مطلوب عروسة لحمايا بقلم مروة حمدى ومنى عبدالعزيز 

من شوية تعرفي بيقول انك وحشاه اوى انتي والولاد من يوم ۏفاة الحاجة مشفكيش انتي والعيال.. 
بدرية بتهته وبصوت متلجلج... اازاي الكلام ده عمى شكلة بقي ينسي انا كنت عنده اول امبارح ومخليه السقة تبرق. 
عاطف بسخرية صادقة ياروحي وانا قاعد عنيا مكنتش قادر افتحهم من نظافة الشقه وانك مخليها تبرق. 
بدرية بتهته اكتر في اي يا عاطف مالك بتتمسخر عليا لي كده. 
عاطف قرب منها ومسك اديها وهو بيحاول يتمالك اعصابة. 
حاجه بسيطه خالص عرفت انك كدابة وبتخدعيني كل يوم اجبلك هدايا اشكال الون على مرعيتك لابويا وفي الاخر القي الشقة عبارة عن مزبله يا شيخه دا انا مستحملتش اقعد فيها دقيقتين. 
بدرية بلعت ريقهها پخوف من كلامه كلمت نفسها فكري يابدرية بسرعة واقلبي الموضوع لصالحك عاطف شكله ناوي على خړاب لتبتسم ابتسامه ماكره وبدموع تماسيح اتكلمت كويس اوى انك شفت بنفسك الشقة بقالي كتير عماله المحلك واقولك من تحت لتحت على عمايل مرات اخوك ولاني بنت اصول مكنتش بقلها صريحة انا بتعب ويتهد حيلي في ترويق الشقة وعمايل الأكل وتجي ست نوال تاكل منه على الجاهز وغير كدا بتعمل اكلها في شقة الحاج وتسيب المواعين بتعتها عشان اغسلهالها الاول كنت مفكره عمي بيسخن الاكل لحد في يوم شفتها وانانزله بالصدفة كنت ناسيه حاجة في الشقة لقتها قاعدة قدام التليفزيون وعماله تقزقز لب وسوداني. 
بعد ايده اللي مسكها بيها وهى عماله تكمل كلامها وابتسامتها على وشها بتحاول تداريها من عاطف اللي بدء يصدق كلامها والحيرة ظهرت على ملامحه لتكمل كلام تقبل على نفسك وعليا ابقي خدامة لست نوال مرات اخوك ومفروض انا الكبيرة ومرات الكبير ومع ذلك كنت ناويه أشيل وانضف بس الحاج كان على وصول ولا مأخذة ماينفعش اوطي واشيل واحط وجسمي يتحرك قدامة واحنا لوحدنا في االشقة يا عاطف قالتها بمغزى.
خلي عاطف يبرق بعنيه انتي بتقولي اي يابدرية انتي اكيد اټجننتي.. 
بدرية لاء متجننتش يا سي عاطف انا واحدة حرة عارفه
انا بقول ايه صحيح عمي محترم ومتخرجش منه العيبه بس الشيطان شاطر وخد بالك امك بقالها سنين تعبانه ودا راجل لسه في عز شبابه واديك شايف كل يوم والتاني بنسمع عن بلاوي غير كلام الناس والجيران انا مكنتش ناوية اتكلم لكن دلوقتي انت اللي فتحت الموضوع وبقي كله على عينك ياتاجر انا من ها ورايح مش هنزل شقة ابوك لاني بعف نفسي وبنفس الوقت لاشرع ولا ديني بيطالبوني اني اخدمه بالعكس من الشرع اني مكنش معاه في نفس البيت لوحدنا. 
عاطف دا ابويا يابدرية ازاي تقولي عنه كدا.. 
بدرية مش انا اللي بقول دا الشرع والشيوخ ليل نهار بيتكلموا على كده... 
عاطف قعد على الكرسي وحط ايده على دماغه وبيفقول لنفسه اعمل ايه ياربي اي حد مكاني هيتصرف ازي
يتنهد بحزن ويتمتم بكلام هي مفهمتش قصده اي... يظهر مفيش غير الحل اللي بابا قال عليه. 
وبنفس حيرته طيب اعمل اي دلوقتي بابا وحلف مفيش واحده فيهم تدخل الشقة ولا ينفع اسيبه ينام كدا في المزبلة اللي تحت.. 
فاق من حالته قام وقف بسرعة وهو بيكلم نفسه انا مش هينفع اقعدكدا ابويا وخدمته واجب والزام عليا انا هنزل انضف واشتغل على قد مقدر لحد منشوف اخرتها وان شاء الله مع اول نور للصبح انا اللي هروح واخطبله. 
خرج من الشقة ونزل السلم بسرعه اتقابل مع اخوه على السلم بصوا لبعض ومن سكات دخلوا شقة ابوهم نادوا عليه. 
خرج غانم من اوضة نومه بهلع على صوتهم هم الاتنين. 
وقبل ما يكلم الاتنين بصوت واحد بابا احنا موافقين. 
عاطف بعد اذنك يابابا انا داخل المطبخ اودبه وهعمل لقمة نكولها مع بعض. 
عماد وانا هرتب باقي الشقة واهويها. 
غانم ببتسامة وعيون كلها دموع من الفرحه من حنان ولاده. 
وانا سبقتكم ورتبت اوضة النوم. 
عماد بعد اذنك بقي يا حاج تدخل اوضتك وعلى ما تصلي العشاء هنكون انا وعاطف خلينالك الشقه فل. 
هز غانم راسه ودخل الأوضة وعماد بدء في ترويق باقي الشقة سرح في كلام نوال مراته اول ما سالها على اللي شافه في شقة ابوه. 
نوال بص يا عماد انا عارفه انك زعلان وليك حق اللي بيحصل مايرضيش حد انا كنت خاېفه تفهم كلامي غلط واني مش عاوزه اخدم عم الحاج بس قلت اجاريك ووحده وحده هتعرف السبب لوحدك واديك شفت كل حاجه بنفسك مش هنكر اني غلطت اني معرفتكش عمايل بدريه وانها كل يوم تبهدل الشقة غير أنها رميه الحمل كله عليا بحجة انها سلفتي الكبيرة في الاول كنت برضي واقول كله يهون عشانك انت ياحبيبي لكن دلوقتي خلاص معتش بنفع لازم اهتم بصحتي وصحة ابني او بنتي قالتها وهي بتحسس على بطنها. 
عماد بذهول من اللي سمعه قصدك ايه. 
عماد انا هنزل بسرعه اقول لبابا دا هيفرح قوي. 
نوال سريعا لالا استني يا عماد بلاش تقوله دلوقتي علشان خاطر الست بدريه
_ليه
اذا كان انا وخاليه واهو شفت بنفسك ال بتعمله اومال لو عرفت انى حامل مش بعيد تسقطنى. 
_وايه اللى يخليها تعمل كذه. 
بلفت اخوك زى عوايدها بكلمتين وجابت الحق كله عندى. 
سكت ياخذ نفسه واقتنع جواه ان قرار ابوه صح ومافيش قدامهم غيره وبصلها. 
_مبروك يا حببيتى بس انا مش هينفع اخبى على ابويا واخويا. 
_بس.. 
يسكتها باشارة من أيده لو على بدرية فخلاص لا انتى ولا هى هتجمعوا تانى. 
قالها ونزل وسايبها مش فاهمه هو قصده ايه بس ابتسامتها ملت وشها وهى بتحط راسها على المخده اوف كان هم وانزاح
بدرية إيه يا عاطف انت صاحى ليه كده ده انهارده حتى الجمعه ياخى!
عاطف انا مسافر البلد مع عماد.
بدرية بفزع اتعدلت ليه فى إيه
_هنخطب للحج وحده من قرايبنا هناك
بأبتسامه فرحه يا زين ما نويتوا
عاطف ده انا قولت اول وحده هتعترض بدرية.
بدرية بمسكنه برضه وانا اكره راحة الحج وانه يلاقى ال تغسله وتطبخله واخر الليل تؤنسه واعترض كده برضه يا عاطف انت مش عارف غلاوة الحج عندى ولا ايه
عاطف بتريقه وهو خارج المشكلة انى عارف.
هو خرج من هنا وهى بسرعه مسكت التليفون ترن على اختها ال ردت من المرة الثانيه وبصوت نايم فى ايه يا بدرية مخليكى مصحيانى بدرى كده
بدرية خبر بمليون جنيه.
فاقت من نومتها وباهتمام خير.
بدرية انتى عارفة عاطف وعماد راحوا فين دلوقت
رضا احنا هنلعب حذر فذر على الصبح.
بدرية يا ستى حذرى وقولى.
رضا جايه تتكلم سمعت صوت اغانى بعيد من الناحية التانية فى التليفون خلاها ضيقت بين عنيها وسالت اختها.
رضا هو فى. ايه عندكم يا بدرية وايه الصوت ده على الصبح
بدرية بدلع حمايا هيتجوز.
شهفت بعلو صوتها وبدرية بتكمل الصوت ده تلاقى الست نوال مشغلة اغانى وفرحانه.
رضا بولوله كمان.
بدرية تصدقى من خوفى لعيل من المساخيط عيالى يقول لابوه لكنت شغلت انا كمان وهاتك يا رقص.
رضا رقصوكى وانتى داخلة مستشفى المجانين يا خايبه.
بدرية الاه فى ايه يا رضا مالك حاميه عليا كده ليه
رضا بقا فى وحده تفرح علشان حمايا هيتجوز يا موكوسه انتى وسلفتك.
بدرية اللاه اشحال على يدك كل حاجه.
رضا بقا طبقين وكنسه صاله يلهوكى عن الهم ال هتجبوه لنفسكم.
بدرية بقلق ما تتكلمى على طول يختى وقعتى قلبى فى ايه
رضا انزلي بسرعة لسلفتك عشان اقول الكلام مرة واحدة. بدرية متقولي يارضا في ا انااستحاله انزل للي اسمها نوال دى. 
رضا بدرية سيبك من شغل السلايف ده اتركني اي خلاف بينكم وحطي ايدك في ايدها لمصلحتكم ومصلحة ولادك. 
نزلت بدرية ورنت جرس شقة نوال اللي اول مافتحت الباب قال
بدرية إيه الطلة الغريبة دى من إمتى وانتى بتجيلى شقت دا انتي ما عملتيها وأنا عروسة. 
بدرية وهى بتزقها وبتدخل عيناها بتبص على كل حاجه فى الشقة حواليها سيبك من اللت ده واقفلى الصداع ده أول مرة أشوف وحده فرحانه علشان حماها هيتجوز 
نوال بضحكه يعنى انتى مش فرحانه انتى كمان من الخدمه الطلوع والنزول كل شويه من شقة حماكى ده الواحد مالحقش يشم نفسه من بعد ما كملت شهر جواز وانا شغالة خدمة لحماتك لحد ربنا ما افتكرها وقولت خلاص هرتاح من القرف طلعلى حماكى زى فرقع لوز ودلوقت أخيرا هرتاح واحس انى عروسه وفى بيتى تقوليلى فرحانه ده انا لولا الملامه والوليه ال ډمها منشفش فى التربة كنت زغرطت من الفرحة متعرفش انا كنت قد ايه طايرة من السعادة وعماد بيقولي الخبر وانهم نازلين
البلد يخطبوا لابوهم . 
نوال تسمع صوت جاي من التليفون قربت من بدرية وقعدت جنبها بفضول تسمع كلام رضا. 
رضا نوال اهدي كده واسمعي كلامي للاخر من غير ما تقاطعني انتي والغبية اللي جنبك. 
نوال 
هو في ايه ومالك ډخله حاميا عليا انتي كمان يا رضا. 
رضا بحدة نوال مش وقته قمصتك ولويه بوزك انتي وبدرية كفاية بسبب طريقتكم دى مع رجلتكم خلتهم راحوا يخطبوا لابوهم وهيجوزوه بنفسهم وقال اي فرحنين انتم الاتنين ونزلين رقص فرحنين عشان هتخلصوا من كام طبق زيادة وترويق شقة كل كام يوم وبخبتكم خلتوهم يقنعوا ابوهم بالجواز وكمان يخطبولوا بنفسهم اسمعوني بقي انتم الاتنين وخلي غيرت السلايف دى على جنب وشوفوا بغبئكم عملتم ايه. 
نوال بتريقة كام طبق هي اختك مقلتلكيش على العزايم والناس اللي ډخله خارجه دا انا حيلي اتهد من غسيل المواعين وترويق الشقة. 
بدرية برفع حاجب وتمتمه وصلت لنوال لتكلمها پحده. 
بدرية اللي يسمعها وهي بتقول حيلها اتهد ما يشفش الحلل اللي مركنها تحت الحوض والتراب اللي على العفش دا انا حيلى ال اتهد من عفنتها. 
نوال بدرية هتعمليهم عليا دا انتي استاذة في التركين وانا اتعلمت منك. 
رضا اخرسي انتي وهي انتم في اي ولا ايه. 
نوال رضا بقلك ايه خلصنا وقولي اللي في جوفك انا مش طيقه اقعد مع اختك في مكان واحد. 
رضا بقلكم ايه لو ما سكتوش وسمعتوني انا هقفل وابقوا عيطوا على خيبتكم وانتم ورجلتكم مرمين في الشارع وتقولوا ياىيت اللي جري ما كان. 
نوال پخوف وغوشتني