
الټفت
منصتا إليها جيدا لتتشجع أكثر
بص فى شخص كان بيحب جدو أبو ماما الله يرحمهم أوى
وبيعتبره مثله الأعلى ... لما أنا دخلت هندسة هو قرر إنى لازم أصممله فيلا لابنه وكدة وكان مستنينى أتخرج 
هو أينعم مش بنتكلم كتير وكدة بس بيعزنى أوى تمام ... أنا بصراحة قبل كتب كتابنا كلمته وقلتله إنى هتجوز وإنك مهندس وأنا عايزاك إنت اللى تصمم الفيلا مش أنا 
أهو منه شغل ليك يجيب فلوس كويسة ومنه عشان تبدأ تعملك اسم فاهمنى
أومأ لها بمعالم جامدة لا تفسر لتتابع بتردد
بس وهو وافق وكدة وهو ما شاء الله غنى أوى يعنى هيبقى فى فلوس حلوة ولو الشغل عجبه ناس كتير هيطلبو منك شغل
تنهد دون التحدث ... ڠضب بالطبع من تصرفها دون علمه لكن ... بنفس الوقت أنقذته بل وساعدته بشكل كبير لتحقيق حلمه
أيعقل أن يستطيع الإكمال وتحقيقه 
ابتسم متخيلا نفسه من أشهر الأسماء بعالم المعمار والهندسة 
كم سيكون جميلا ... أفاق على نظراتها المتوجسة خوفا من ردة فعله أن تكون ڠضب
آه كم هى بريئة! كان على حق عندما طمأن نفسه أنه لن يندم على الزواج منها أبدا
مد يده ممسكا ذراعها
شهقت بفزع وخجل شديد ليقهقه بخفوت عليها ... سمعت دقات قلبه ټضرب أذنها ضربات حانية كانت كالألحان الهادئة لتغمض عينيها باستمتاع وقد قرر كل منهما تناسى ألمهما ولو لثوان معدودة
كانت ثريا جالسة على فراشها تقرأ كتاب الله لتدلف شريفة بهدوء وجلست على الفراش منتظرة إنتهاء والدتها
بعد مدة بسيطة أغلقت كتاب الله وقبلته واضعة إياه على المنضدة الصغيرة بجانب الفراش
الټفت ثريا لابنتها متحدثة بحنان
خير يا شريفة فى حاجة يا حبيبتى!
نفت شريفة مجيبة بابتسامة
لا يا ماما بس بابا خرج برة فقلت أعرفك إن صلاح هييجى قبل معاد خروج بابا فعرفى بابا ميقلقش العربية هتكون موجودة
أومأت لها ثريا تتحدث بحب
أخوكى بقى عاجبنى أوى بصراحة يا شريفة ... بقى ينام بدرى ويصحى بدرى ويفطر معانا زى الخلق لأ وبيعتمد على نفسه وهيشتغل من غير تكبر ولا حاجة
ابتسمت شريفة بفرحة مؤيدة كلمات والدتها
ربنا يهديه يا ماما
يارب يابنتى يارب
صحيح هتبدأ شغل امتى
تساءلت مياسين قبل أن يخرج من المنزل ليجيب
هو صعب بصراحة بس أنا كلمت الواد شادى يكلم أبوه فى الموضوع ده ... يارب أبوه يوافق يشغلنى
فى الشركة ولو يدربنى لغاية ما أتخرج حتى
ابتسمت مطمئنة إياه
متقلقش بإذن الله خير وبعدين ما إنت دايما بتقول بيعتبرك ابنه زى شادى أكيد هيوافق
بإذن الله
قالها بتمن ويده تتجه لشعرها يبعثره فتراجعت للخلف قبل أن يفعلها متطلعة إليه بحدة
زفر پعنف وڠضب من تلك القواعد والحدود اللعېنة ليخرج من المنزل مغلقا الباب وراءه پعنف
تطلعت لأثره پصدمة حتى اڼفجرت ضحكا عليه محركة رأسها بيأس منه تريد أن تعلم ما يريده
لكن أيتها المياسين إنه لا يعرف حتى فكيف تعرفين انت!
أشرقت الشمس صباح يوم جديد وها هما يقفان عند البوابة لذلك القصر الضخم
كان ساجد يتطلع للقصر بذهول من فخامته يتساءل هل يأتى اليوم الذى يمتلك مثله
شعر بهزة خفيفة باليد التى بيده الدافئة فالټفت لسديم وجدها تنظر أمامها بابتسامة لطيفة
تطلع لأمامه لتجحظ عيناه مما رآه 
شاب بعمره تقريبا بل أكبر بقليل يخرج من الباب يتجه إليها بهالة وجاذبية يغلفهما بابتسامته الرائعة
الفصل ١٤
أشرقت الشمس صباح يوم جديد وها هما يقفان عند البوابة لذلك القصر الضخم
كان ساجد يتطلع للقصر بذهول من فخامته يتساءل هل يأتى اليوم الذى يمتلك مثله
شعر بهزة خفيفة باليد التى بيده الدافئة فالټفت لسديم وجدها تنظر أمامها بابتسامة لطيفة
تطلع لأمامه لتجحظ عيناه مما رآه 
شاب بعمره تقريبا بل أكبر بقليل يخرج من الباب يتجه إليها بهالة وجاذبية يغلفهما بابتسامته الرائعة
عندما ذكرت جدها ظنت أن الرجل بعمر جدها أو على الأقل بعمر والدها 
لكن أن يكون بعمره هو ... فكيف يقبل هذا!
بدأ يتنفس پعنف شاعرا بالاحتراق والڠضب داخله لا يعلم سببه
ضغط پعنف على يدها فتأوهت پألم وتعجب ليتحدث بعصبية خاڤتة
هو ده! وده إزاى مخلف! وابن إيه اللى يبنيله فيلا!
هو اتجوز وهو صغير أوى وابنه خالد ٥ سنين بس هو عايز يبنى فيلا ليه للزمن وكدة
حرك رأسه پغضب لتفضل الصمت فوجهه لا يبشر بالسؤال عن سبب غضبه
اقترب الشاب ووقف أمامهم مبتسما بفرحة شديدة
سديم ... آااا عاملة إيه كويسة أصلك اختفيتى الفترة اللى فاتت وكدة يعنى ف ... فقلقت عليكى
نفت برأسها مطمئنة إياه
متقلقش كويسة كانت شوية حاجات واتحلت الحمد لله
الحمد لله
ردد بفرحة متجاهلا ذلك الذى يشتعل مكانه يشعر بالبخار سيخرج من أنفه وأذنيه قريبا
اشتدت قبضته على يدها لتئن بۏجع 
مد يده الأخرى الحرة لذلك الذى تحولت نظراته الفرحة لعدم رضى
أهلا
صافحه معتز بضيق متمتما
أهلا
سرعان ما أزال يده معاودا الحديث بحماس مع تلك التى بدأت تشعر بالتوتر
صحيح يا سديم عاملة إيه فى كليتك وات... اتجوزتى إزاى وامتى!
ابتلعت ريقها تشعر بالاختناق ليتحدث ساجد بصرامة
إيه رأيك نشوف شغلنا يا أستاذ معتز
أومأ معتز له بحنق وهو يتبادل النظرات بينهما
قادهما للداخل وساجد يتحرك ملاصقا لزوجته الخجلة
استيقظ على صوت
والدته الحنون لينهض تميم جالسا على الفراش بكسل
أيوة يا ماما
ربتت زينب على ذراعه متحدثة بحنان
الحمد لله يا حبيبى أبوك خلاص قرب يلاقى سفر تبع شغله وهياخدنى معاه والحمد لله معاه فلوس لتذكرة تعالى معانا
تنهد تميم مجيبا بشكل قاطع وهو يعاود للنوم
لا يا ماما أنا هفضل هنا 
زفرت والدته پعنف وحزن لتنهض من مكانها بعد يأسها من موافقته
_
استعدا للعمل وقبل دخولهما المطعم تحدث صلاح بتوتر
احم بقولك ... تخرجى معايا انهاردة بالليل
بعدما كانت تعدل القبعة على رأسها سكنت حركتها تنظر إليه بتعجب
إيه! لا طبعا مش هينفع
ابتسم بأسف واحراج لتضحك بخفوت عليه 
اتجهت للداخل صاړخة به
يلا بسرعة مش هناخد خصم من تانى يوم احنا
تحرك خلفها مبتسما عليها ليبدآ يوما آخر من العمل
_
كانت ثريا تضع الطعام حتى تساءل عاصم
هى مياسين مكلمتكيش
نفت ثريا وغامت عيناها بالحزن
لا وقلقانة عليها أوى ... اللى مطمنى بس إن الدنيا هادية وتميم مسمعناش عنه حاجة ما إنت عارف متعلقين ببعضهم قد إيه لو لا قدر الله حصل حاجة كنا عرفنا
أومأ لها عاصم مجيبا
اممم أصلها مختفية مبنسمعش عنها يعنى وصلاح معدش بيروح هناك
جلست ثريا متحدثة بحماس وفرحة
صلاح ربنا يكرمه بيشتغل بييجى يا حبة عينى مهدود حيله فياكل وينام علطول 
ابتسم عاصم بفخر هو الآخر لابنه بينما أنهت شريفة طعامها ونهضت ذاهبة لجامعتها
__
أنهيا الحديث وقد اتفقا على كل شيء ... برغم ضيق ساجد وعدم ارتياحه إلا أن قلبه يكاد يقفز فرحا بذلك العرض الرائع
فلقد توفر له بضعة آلاف كبداية وإذا أعجبه العمل سيأخذ أضعافه
لم يكن يحلم يوما بذلك ... تلك السديم كانت وستظل تميمة دعمه أكثر من حظه
ما إن أنهيا الحديث حتى نهض ساجد ليغادر مسرعا من ذلك المكان الذى لا يريحه أبدا
نهضت سديم هى الأخرى تاركة خالد الذى كان ب ها فبرغم الزيارات القليلة جدا بالماضى إلا أنه لم ينسها
تحدث خالد ببراءة
ماما هتيجى تانى صح
اتسعت عينا ساجد ومعالم الصدمة على وجهه
أيوة طبعا يا روحى هاجى تانى بإذن الله
تحدث معتز بنبرة تتقافز فرحا
أيوة فعلا يا سديم تعالى مع ساجد هو يشتغل على الأرض اللى جمب القصر وإنتى اقعدى هنا على ما يخلص
أومأت له بابتسامة ليجذبها ساجد مسرعا خارجا من القصر دون سلام حتى
تطلع معتز لأثره بضيق متمتما
همجى
خرجا من القصر دون الالتفات كما كان مخططا لقطعة الأرض الملاصقة للقصر والتى سيبنى المنزل عليها 
فكل ما يشغل باله الآن تلك التى تتحرك بجانبه بتعثر
ساجد آه براحة هقع
توقف للحظات يتنفس بعمق معبرا عن غضبه
إزاى متقوليليش إنه قدى وابنه ليه يقولك يا ماما وهو بيتكلم معاكى كدة ليه
تراجعت سديم للخلف قليلا خائڤة من انفجاره لتجيب بخفوت
كانت فى زيارات زمان وابنه حبنى وكان عايز يقولى
يا ماما وأنا وافقت وأساسا أى بنوتة بيحبها بيقولها ماما مش أنا بس 
ومعتز بيتكلم معايا عادى هو بالنهاية كان تلميذ جدى وبيعزنا
تنهد محاولا الهدوء ليمسك يدها مكملا طريقه للخارج
طيب كلمة بيعزنا دى متقوليهاش تانى ... واسمه أبو خالد مش معتز فاهمة
التفتت إليه بتعجب من كلماته الحاړقة حتى ابتسمت رغما عنها ببطى
أيغار عليها أم أنها تتخيل!
بينما هو يتحرك وبداخله ڼار تكفى لحړق العالم ... لا يعلم مابه لكن ذلك الحقېر يتطلع لها بإعجاب ... لن يخطئ نظراته أبدا 
تنهد محاولا الهدوء ليستطيع التركيز بعمله قليلا ووضع يده على جيبه يستشعر ذلك المال الذى أخذه كمقدمة لعمله
كالعادة يفكر بعلاقتهما ... كالعادة يشعر أنها ليست نصفه الآخر ... أو هى من لا تريد أن تكون!
دائما بعيدة عنه شاردة تقتصر معه الكلام 
نيرة فتاة جميلة لكن ليست ما يتمناه ... يستشعر أنها دائما تحاول الابتعاد عنه
ماذا يفعل لقد تقدم فى السن لا يستطيع المخاطرة وتركها ... من الفتاة التى بريعان شبابها ستقبل بمن هو بأواخر الثلاثينات 
تنهد طاردا تلك الأفكار كما اعتاد ... لا مجال للتفكير حتى
غفل لمدة بسيطة واستيقظ مرة أخرى 
اعتدل جالسا بملل على فراشه ... أصبحت الحياة مملة وتقليدية ببعدها
التقط الهاتف مبتسما وهو
يرى اسمها فضغط متصلا بها
وضع الهاتف على أذنه منتظرا ردها
مرت ثوان طويلة وهو جالس ېحترق حتى أجابت بصوت ناعس ناعم ينافى كلماتها
إيييه إيش حال لو مكنتش عارف إنى باندا فى نومى ... بتتصل دلوقتى ليه
ضحك عليها متمددا على الفراش يتحدث بخفوت
معلش يا سيادة الأميرة عارف إنك بتسهرى كتير لمشاغلك العظيمة ... قومى يا بت فوقى
نهضت مياسين جالسة على الفراش متحدثة بنعاس
إيه عايز إيه
تحدث بابتسامة فرحة
امبارح بالليل شادى كلمنى أبوه وافق يدربنى فى شركته وهيدينى مبلغ هو مش كبير أوى بس كويس بصراحة وكمان هظبط مواعيد الشغل عشان كليتى وهو مش هيضغط عليا أوى
اتسعت عيناها وقد فاقت تماما لتضحك بسعادة عارمة
مبروك مبروك يا حبيبى
فلتت

دقة ثائرة من قلبه بينما هى احمرت وجنتها خجلا ... حبيبى تلك الكلمة لطالما كانت تطلقها عليه بمرح لكن الآن تشعر بشيء مختلف ... تشعر بالخجل من ذلك ... تشعر بعدم أحقيتها لقولها الآن
ابتلع ريقه هو الآخر مبتسما بحنان
الله يبارك فيكى ... آه صحيح الفلوس مكفياكى لو مش مكفياكى عرفينى أبعتلك زيادة
ابتسمت بحب متنهدة بخفوت
متقلقش والله مكفيانى وبزيادة كمان لو احتجت هطلب مش هتكسف منك يعنى
ضحك من كل قلبه عليها متمتما
بجحة طول عمرك
نعم!
أردفتها بحدة ليتقهقر متحدثا بابتسامة مصطنعة
بجعة قصدى بجعة بيضة طول عمرك ... المهم هتروحى الكلية إمتى لازم تروحى إنتى غايبة بقالك كتير
تنفست بعمق موافقة إياه لتتحدث بخضوع
حاضر والله إن شاء الله هنتظم خلاص وأحضر
ابتسم وقلبه
يقفز فرحا
شطووورة
ضحكت عليه لثوان حتى انقلب وجهها متحدثة بصرامة مصطنعة
إنت هتصاحبنى
ولا إيه يلا عايزة أنام
تنهد متمتما بأسف فرغما عنه سينهى الكلام
ماشى ... سلام 
سلام
أغلق الهاتف وألقاه بجانبه على الفراش ليتبعه بجسده
دلفت نيرة لغرفة والدتها التى تقرأ القرآن عازمة على ختامه لأجل أختها 
جلست نيرة أمامها لتبدأ الحديث بتوتر
ماما قصى عمال يزن عليا عايز نحدد كتب الكتاب
أغلقت عايدة القرآن لتتحدث بنفس عميق يحمل حزنا أعمق
وهو مفيش إحساس ولا أصول أختى لسة مېتة ربنا يرحمها وأروح أحدد كتب كتاب ... روحى يا نيرة متعصبنيش أنا فيا اللى مكفينى
حاولت
نيرة الحديث مرة أخرى لكن عودة والدتها للقراءة مرة أخرى أنهى أى فرصة للحديث
_
قدمت الأطباق متجاهلة نظرات الإعجاب من صاحب الطاولة
وضعت الأطباق وعادت للمطبخ لتتناول غيرها 
جاءت تفتح الباب لتجد صلاح واقف أمامها يتطلع إليها ثم لتلك الطاولة بضيق
رفعت حاجبيها متسائلة عن حنقه ليتحدث پغضب
خليكى إنتى فى المطبخ متطلعيش ظبطى الطلبيات وأنا هاخدها
عقدت حاجبيها متحدثة بذكاء وجرأة
اممم دى غيرة دى ولا إيه!
احمر وجهه يتمتم بتوتر
ها ... لا طبعا غيرة إيه وهغير من مين أصلا
امممم طيب أنا فى المطبخ
تركته وابتسامة على شفتيها فذلك المراهق يغار عليها! 
حقا شيء لا يصدق!
تطلع لأثرها بتعجب أحقا يشعر بالغيرة أم مجرد مسؤولية!
عادا لمنزلهما وما إن جلسا ليرتاحا حتى بدأ باستجوابها
معتز ده تعرفيه من إمتى
جفلت من سؤاله المفاجئ لتجيب ببساطة
هو كان يعرف جدو وكان بييجى كتير وأنا صغيرة بس لما كبرت زياراته قلت شوية لغاية ما اتجوز وهو صغير كان فى سنى تقريبا وبعد ما زوجته اټوفت رجع يزورنا تانى
تتطلع إليها ببعض الضيق
اممم طيب ... إنتى مش هتيجى معايا هناك تانى
اتسعت عيناها ذهولا متحدثة باندفاع
بس إنت وافقت لما معتز قالك تجيبنى
اقترب بوجهه منها متحدثا پغضب وعڼف
ميييين
تراجعت للخلف پخوف متحدثة بتصحيح
آاا أبو خالد أبو خالد
تراجع هو الآخر محركا رأسه برضى ثم قال
أنا مش وافقت أنا بس نهيت الموضوع تفرق كتير
تنهدت متطلعة إليه برجاء
ساجد بالله عليك هتسيبنى هنا لوحدى ... وبعدين مع... أبو خالد بيبقى مش فى البيت فى الفترة اللى هكون فيها هناك ... أنا ملانة هقعد مع خالد لغاية ما تخلص ونروح
تحدث بنفى قاطع وعڼف
لا ... هو آخر كلام هتقعدى هنا تستنينى لغاية ما أخلص وآجى
دمعت عيناها وتطلعت إليه ببراءة ليهتز قلبه ويشعر بالتوتر فتحدثت پاختناق
بس أنا خاېفة هتسيبنى هنا لوحدى افرض حصل حاجة زى ... زى قبل كدة
عقد حاجبيه پصدمة ... كيف لم يفكر بذلك ... بالطبع لن يتركها هنا وحدها
سيظل قلبه مشغول بها خوفا عليها
مر بعض الوقت تطالع وجهه ببراءة وانتظار حتى تنهد متحدثا
طيب ماشى هاخدك
صفقت بيديها الصغيرتين
ضاحكة بطفولة فرحة ليبتسم بحنان وسعادة عليها
سرعان ما أضاف ببعض الحزم
بس لو غاب فى يوم عن شغله هتقفى معايا أنا مش هتقعدى فى بيته ومفيش أى اتصالات بيه ولو رن مترديش وتعرفينى فاهمة
أومأت بسرعة وسعادة ... مرت دقائق بسيطة حتى تذكرت شيئا هاما
نهضت متجهة لغرفتهما وغابت قليلا حتى عادت ومعها حقيبة كبيرة
وضعت الحقيبة أمامه تتحدث بحماس
الشنطة دى فيها كل حاجة إنت محتاجها خاصة فى التصميم ... أنا كنت شرياها بس مش هستعملها بقى خلاص خدها هتساعدك كتير خالص وأهو بدل ما نضيع الفلوس فى شړا غيرهم
تبادل النظرات بينها تارة وبين الحقيبة تارة حتى أخذها پعنف بتملك!
أغمضت عينيها مبتسمة براحة تستمع لكلماته الخائڤة
تفتكرى هنجح!
أبعدت رأسها قليلا تتطلع إليه بحب وخجل
بعشقك
وكان ذلك كافيا لجعل الثقة تعود إليه مرة أخرى!
لا يعلم لم ابتعد! 
قد يكون لرغبته ببناء نفسه أولا حتى لا يشعر بالذنب تجاهها
قد يكون يريدها أن تكون زوجة له وهو غنى معروف فهذا أقل شيء تستحقه
وقد يكون ... عادت نيرة لمخيلته مرة أخرى ويتمنى ألا يكون ذلك هو السبب
تنهد مرة أخرى متحدثا بحنان
أنا هخرج أجيب مخزون أكل
تحدثت بحماس ممزوج برجاء
آجى معاك
أومأ لها موافقا لتبتسم بفرحة فيسعد قلبه كالعادة!
كان جالسا على مقعده الضخم يتناول ما بالكأس
ها وصلتوا لحد من عيلته
أجاب مساعده بنفى
للأسف يا باشا بعد ما الراجل اټقتل من البوليس وعيلته مختفية ... يا متراقبين من البوليس يا عايزين يبعدو عن طريق ابنهم ... أنا بقول نركز فى شغلنا ونسيب آنسة سديم دلوقتى
همهم مصطفى محاولا الهدوء ليتحدث مساعده
اممم معاك حق يا إسلام أنا كدة ولا هركز فى شغلى ولا فيها ... من بكرة نرجع السوق
ابتسم إسلام بأمل متمتما
أخيرا يا باشا
الفصل ١٥
يتقلب على فراشه ... نظرات ذلك الزبون لم تعجبه ... لا تنفك طريقة تطلعه لرحمة عن مطاردته
زفر پعنف وتطلع بجانبه حيث هاتفه ... مرت دقائق شاردا يفكر بها حتى قرر مهاتفتها
نهض وأمسك هاتفه يتصل بها
لحظات وجاءه الرد
أيوة يا صلاح
قالتها رحمة بتعجب من اتصاله بها ليلا ليتحدث متوترا
آاا إزيك
رفعت حاجبها وتعجبها يزداد لتتحدث بعدم تصديق
أكيد مش متصل تتطمن عليا يعنى
حمحم مجيبا وإرتباكه يزداد
بصراحة كنت حابب نخرج بكرة بعد الشغل
قهقهت باستمتاع قائلة بمكر
اممم بس أنا قلتلك مينفعش
تحدث بإندفاع وحماس
مش هنتأخر والله نقعد فى أى مكان هادى نتكلم شوية وبس
همهمت له متنهدة بيأس
طيب يا صلاح ييجى بكرة بإذن الله ونشوف ... ها حاجة تانية
نفى متحدثة وقلبه ينبض فرحا
لا
لا مفيش ... تصبحى على خير
وإنت من أهله
أغلقا ليرقص وهو جالس فرحا محركا جسده بشكل مضحك
بينما على الجانب الآخر رحمة الهاتف لصدرها تتنهد بهدوء شاردة 
تشعر ببعض البعثرة والاضطراب !
كانا بالمطبخ يضعان مخزون الطعام كل بمكانه وهو يساعدها 
يتحدثان بأمور عديدة كل منهما يحاول اكتشاف الآخر أكثر وأكثر خاصة هو
ناولها ساجد الحقائب البلاستيكية الحاوية للمعكرونة يتحدث بحماس
ياااه ده إنتى كنتى بريئة أوى
قهقهت بخفوت وإحراج
اسمها هبلة مش بريئة ... البريئة بيحبوها لكن الهبلة بيستعبطوها
نفى بشكل قاطع هامسا بابتسامة
لأ بريئة عشان إنتى فعلا ... تتحبى
تطلعت إليه لثوان لتشرد به وتتحدث دون دراية من عقلها
يعنى فى أمل تحبنى!
ابتلع ريقه بإحراج وتوتر حتى هو لا يعلم الإجابة بل لا يعلم أى شيء إطلاقا
أفاقت مدركة ما نطقته لتجحظ عيناها وتحمر خجلا 
الټفت مسرعة تحاول وضع الحقائق بمكان عال بالمطبخ لكن لم تستطع
ضحك بخفوت لقصر قامتها واقترب منها يساعدها
ما إن شعرت باقترابه حتى قفزت كالأرنب فاستطاعت وضع الأشياء
التفتت ببطئ لذلك المتسع العينين بذهول تتطلع إليه ببراءة
ثوان واڼفجر ضحكا عليها لتضحك هى أيضا بإرتباك
لاحظت القرب الشديد بينهما فتحركت للجانب قليلا تكمل عملها كما فعل هو بابتسامة مشرقة على وجهيهما
هوووف
زفر بملل قبل أن يجلس على الفراش ... أصبح لديه متسع من الوقت والذى كان يملأ دوما بمرحها وضحكهم
اتصل بها للمرة التى لا يعلم عددها 
أجابت مياسين بملل
يا نعم يا سى تميم حاجة خااااامس
تحدث بإحراج وتوتر
جرا إيه يا بت بتطمن عليكى 
ابتسمت نافية بيأس من أفعاله
طيب اطمنت خلاص سيبنى بقى أخلص اللى ورايا وأنام
عقد حاجبيه متسائلا بتعجب
إنتى لسة بتروقى البيت
همهمت له ليتحدث مرة أخرى
طيب خلاص أنا بس كنت بأكد عليكى هنروح بكرة الكلية هاجى آخدك
همهمت له مرة أخرى دون حديث ليتحدث بحزن
طيب هسيبك بقى شكلك مشغولة ... سلام
سلام
أغلق الهاتف ينظر إليه بحسرة ثم خرج للمطبخ يتناول أى شيء خفيف لينام فغدا يوم شاق من الدراسة والعمل
__
طرقت الباب فأذن أخوها بالدخول
دلفت بهدوء تجلس بجانبه متحدثة بحزن
بجد يا صلاح متعرفش مياسين فين غريبة يعنى كنت دايما بتروحلهم وترجع تتكلم ... معنتش بتروح زى الأول
تنهد صلاح مجيبا ببساطة
عادى الموضوع معدش يهمنى بصراحة كانت فترة وعدت وبعدين متقلقيش لو حصل حاجة كنا عرفنا تلاقيها مسافرة ولا حاجة
أومأت له بأسف ليتحدث بابتسامة
المهم خلى بالك إنتى من كليتك وذاكرى كويس
متقلقش بإذن الله أجيب تقدير حلو
ربت على وجنتها بحنان فتحدثت مبتسمة
أسيبك بقى تنام تصبح على خير
وإنتى من أهله
تركته متجهة لغرفتها بينما أغمض صلاح عينيه مفكرا بها تلك الرحمة!
تطلع ساجد لظهرها وهى نائمة بجانبه لتتحرك يده لشعرها يتلمسه معجبا بانسيابه ونعومته
تنهد متحدثا بصوت خاڤت
فى أمل ... صدقينى فى أمل أحبك ...
زى ما قدرتى تخلينى مفكرش فى نيرة لفترة طويلة هتقدرى تخلينى أحبك
كانت تستمع إليه مبتسمة بشدة وهيام تدعو بداخلها أن يتحقق حديثه
ظلت يده على رأسها وأغمض عينيه لينام غير واع لتلك التى سلب قلبها للمرة التى لا تعلم عددها
__
أشرقت الشمس معلنة يوم جديد بأحداث أخرى
وقفا أمام القصر وقلبه حانق قبله هو شخصيا ... لا يعلم لما يكره ذلك ... برغم أنه فى سبيله لتحقيق حلمه إلا أن ذلك المعتز يعكر صفوه
قبض على يدها پعنف كمن يعلن صك ملكيته!
اتجه بها للداخل وقبل أن يطرق الباب وجده يفتح پعنف ومعتز واقف بحماس أمامهم
سديم إزيك عاملة إيه ... ههههه طول عمرك منتظمة فى مواعيدك
توترت ملامحها خاصة بعدما رأت عروق يده النافرة وهو يقربها منه أكثر وأكثر وتنفسه يعلو
يشعر بالحړقة والۏجع داخله فتحدث بنفاذ صبر وعڼف
إنت مش قلت بتروح شغلك بدرى شايفك مش لابس هدوم شغل يعنى
رفع معتز حاجبه باستنكار يتطلع لتلك المتوترة
اممم عادى قلت آخد راحة انهاردة فيها حاجة
زفر ساجد پعنف متحدثا
طيب ياريت تورينى الأرض أعاينها وأصورها عشان نخلص
همهم معتز باستفزاز متجاهلا كلماته يوجه حديثه لسديم الصامتة كما أمرها ساجد قبل ذهابهما للقصر
ادخلى يا سديم متفضليش واقفة كدة ... تتعبى
أنهى جملته بمكر مغيظا ذلك الثائر ڠضبا يكاد ينقض عليه ضړبا
هزت سديم يد ساجد قليلا ليفيق من تخيلاته پقتل هذا الحقېر
تحرك للداخل مع زوجته وهو يدفع معتز بعيدا عن طريق سديم لتخجل من فعلته بينما تطلع معتز لأثره بتوعد
دلفا للداخل وجلسوا على الأريكة بهدوء مناف للاشتعال بداخل كل منهما
ثوان وجاء خالد ركضا صارخا
ماما جت ماما جت هيييه
نهضت سديم بسرعة وسعادة ة إياه ثم جلست وهو ب ها ليستنكر ساجد فعلتها
تطلع معتز إليهما بحنان قائلا
ربنا يخليكم لبعض
أجاب ساجد سريعا پغضب
مش هنشوف شغلنا ولا إيه
تجاهله معتز كالعادة متحدثا لسديم التى لم يعجبها تعامله مع معشوقها
عارفة يا سديم برغم إن خالد بيقول لأى ست ماما إلا أنه بيقولهالك من قلبه أصله ... بيحبك أوى
بدأ ساجد يحرك قدمه محاولا الهدوء بينما اكتفت سديم بالابتسام فقط
حسنا فلينهى تلك المهزلة 
تقدم للأمام بجسده قليلا مردفا پعنف
بص يا أستاذ معتز لو هتفضل فى البيت عرفنى عشان أسيب مرااااتى فى بيييتى
عقد معتز حاجبيه متحدثا پغضب
تسيبها إزاى لوحدها فى المنطقة دى
زفر عدة مرات ليكمل ببعض الهدوء
متقلقش كدة أنا فى الشغل ولو مروحتش هبقى معاك برة فى الأرض مش هدخل القصر طول ما هى فيه
أومأ ساجد له وهو ينهض باستعجال
طب ياريت تورينى الأرض كويس وتشرحلى عايز إيه عشان نخلص بسرعة
نهض معتز هو الآخر يسير بكبرياء
بعدما ابتسم لسديم التى تلاعب خالد وقد انشغلت عنهما
لاحظ ساجد نظرته فجز على أسنانه يكاد يتكسرون من
شدة غيظه
_
استيقظ صلاح بنشاط منذ فترة طويلة يضع أجمل ما يملك من العطور وقد حرص على انتقاء ملابس راقية جميلة ووضعها بالسيارة ليغير بالمطعم قبل ذهابه معها للخارج فلقد انتظر خروجتهما منذ مدة بشوق عارم
أفاق على جلوسها بجانبه بالسيارة وابتسامة مشرقة على وجهها ليجيب بحماس
ها مستعدة للخروجة بعد الشغل يعنى
حركت رأسها بعدم تصديق وذهول
ههههه طب آخد نفسى طيب
عقد حاجبيه وضيق عينيه بحنق
إنتى وافقتى إمبارح
ابتسمت على تصرفاته تجيب مراوغة إياه
مع إنك مأخدتش الأوكى منى بس ماشى نشفق عليك المرة دى بس
ها ها ها
ضحك بحنق على كلماتها لتبادله الضحكات بسماجة 
خرجت ضحكة غير مصدقة منه ومن أفعاله الجديدة عليه لتبتسم عليه
_
أغلقت باب الشقة تلتفت لذلك الواقف أمام الباب منذ وصل رافضا الدخول
يابنى ما كنت تدخل عجبك وقفتك دى
قالتها مياسين باحتجاج ليتحدث باتهام وضيق
ما هى مش فارقة أدخل وتفتحى الباب ولا أفضل برة وتفتحى الباب
صمتت دون التعقيب على حديثه مبتسمة بخفاء عليه
وقفا بالطريق حتى أوقف تميم سيارة أجرة يتجهان للجامعة
أيقظت ثريا ابنتها التى تأخرت على الجامعة 
ارتدت شريفة ملابسها بعجلة وخرجت تأكل القليل من الطعام بسرعة حتى توقفت على كلمات والدها الحادة
شريفة أنا لحد الآن مجبرتكيش على عريس وآخر واحد رفضته لكن من انهاردة أنا عارف مصلحتك كويس ولو حد مناسب اتقدملك هوافق مش ناقصين لعب عيال احنا
ابتلعت باقى الطعام بصعوبة مجيبة بصوت خاڤت
بس يا بابا أنا لسة صغيرة على المسئولية وعايزة أتخرج بتقدير كويس وأشتغل
أجاب الوالد بما لا يحتمل الجدال
أنا قلتلك كلمتى بلا شغل بلا هبل الست ملهاش غير بيت جوزها
أومأت له تاركة الطعام متجهة للخارج دون سلام بينما تطلعت ثريا لأثرها بحزن على تحكم عاصم بهم جميعا
كانا يسيران وصديقات مياسين يرحبن بها وتقابلهن بابتسامة
انتهى التجمع فزفر تميم براحة
يااه أخيرا إيه الخنقة دى
ضحكت مياسين عليه مدافعة عن صديقاتها
زمايلى بيرحبوا بيا الله
يرحبوا حد اتكلم
اعترض طريقهما ذلك السمج طارق وهو يتحدث بحماس وإعجاب
مياسين وحشتينى غبتى عننا كتير ليه
قبل أن تتفوه بكلمة كان تميم يقبض على ياقة قميصه متحدثا پغضب
احترم نفسك يلا إيه وحشتينى دى
ابتلع طارق ريقه پخوف متمتما بتوتر
أنا مش قصدى كنت بس كنت ..
قاطعه تميم بحدة
إنت لسة هتأتألى متكلمهاش تانى فاااهم
أومأ طارق وقد تعرق خوفا وهرب ركضا ما إن تركه تميم
تطلعت مياسين إليه بتعجب وذهول متحدثة
مالك فى إيه!
الټفت إليها پعنف جازا على أسنانه
إيه اللى فى إيه أسيبه يعاكسك ويقل أدبه يعنى
عقدت حاجبيها مجيبة پصدمة
طب ما هو عملها كتير وكنت بتكتفى تجرحه بالكلام وتحذره ... أول مرة تمد إيدك ... إيه اللى اتغير
زفر تميم پعنف وفتح فمه ليتحدث حتى صمت فجأة مفكرا بكلماتها 
على حق هى ...
ماذا تغير! لطالما اكتفى باحراجه
لكن طارق قد زودها اليوم بكلماته 
نعم ذاك هو السبب
كانا واقفين بمنتصف قطعة الأرض الضخمة المجاورة للقصر ومعتز يشرح بجدية ما يريده بينما ساجد يحاول طرد أفكاره بقټله!
انتهى معتز من الشرح والټفت لساجد متحدثا بسخرية منه
إيه فهمت يا هندسة ولا أعيد تانى
قهقه ساجد بتصنع يبحث بداخله عن كلمات تجرحه لكن لم يجد 
سمعوا صوت خطوات تقترب منهم فالتلفت الشابان ليجدا سديم تقترب بخطوات خجلة وخالد يسحبها وراءه صارخا بحماس
بابا أنا جبت سديم أفرجها على الأرض
اقترب معتز ببطئ وابتسامة
طبعا شرف كبير سمو الأميرة سديم تشوف الأرض
تضايقت سديم من حديثه وقبل أن يصل معتز إليها كان ساجد قد وصل أولا وأخذها پعنف من يد خالد متحدثا بجمود
أظن إنت شرحت خلاص اللى عايزه سيبنى أسبوع أظبط كل حاجة ونبتدى الشغل
همهم معتز يكاد ينفجر غيظا
اممم بس أنا عايزك تيجى كل يوم تورينى جزء من شغلك
هنا ولم يستطع التحمل لينفجر ڠضبا
إنت ليك الشغل يعجبك وبس
رفع معتز حاجبه بملامح حادة وكاد يستهزئ به لكن تذكر وجود سديم معه
لن يكون سببا بشعورها بالمهانة أبدا!
قرر الصمت لأجلها هى ... وهى فقط!
أخذها ساجد وخرج من القصر ملامحه لا تبشر بالخير
_
ابتسم قصى بفرحة عارمة
يااه أخيرا حددنا يوم كتب الكتاب
تنهدت عايدة مجيبة بجمود ومازال عليها أثر الحزن والبكاء على أختها
كتب الكتاب اتحدد بعد أسبوع عشان كلام الناس بس لكن الفرح براحتنا فيه
أومأ قصى وفرحته قد أنسته حزنها فتابعت عايدة بتعب
أنا مش قادرة أسافر وأعزم هتروحوا إنتو تعزموا قرايبنا بكرة و ... ساجد ابن الغالية
قالتها بصرامة لتتوتر ملامح نيرة ولم تجد مفرا سوى الموافقة
عادا للمنزل فدفعها ببعض العڼف للداخل حتى كادت تسقط
أغلق الباب واتجه للأريكة يجلس عليها پغضب
لاحظت تشنجه واحمرار وجهه فاقتربت ببطئ وخوف حتى جلست بجانبه تحرك يدها على ظهره عله يهدأ
تعلم لما ڠضب ولديه كل الحق بذلك
تنفس عدة مرات عله يهدأ حتى تحدث بحدة
ممكن أعرف إيه العلاقة بينكم وإزاى معتز الكلب ده يتكلم معاكى كدة
أنهى كلماته صارخا يتذكر تغذله بها ليشتعل ڠضبا وشعور آخر جديد عليه!
ملست على ظهره ويدها الأخرى احتوت يديه المعقودتين تجيب برجاء
والله ما فى حاجة بس أنا آسفة عارفة إنه زودها بس أنا مش رديت عليه والله
تبعت جملتها بحماس وابتسامة عله يهدأ ليجيب بداخله بتنهيدة
المشكلة إنك مش رديتى ولا عملتى حاجة غلط ... ومع ذلك حاسس بحړقان جوايا
أفاق على هزتها الخفيفة ونظرتها الراجية ليتحدث ببعض الهدوء
سديم ... حاولى تبعدى عنه نيته مش خير أنا راجل زيه وعارف لولا خوفى عليكى من المنطقة الژبالة دى كنت سيبتك هنا
أومأت له بسرعة ولهفة ليبتسم ببطئ 
أغمض عينيه ليريح رأسه قليلا الذى تآكل اشتعالا من كلمات معتز ذاك 
حتى
فتحهما مرة أخرى يتحدث بحماس
إيه رأيك نخرج بكرة نتغدى برة فى مطعم كويس لسة فاتح