قلب ليس من حقه بقلم لؤلؤة حيرانة ج٣ من الفصول
المحتويات
هناك من يراقب كلامهم بضيق شديد وعصبية
ميرفت متوجهة لسمية بغضب عملتى اللى فى دماغك طبعا
سمية حضرتك تقصدى ايه
ميرفت بعصبية واندفاع شديدين حملتى عشان تاخديه ليكى انتى بس صح انانيتك وتفكيرك خدوكى لكده مش كده ازاى حد تانى ياخده منك
تفاجأ الجميع من رد فعل ميرفت ولكن آسر صدم واعين سمية اغرورقت بالدموع
آسر بنفاذ صبر بس كفاية يا امى ارجوكى
ميرفت تقف بعصبية كفاية ايه يا باشمهندس ماهم خلاص خدوك تحت جناحاتهم لكن خدى بالك يا دكتورة اللى انا عيزاه هيتم فاهمة هيتم غصب عنك وعنه رمت الفوطة على السفرة انا شبعت
انصرفت ميرفت وسط ذهول الجميع لكن آسركان فى قمة احراجه فقد انطشف للجميع معاملة امه لزوجته ارادت مى ان تلطف الجو قليلا
مى بحرج شديد سمية انا اسفة بجد ماما من وفاة بابا وهى عصبية ومبتتحكمش اوى فى انفعالاتها
ملك بضيق مش للدرجة يا ملك ى حتى محترمتش بابا
مى والله انا آسفة بجد
يوسف مقاطعا بطلوا بأى انا عايز آكل بسم الله يا جماعة ولا انتى عينك فى الديك الرومى يا سمية قولى ليطلع للواد عرف احمر
سمية لا بالهنا والشفا
عمرو ايه يا عم هو انت هتاكله لوك ولا ايه فى قبائل موجودة
يوسف الله اكبر هيبصلى فى اكلتى
استطاع يوسف ان يحرك الجو قليلا للمرح اكثر والسعادة كانت مها من وقت لاخر تتحدث مع سميةة وتتطمئن عليها وتعطيها التنبيهات انقضى اليوم وغادر الجميع
آسر بصوت عالى سوزان سوزان
سوزان مسرعة نعم
آسر ماما فين
سوزان خرجت من زمان
آسر طيب روحى
سمية محاولة تهدئته اهدى يا حبيبى اهدى متتعصبش
آسر بعصبية ازاى يعنى انتى مش شايفة اللى هى عملته ماشى انا هتصرف
سمية طيب هدى يلا نطلع خدلك دوش كده وروق
آسر بنظرة ذات معنى لسمية وبعدين ماما ايه اللى هى عيزاه
سمية مش فاهة
آسر قالتللك اللى انا عيزاه هيتم غصب عنك وعنه وقلتلك انتى مش عايزة حد ياخده منك او حاجة زى كده فى ايه
سمية بارتباك وولا حاجة معرفش
آسر بغضب انتى مبتعرفيش تكدبى فى ايه انا العفاريت الزرق بيتنططوا قدامى
سمية طيب اهدى عشان خاطرى
آسر ما تنطقى يا سمية امى قالتلك ايه وايه اللى هى عيزاه
سمية تبلع ريقها بارتباك طيب وعد مش هتتعصب او تزعلها
آسر بنفاذ صبر وعد قولى
سمية طنط كانت طلبت منى من يوممين تلاتة انى انى
آسر متقولى
سمية بدموع بسيطة انى اقولك تتجوز نادين عشان موضوع الاطفال ده وانى مش هقدر اجبلك اطفال يكونوا سند ليك وانت مش هتواافق غير لو قولتلك لانك خايف على مشاعرى
آسر بصدمة ماما قالتلك كده
سمية بدموع اكثر ايوة وحتى نادين جت هنا ومامتك قالتلها
آسر بعصبية وانا اطرش فى الزفة مقولتيليش ليه
سمية مش عايزة اكون سبب فى زعل بيكم ده حقها وانت ابنها
آسر ويتنهد بضيق احنا مش اتفقنا اى حاجة تحصل تقوليهالى
سمية ببكاء اكثر مكنتش قادرة يا آسر مجرد التفكير فى الموضوع ده بيقيد نار جوايا
آسر يمسح دموعها طيب بس خلاص متعيطيش يعنى بتغيرى عليا اهه
سمية امال اغير على مين يعنى
آسر يقبل رأسها ربنا ميحرمنيش منك يلا اطلعى غيرى عشان ورانا مشوار
سميةة باستتغراب مشوار ايه انا عايزة انام
آسر حاضر يلا بس
صعدا غرفتهما توجه آسر الى خزانة الملابس اخرج حقائب الملابس ثم بدأ فى رص ملابسه نظرت له سمية بتعجب
سمية انت رايح فين
آسر وهو يرتب ملابسه حطى هخدومك فى الشنطة التانية هدومكك كلها يلا
سمية انا مش فاهمة
آسر هنروح نعيش فى بيتنا انا وانتى على طول معدش لينا قعاد هنا
الباارت ال
صعدا غرفتهما توجه آسر الى خزانة الملابس اخرج حقائب الملابس ثم بدأ فى رص ملابسه نظرت له سمية بتعجب
سمية انت رايح فين
آسر وهو يرتب ملابسه حطى هخدومك فى الشنطة التانية هدومكك كلها يلا
سمية انا مش فاهمة
آسر هنروح نعيش فى بيتنا انا وانتى على طول معدش لينا قعاد هنا
سمية بدهشة نعم لا يا آسر عشان خاطرى لا
آسر ينظر لعها باستنكار شديد انتى بتقولى ايه
جلست سمية بجواره ومسكت يده
سمية يا آسر لا كله الا رضا مامتك عشان خاطرى
آسر انا مش هستنى لما بيتى يتخرب وحياتى تتخلبط وانا قولت لماما كذا مرة
سمية برجاء عشان خطرى لا انت مش فاكر والدة سيدنا ابو هريرة كانت بتعمل فيه ايه ومع كده فضل صابر لحد ما اسلمت وانت طنط ميرفت مامرتكش بمعصية ولا خخلتك تسيب طاعة دى كان نفسها تشوف احفادها وده حقها وعايزة كمان تكون متجوز من واحدة هى بتحبها ومرتحالها وشايفة انها دى المناسبة ليك صدقنى هى غير ملامة يبأى ليه كده
آسر بتنهيدة بصى يا سمية خلينا واضحين وصرحا مع بعض انتى عارفة ماما مشاعرها ايه اتجاهكم واتجاهك انتى بالذات واسترسل شاردا انا عارف اسلوب ماما كويس جدا وتفكيرها امى مش عايزة حد ياخدنا منها او نحبه عشان كده عايزة تجوزنى نادين هانم عشانى عشان متاكدة انى مبحبهاش وبالتالى مش هيكون فيه ليا غيرها وعايزة واحدة تكون معاها فى الحفلات والجمعيات والقصص دى فلو جبتيلها اى واحدة فى مواصفات نادين هتوافق عليها بابا الله يرحمه كان تفكيره كله معاكم كانت معم مشاكلهمم بسبب العيلة وكمان انا سمعت ان جدى الكبير مكنش موافق على جوازتهم وعارضها بشدة وفضلوا مدة كبيرة فى مشاكل واللى وقف جمب بابا عمو احمد يمكن هى بتحاول تردلك الجميل بس بطريقتها وابتسم بسخرية
سمية بابتسامة صافية اكيد ردتهولى كفاية انها خلفتك تخيل باى لو طنط مكنتش خلفتك كنت هعنس
آسر طيب الحمد لله عدى الجمايل يلا بأى قومى جهزى هدومك
سمية برجاء بر والدتك يا آسر بلاش انا مش عايزة اككون سبب فى زعل بينكم
آسر يقبل رأسها متفتكريهاش سهلة عليا قومى بس وربنا هيحلها من عنده
سمية باستسلام حاضر
رتبت سمية ملابسها واغراضها بينما كانت ميرفت مع صديقتها ثريا وابنتها فى منزلهما
ميرفت بغيظ شديد شفتى بنت الفلاحين عملت ايه عايزة تتدبس ابنى فيها طول العمر
نادين بقهر وآسر مبسوط اكيد
ميرفت البت دى عملاله ايه معرفش انا مممعرفش
ثريا بتنهيدة ونفاذ صبر ميرفت
طلعيهم من دماغك ابنك مرتاح مع مراته سيبيهم يعيشوا حياتهم وحرام البنت مريضة وحالتها صعبة زى ما انتى بتقولى سيبيها تعيشلها اليومين اللى فاضلينلها مرتاحة سيبيها يا ميرفت
ميرفت بقهر واندفاع اسيب بنت الفيومى ترتاح وانا نارى تزيد وهما مفكروش فيا ليه يسيبونى مرتاحة مع محمود
ثريا خلاص مكنش له داعى انك تدخلى بنتى فى تصفية حسابات بينكم يا ميرفت ومعدش الموضوع ده يتفتح تانى
نادين بتأثر عن اذنكم انا طالعة اوضتى
ثريا بلوم عجبك كده
ميرفت والله انا بحب نادين يا ثريا كنت عايزاها زوجة لابنى دى اللى اتشرف بيها قدام الناس
ثريا بس ابنك مبيحبهاش علقتيها بيه ليه يا ميرفت على العموم انا مش زعلانة ده درس ليها بردو تعرف اللى عملته فى طليقها مكنش هين يلا الحمد لله
غادرت ميرفت بيت صديقتها وهى تشعر بالضيق والالم ايضا فهى تريد ان تذيقهم ما ذاقته ولكن بقهر رجعت الى بيتها توجهت الى غرفتها مباشرة لم تلحظ غيابهم وام تسأل بينما كانا فى طريقهما
سمية ده مش طريق البيت
آسر هنروح هايبر اللى هنا البيت مفضى
سمية متفكرنيش وزمانه متبهدل من القفلة والعفار ماليه كان فيها ايه لو استنينا للصبح
آسر اولا البيت يوم بيوم الشغالة بتروح وبتعمله وجاهز فى اى وقت خلاص وصلنا يلا انزلى
تبضعا ما يحتاجانه ثمم توجها الى المنزل كان فى حالة ممتازة كما اخبرها آسر وضعت الاغراض فى المطبخ ورتبتها سريعا
آسر كنتى اطلع غيرى وكنت هرتبها
سسمية بابتسامة لو طلعت هنام ومش هقدر انزل انا خلصت اهه يلا
توجها الى السلم حملها آسر سريعا
سمية بخضة انا تعقدت من السلم ده
آسر وانا بموت فيه بس تنتى خفيفة ليه اللى بيكونوا حوامل بيزيدوا
سمية تصدق انا حاملة هم زيادة وزنى دى
آسر تخيلى قصيرة وتخينة هتكونى كورة
سمية تضربه على كتفه بشدة احسن من الناس الطوال على فكرة
آسر كتفى اشتكى
سمية طيب نزلنى عشان تفتح الباب طيب بس بالراحة انا بقولك اهه
انزلها آسر ثم فتح الباب ودخلت سمية وادخل آسر الحقائب احست بفرحة عارمة عندما دخلت غرفتها التى قضت بها اجمل لياليها نظرت الى كل ركن بابتسامة واشتياق آسر من الخلف
آسر وحشتك الاوضة صح
سمية التفتت له بحب اوى يعنى هى ماوحشتكش
آسر جدا يا سمية ووحشنى الدولاب
سمية بنصف عين كتفك بيشتكى مش عايزة اخليه يبكى
آسر ماشى يا سمية يلا بس ننام وكلها يومين واخليكى انتى اللى تبكى
نام الزوجان بسلام ولكن هناك ما ازعج منام سمية ميرفت تحاول ان تاخذ زوجها الذى تتمسك بيده هى ونادين وطفلها يبكى ويبتعد وهى تحاول الصراخ ولا تستطيع تحاول الركض لا تستطيع اختنقت ظلت تتملل فى فراشها وتحاول ان تلتقط انفاسها شعر بها آسر استيقظ منزعجا اضضاء نور الاباجورة ثم حالو انن يفوقها كان العرق يتصبب منها وانفاسها متلاحقة
آسر بقلق يهزها سمية سمية فوقى
لا حول ولا قوة الا بالله سمية
سمية بفزع هىىىىى اعوذ بالله منن الشيطان الرجيم
آسر يمسك وجها بقلق مالك يا حبيبتى فى ايه
سمية تنهج كابوس كابوس يا آسر
آسر اهدى اهدى ان شاء الله خير اذكرى الله الا بذكر الله تطمئن القلوب
ملأ لها كوبا من الماء الذى بجواره ثم اعطاهاليها شربته ثم نامت
آسر نامى يلا واستهدى بالله
سميةتتمسك بشدة متسيبنيش خليك جمبى
آسر يقبل رأسها حاااضر نامى بس
استسلمت الى النوم مستمده منه الحب والامان فى صباح اليوم التالى علمت ميرفت بغيابهم اتصلت بابنها وثارت عليه ولكنه حزم الامر معها قائلا لما تولد مراتى ان شاء الله ممكن نفكر نرجع وخلاص انتهى الموضوع ده وانقضت الايام سريعا عرض آسر على عمرو العمل معه وان يكون مسئولا عن شركة الكيماويت ونستحضرات التجميل واستيرادها وتصديرها و وافق عمرو بعع تفكير طويل وانتقل هو ووالدتهواخيه وزوجته الى القاهرة وانشأ له صيدليته الخاصة واتخذ فيلا متوسطة الحجم بجوار منزل احمد مسكنا لهم وسمية تتابع مع خليل القلوق على حالتها الذى يتيقن ان حياتها على المحك وامانى التى تتفائل خيرا مع علمها بوضع سمية وحالتها كان آسر عندما يتردد عليها منفردا للاطمئنان على زوجته كانت تطمئنه وتعطيه الامل كانت سمية تشعر من داخلها بفرحة عارمة وخوف شديد حيث ان داخلها يقول لها انها لن ترى مولودها كثيرا ما تقرأ القرآن وتشغله فى البيت كانت بالشهر الخامس تجلس على الفوتيه ممدة رجلها بغرفة المعيشة تقرا كتابا عن تربية الاطفال اتت لها خادمتها نعمة
نعمة احضر لحضرتك الغدا
سمية بابتسامة لا متشكرة يا نعمة انا هستنى آسر زمانه جاى
نعمة يا دكتورة حضرتك حامل واآسر بيه منبه علينا
سمية تغلق كتابها ثم تعتدل فى جلستها
سمية بتعب طيب هاتيلى التليفون معلش يا نعمة
نعمة حاضر
التقططت سمية منها الهاتف بابتسامة شاكرة ثم اتصلت بزوجها تطمئن عليه
آسر السلام عليكم
سمية وعليكم السلام ازيك يا حبيبى عامل ايه
آسر كويس الحمد لله ازيك انتى دلوقتى احسن من الصبح
سمية امم الحمد لله المهم هتيجى امتى
آسر انا ربع ساعة واطلع اتغديتى
سمية مليش نفس هستناك
آسر روحى يا سمية اتغدى ربنا يهديكى انتى الصبح مكنتيش قادرة تقومى من السرير
سمية حاضر هاكل اى حاجة بس تعالى بسرعة عشان خاطرى ى
آسر حاضر يا حبيبتى هتحتاجىى منى حاجة تانية
سمية سلامتك يا حبيبى فى رعاية الله
دخل عليه يوسف اطل برأسه من الباب
يوسف ادخل ولا امشى
آسر بابتسامة مرهقة امشى حمد لله على السلامة
يوسف اقبل عليه واحشنى والله
آسر وانت اكتر ايه اخبارك
يوسف تمااااااااااااااااام يا باشا باركلى
آسر ايه هتتجوز جديد
يوسف عشان انت واختك تقتلونى صح لا اتنقلت فرع هنا
آسر بفرحة والله طيب كويس احسن من الشحططة دى والله
يوسف واهه اكون جمب مراتى وابنى واهلى
آسر ربنا ميحرمكوش من بعض تشرب ايه
يوسف عصير مانجو
آسر يا بنى ما انت خدت الجنينة بحالها
يوسف امال فين عمرو
آسريفرك وجهه بيده فى مكتبه لسة كان عندنا اجتماع من ربع ساعة وخلص ز
يوسف بجد اللى زى عمرو ده صعب تلاقى منه فى الزمن اللى احنا فيه
آسر فعلا والله تخيلانا ممكن احيانا يبات فى الشركة وهةو اللى بينزل يراقب العمال فى المصنع والشحنات وكل حاج بنا يحميه ز
يوسف اهه اخومراتك يا عم مين يشهد
آسر بتنهيدة مراتى ادعيلها
يوسف بجدية انا قوت بردو وشك مش طبيعى من اول ما دخلت مالك
اتصل آسر بسكرتيرته وامرها الا تدخل احدا اليهما
يوسف مالك يا آسر قلقتنى
آسر بحزن انا مبأتش قادر سمية بتدبل كل يوم قدامى وانا مش قادر اعمل حاجة
يوسف ليه يا بنىبس صدقنى مى لماكانت حامل فى محمود كان وشها اصفر وخست واللى كان يشوفها يقول عليها عيانة
آسر الحمل أثر عليها اوى يا يوسف تعبت زيادة انا حاسس بيها
يوسف طيب ايه اللى خلاك من الاول توافق على حملها
آسر بابتسامة حزينة مقدرش اشوف نظرة العجز فى عينها ولا نظرة انكسار ولا نظرة حرمان يا يوسف سمية دى بنتى بجد مش مراتى
يوسف صدقنى ربنا هيقومها بالسلامة وتفرح انت وهى بالبيبى
آسر بصدق ياارب انا خايف عليها
يوسف يا عم تفائلوا خيرا تجدوه انتوا عرفتوا جنس المولود ايه
آسر لا ان شاء الله هى عندها متابعة بكرة احتمال نعرف
يوسف رنا يرزقك بالذرية الصالحة السليمة المهم خلصت ولا لسة
آسرينهض ويلتقط سترته من على شماعته لسة بس مش قاددر يلا قوم انا هروح
ييوسف مشتااق يا عم
ضربه آسر بسترته
آسر يا د متتلم يلا
ذهب الى منزله سريعا دخل المنزل وجده هادئا دخل غرفة المعيشة وجدها تنام على يدها والكتاب بجوارها دنى منها قليلا قم جلس بجوارها وازاح خصلات شعرها قبل راسها ثم ملس بيده على وجنتها
آسر برقة وحنان سمية مية
سمية بصوت نائم انت جيت يا حبيبى حمد لله على السلامة
اعتدلت سمية فى جلستها ثم وضعت رأسها على كتفه
سمية هتتغدى
آسر اكيد يلا
سمية بصدمة تضع يدها على بطنها آسر
آسر بقلق ايه مالك
سمية تمسك يده وتضعها على بطنها بيتحرك شوفت
آسر دهشة بجد
سمية وقد اغرورقت عيناها بالدمع اممم
آسر بفرحة ايه ده فعلا بيتحرك
سمية باين عليه هيطلع نشيط ربنا يهديه
آسرمازحا قولى باين عليه هيكون طويل تخين ان شاءالله مش شايفة انتى عاملة ازاى
سمية بارتباك ماهى دكتورة امانى قالتلك عشان انا رفيعة فبطنى باين عليه الحمل زيادة ولا شكلى بأىوحش
آسر يقبل رأسها انتى قمر وملكة حياتى فى كل الحالات
تحاول سمية النهوض
آر رايحة فين
سمية هقول لنعمة تحضر الاكل
آسرينهض خليكى وانا طالع اغير هقولها
سمية طيب هاجى اطلعلك الهدوم
آسر لا خليكى عشان خاطرى
سمية انا آسفة يا آسر سامحنى
آسر باستغراب ليه بتقولى كده
سمية بدموع بسيطة اناعارفة انى بأيت مهملة فيك وصحتى مش زى الاول انا آسفة
آسر اوعى تقولى كده انا اللى مقصرفى حقك وبعدين ده الوضع الطبيعى لاى واحدة حامل وبعدين انتى مش مهملة فيا ولا حاجة يلى الاوهام دى فاكرة احنا اتفقنا على ايه نكون مع بعض على المر قبل الحلو بطلى هبل ولا الواد اثر عليكى
سمية انت عايز ولد
آسر ههههه اى حاجة اللى يجيبه ربنا كويس هههقوم باى لانى واقع من الجوع
تركها آسر وصعد لغرفته بينما هى انسابت دموعها على وجنتيها تشعربشئ ما ماذا سيكون رد فعل زوجها ان علم بالوضع انقضى اليوم سريعا واتى يوم المتابعة الطبية كان آسر معها ولكن جائه اتصال مهم من عمرو يخبره بان ىياتى فورا لوجود مشاكل فى عقود معينة اوصلها آسر الى المشفى
آسر معلش يا سمية انا آسف
سمية ولا يهمك عمرو مش هيتصل بيك غيرلو كانتحاجة مهمة متحتاجش تاجيل وانا لما اخلص هاتصل بيك متقلقش
آسر يقبل راسها طيب يا حبيبتى ربنا معاكى وانا هبعتلك سواق متروحيش لوحدك
اطمئن عليها آسر وغادؤر سريعا متوجها الى شركته بينما كانت سمية عند امانى بالغرفة تقوم بفحصها
امانى كويس ان آسر مجاش معاكى
سمية بقلق وترقبانا حاسة بحاجة يارب متكونش صح
امانى بابتسامة ده رزق من عند ربنا مفروض تحمدى ربك عليه غيرك يتممنوا
سمية بتوتر يعنى انا حامل فى توأم !!1
امانى ولد وبنت صغننين اوى يا سمية حتى شوفى
ادارت لها الشاشة لتشاهدهما سمية كان حجم التوأمين صغير جدا كان شعور سمية يعجز اللسان عن وصفه لكن عبرت عيناها بدموع بفرحو ونظرة تلهف وحب وشوق وحنان ملست بيدها على الشاشة
أمانى اطبعلك الصور
سمية بس صغيرين اممم
أمانى اكيد آسر هيفرح زيك
سمية يارب انا خايفة منم رد فعله
امانى ان شاء الله خير انا ممكن اقوله
سمية لا اناهقوله متشكرة جدايا دكتورة امانى
امانى باهتمام شديد عشان خاطرى خللى بالك من صحتك عايزن الكام شهر دول يمروا بسلام
سميةبابتسامة باهتة عند حضرتك امل
امانى ولا تيأسوا من روح الله انه لا ييئس ن روح الله الا القوم الكافرون عيب انا اللى اقولك الكلام ده وبعدين عندى حالات كتيرة جدا زيك وربنا قومها بالسلامة
سمية ابتسامة ونعم بالله عن اذن حضرتك اكمل الكونسولتو بتاعى
امانى ربنا يتمم شفائك على خير ويطمنا عليكى
ذهبت الى خليل الذى اجرى فحصا لها
خليل احسن من المتوقع الحمد لله
سمية الحمد لله عمو خليل
خليل نعم
سمية انا متشكرة اووى لحضرتك حضرتك والدى التانى يا عمو
خليل بابتسامة وايه لازمته دلوقتى
سمية بابتسامة ولا حاجة
خليل آسر مجاش معاكى
سمية لا عنده شغل ضرورى
خليل وهتروحى ازاى
سمية السواق برة دلوقتى يلا انا استئذن حضرت بالمناسبة نغم عاملة ايه
خليل الحمد لله اهى نتيجتها اليومين دول وعملالى قلق فى البيت قولت فينك يا سمية
سمية خلاص لو حضرتك معندكش مانع اعدى اخدها تقعد معايا انا قاعدة لوحدى
خليل ده اميرة هتبوس راسك على الجميل ده
سمية خلاص هاخد طنط اميرة كمان
خليل لااا سيبيلى اميرة عندنا مشوار مهم خدى نغم المهم دواكى والراحة
سمية حاضر عن اذن حضرتك يا عمو
خرجت سمية من المشفى وجدت سائقا بالسيارة ارسله لها آسر ركبت السيارة ثم اتصلت بآسر واخبرته واطمأنت عليه هاتفت نغم واميرة واخبرتها ان تتجهز لتمر عليها بعد دقائق لتقضى معها اليوم ذهبت نغم برفقة سمية الى بيتها دخلت نغم برفقة سمية الى البيت
سمية ها ايه رأيك فى بيتى باى
نغمم ك روعة يا ابلة سمية بجد ماشاء الله
سمية اممم آسر هو اللى مجهز كل حاجة فيه
نغم اتاريه حلو
سمية اتلمى
نغم والله بجد اصل حضرتك كنتى هتجيبى الفرش اسود وغامق بأى
سمية كده طيب يا نغم انا هطلع اغير البيت بيتك
ابدلت سمية ثيابها الى فستان قطنى مريح ثم نزلت لتجد نغم تشاهد التلفاز
سمية بتموتى فيه من يومك مبتسغنيش عنه
نغم لا اصل الحلقة النهاردة تحفة
تجلس سمية بجوارها
سمية اقفلى البتاع ده وتعالى نتكلم شوية
نغم وضعت يدها على بطن سمية مبتسمة بنت ولا ولد
سمية انتى عايزة ايه
نغم ولد كان نفسى يكون ليا اخ ز
سمية ربنا يرزقنا بس الخلقة الكاملة السليمة المهم انتى ايه اخبارك متكلمناش من زمان
نغم بتنهيدة كويسة بس خايفة
سمية تربت على كتفها من ايه بس
نغم من النتيجة احتمال تظهر النهاردة او بكرة وخايفة اوى
سمية واكيد عاملة حالة طوارئ فى البيت وقلق و توتر
نغم تربيتك
سمية طيب يا قضمة انتى فى سنة كام ددلوقتى مش 2 ثانوى يعنى نقدر نقول الترم الاول منها صح ولا انا غلطانة
نغم ايوة
سمية تمام وانتى فى علم رياضة صح ولا ناوية تحولى علوم
نغم لا رياضة طبعا ان شاء الله يعنى
سمية وهتدخلى هندسة ان شاء الله صح
نغم ان شاء الله
سمية انتى حليتى كويس ولا وحش عملتى اللى عليكى يعنى
نغم والله كنت بذاكر واحل وكنت بدخل اقفل الامتحان لكن انا خايفة ناس كتير بيتظلموا فى التصحيح يا ابلة سمية
سمية بصى يا نغم فى اية كده فى القرآن بتريحنى اوى ولسوف يعطيك ربك فترضى اللام دى تاكيد والفاء هنا للسرعة ربنا هيديكى اللى اكيد هيرضيكى وقتها هو عالم انتى عملتى اللى اللى عليكى والباقى على ربنا هز وجل ومن يتوكل على الله فهو حسبه ان الله بالغ امره الجزع من صفات الناس اللى قلبها مش مطمئن بالله ولا واثق فى ربنا وانتى اكيد واثقة فى الله عز وجل صدقينى يا نغم ما كان لك سياتيك رزقك مكتوب متضيعيش ايام عمرك الجميلة دى فى قلق وجزع وخوف وارضى بقضاء ربنا وصدقينى والله ربنا هيوفقك ويفرح قلبك ولو لا قدر الله حصل دروب يا ستى نعوضها ان شاء الله السنة الجاية
نغم ربنا يخليكى يا سمسمة بس احيانا الواحد بردو بيقلق
سمية ربنا موجود قد علمت ان رزقى لن ياخذه غيرى فاطمئن قلبى اطمنى ويارب ا ستى تظهر النهاردة عشان نفرح سوا
نغم يارب يا سمسمة عشان يكون وشك حلو عليا
سمية هههه يارب يا ستى بس ليا الحلاوة
نغم ليه كده بس لم اعهدك طماعة
رن هاتف سمية مسكته
سمية ايه ده ده مالك السلام عليكم
مالك وعليكم السلام بالاخت اللى نسيتنا ما هو من لقى احبابه نسى اخواته
سمية لا والله يا حبيبى بس انت عارف الحمل وكده بيخلينى نايمة 24 ساعة فى اليوم
مالك ماشى يا ستى عشان حبيب خالو بس هسامحك واقولك حاجة حلوة مع انى مكنتش ناوى اقولهالك
سمية خير فرحنى ربنا يفرح قلبك
مالك عارفة انا فين
سمية فين يا كولومبوس
مالك لسة فى طريقى جاى من السويس
سمية اوعى تقول كنت بتجيب النتيجة
مالك ايوة جبتها ما انتى مبتساليش
سمية بلهفة ها طمنى
مالك امتيااااااااااااااز طبعا
سمية بفرحة شديدة بجد الف مبروك يا حبيبى ياااه عارف
مالك خلاص كلها نص ساعة واكون عندك هتغدينى ولا اروح علينا
سمية بسرعة وتلقائية لااوعى والله هزعل تعالى مستنياك آسرهيفرح اوى
مالك خلاص مسافة الطريق هتحتاجى حاجة منى
سمية رببنا يحفظك ويحرسك يارب مع السلامة يا حبيبى مع السلامة يا مالك
عندما سمعت اسمه احمرت وجنتاها وازدادت ضربات قلبها ثم شغلت نفسها بمجلة حراء التى تقرأها سمية كانت تتسمع لكل كلمة ماك نجح وحصل على تقدير عال ايضا رقص قلبها فرحا له مهلا مهلا انه سياتى بعد نصف ساعةة من الآن يا للهول لا انها تتحاشى وجوده اذا تنهما سويا فى مكان واحد فى وجود سمية فقط حتما ستفضحها عيناها برؤيته
سمية انتى عارفة انتى اللى وشك حلو
نغم بارتباك ليه
سمية بفرحة اصل مالك نجح وجاب امتياز زى مكان نفسه وجايلى كمان دلوقتى
نغم ايه دلوقتى
سمية وقد تداركت ما سيحدث ايوة هييجى وكمان هبعت لملك تيجى ونقضى اليوم كلنا مع بعض
نغم بامتنان طيب كويس ورهف
سمية فى البلد مع بابا وماما من امبارح
نغم يلا اتصلى بيها بسرعة
هاتفت سمية ملك واخبرتها بان تاتى الآن اتت ملك لسمية استقبلتها نغم
ملك امال سمية فين هى البت جابتنى وخلعت
نغم لا هى جوه تعالى
مالت لنغم لتحمل خالد من عربته
نغم خلودة ازيك
ملك ياختى زى القرد اهه
نغم حرام عليكى يا ملك ده هادى اهه
ملك اسكتى مجننى شوية وهيعيط
خالد يتوجه بيده نحو ملك اممم ما ما
ملكتحمله من نغم اه يا غلبى وتدخلا على سمية
ملك السلام عليكم والله ما انتى قايمة
سمية طيب وعليكم السلا م
ملك اخبارك ايه واخبار البيبى مجننك صح
سمية بابتسامة الحمد لله سيبى خالديا بنتى هو مش بيقعد
نغم هههه بيقعد يا ابلة سمية بس هو لازق فيها بغرا
ملك والله بفكر افطمه
سمية حرام عليكى استنى لما يكمل حتى سنتين
ملك والله عمرو قاللى كده ربنا يسهل انتى ايه اخبارك بس واخبار الحمل ايه باين عليه مخلص عليكى
سمية بتعب اه والله يا ملك ربنا يكون فى عونك انتى ومى كنتوا حوامل ازاى
ملك زى الناس بس صراحة انتى حامل فى قنبلة
سمية يا ستى حتى اطمن ان حجمه هيكون كويس
ضرب احدهم الجرس انتفض قلب نغم ما ان سمعت صوته
مالك بصوت عالى اين انتى يا سمية سمسمة
نعمة هى فى الليفينج
دخل عليهم لم يلحظ وجود نغم من فرط فرحته اقبل نحو سمية ثم جلس بجوارها
سمية مبروك يا مالك الف مبروك
مالك الله يبارك فيكى الا ايه اللى جاب البت دى هنا وهو يشير الى ملك
ملك محرم جيت عشان قاعدة لوحدى
مالك قومى امشى من هنا انتى عندنا فى البيت 24 ساعة وهنا كمان
ملك تغمز له وتشير الى نغم التى تحمل خالد وتجلس على كرسى طيب لم الدور ينفع نغم هنا ومتسلمش
وكان احدهم قام بكب ماء بارد على رأسه
مالك بصدمة وقد انقلب وجهه وبصوت مبحوح احم ااحم ازيك يا نغم
نغم بخجل وصوت منخفض الله يسلمك مبروك عقبال ماتتعين ان شاء الله
مالك بارتباك ان شاء الله انا هستأذن يا سمية
سمية اخص عليك مش انت متفق معايا تتغدى هنا متمشيش انا قولت لنعمة تعمل الاكل اللى انت بتحبه عشان خاطرى
ملك بنظرة ذات معنى وتنظر لنغم عشان خاطرها بأى يا مالك
مالك ينظر الى ملك بضيق ممكن ملكيش دعوة عن اذنكم
نظرت سمية الى ملك لتصمت شعرت نغم حرج مالك من وجودها لقد ضايقه وجودها فنهضت باتججاه ملك
نغم اتفضلى يا ملك خالد انا هطلع اقعد فى الجنينة شوية
سمية يا بنتى اقعدى هتقعدى برة لوحدك
نغم بصوت مختنق معلش يا ابلة سمية بس لازم اكلم ماما دلوقتى عن اذن حضرتك
وخرجت نغم مسرعة الى الخارج بينما ظل الاخوة الثلاث وسط نظرات الغضب من سمية والعصبية من مالك والحرج من مالك
مالك بعصبية لملك تلمميحاتك لا تطاق معنتيش تتدخلى فى حاجة متخصكيش
ملك متعليش صوتك لو سمحت يا مالك ماشى وبعدين انا مقولتش حاجة غلط ولا غلطت فى حد
مالك بعصبية اكثر لا غلطتى احرجتى نغم وخلاص وبعدين يا سمية مقولتيليش هى هنا ليه احنا مش اتفقنا يا سمية
ملك اناما احرجتش حد ليه هو انا اللى كنت عايزة امشى عشان شوفتها هو انا اللى حسستها ان وجودها دايقنى
مالك انا
سمية مقاطعة بغضب شديد بس كفاية عيب عليكم يا كبار يا عاقلين نعمة يا نعمة
اتت نعمة مسرعة
ملك اهدى يا سمية صحتك
سمية تنظر لها نعمة هاتيلى الاسدال من اوضة الصلاة بسرعة بعد اذنك
نعمة حاضر
سمية بضيق شديد ياباشمهندس من فرحتى بيك نسيت اقولك البنت قلقانة وتعبانة منتظرة نتيجتها وانتوا قاعدين تتسلوا عليها
اتت لها نعمة بالاسدال ارتدته
مالك سمية انا
سمية مقاطعة انا هطلع اشوفها عن اذنكم
خرجت لها سمية لتجدها تجلس على الارجوحة تهتز ببطء تضع الهاند فرى باذنها شاردة جلست سمية بجوارها انتفضت ملك ثم اغلقت الهاتف
سمية اتصلتى بطنط اميرة
نغم الموبايل مقفول
سمية طيب يلا ندخل جوه
نغم برجاء بلاش
سمية تنظر لها بعمق وحنان حاسة بيكى وعارفة انك مش راضية تدخلى ليه لكن لازم تدخلى وتتعاملى طبيعى يا حبيبتى انتى اختى
يا نغم والله وبقولك الكلام ده لمصلحتك وضعت يدها على قلب نغم ده غالى اوى عندى وعند ربنا كمان اقفلى عليه لحد ما اللى يستاهله ييجى عارفة انا عمرى محبيت قبل آسر حتى محمد مكنتش بحبه سبحان الله وآسر الحمد لله بيحبنى لدرجة مكنتش احلم بيها وانا كمان مكنتش احلم فى يوم ان ممكن اتزوج واحد زى آسر بس هرجع وقولك الاية ولسوف يعيطيك ربك فترضى ولو سبتى حاجة عشان خاطر رربنا هيديكى احسن ماشى
كانت تستمع لحديث سمية ودموعها على وجنتيها فلاول مرة تشعر بمثل هذه الاحاسيس من قبل لم تشعر الا بيد سمية التى تمسح دموعها
سمية تمسح دموع نغم وبلاش اللؤلؤ ده غالى عليا جدا اتفقنا
نغم والله مكنتش اقصد
سمية ولا يهمك يلا وعيزاكى تدى العيال اللى جوه دول على دماغهم ماشى
نغم ماشى يلا
سمية تنهض بتعب يلا
نغم ابلة سمية حضرتك كويسة
سمية بابتسامة مرهقة الحمد لله يلا ندخل نصلى المغرب ادن
نغم ماشى
كانت بجوار اخيها تلومه
ملك على فككرة انت اتنرفزت على الفاضى انا كنت بكلمك عادى والله زى ما كانوا بيعملوا زمان معايا ومع عمرو
مالك وانا اعمل ايهدلوقتى اهه سمية زعلت وكمان نغم وباين عليها بتعيط برة
ملك انا خايفة على سمية اساسا هى مفروض متتعصبش ولا تتنرفز خالص
سمية دخلت عليهم المغرب ادن لو محدش منكم سمعه
مالك يلتفت اليها مسرعا انا اسف يا سمية والله مكنتش اقصد
سمية بهدوء مفيش مشكلة انت هتصلى هنا ولا فى المسجد
مالك لا فى المسجد عن اذنكم
ذهب مالك للصلاة وذهبت الفتياتت لغرفة الصلاة كانت سمية تشعر بقليل من التعب
ملك يلا يا سمية صللى
سمية معلش يا ملك صللى انتى بينا انا مش قادرة وممكن اقعد
نغم بقلق خير
سمية يا حبيبتى متقلقيش بس احيانا ضغطى بينزل يلا يا ملك
صلت ملك بهن وانتهت جلسن يتلون اذكار انتهاء الصلاة جلست سمية على الكرسى
ملك سمية انتى كويسة طمنينى شكلك مش عاجبنى
سمية بصوت متعب يابنتى كويسة والله متقلقيش
نغم حضرتك خدتى دواكى
سمية عمو خليل الصغير
نغم بابا بيقولى انك بتنسيه يبأى اكيد نسيتيه
سمية هتلاقيه على الكومدينو فوق معلش هتعبك يا نغم
نغم لا ولا تعب ولا حاجة ثوانى وجاية
خرجت نغممتوجهة لغرفة سمية بينما جلست ملك بجوار سمية كانت سمية ترجع رأسها للخلف مغمضة العينين وضعت ملك يدها على كتف سمية
ملك معلش يا سمية سامحينى انا آسفة متزعليش
سمية هششش امسكت يدها ثم وضعته على بطنها كان خالد بيتحرك كده
ملك بفرحة اممم
سمية نفسى اشوفه يا ملك احس بيه وهو لسة مولود اشم ريحته
ملكبحنان يا حبيبتى هتشوفيه وتحسى بيه وتشمى ريحته لحد ما تزهقى ده انتى امه
سمية بتأثر خايفة ملحقش
ملك ليه بتقولى كده ربك كريم هتشوفيه وتشوفى ولاده وتجوزيه كمان
سمية برجاء ادعيلى يا ملك ادعيلى
دخلت نغم
نغم انا جبت الصيدلية اللى فوق
سمية طيب هاتيها
اخذت سمية دوائها
سمية اطلعوا شوفوا نعمة تجهز الاكل وانا شوية وجاية وراكم
ملك هنفضل لحد منطمن عليكى
سمية عايزة اكلم آسر اطلعوا بأى
نغم ده احنا انفسدنا خالص
ملك والله فعلا يلا يا اختى
اتصلت سمية بآسر
آسر وحشتينى
سمية بخجل وعليكم السلام وانت كمان
آسر طيب انا بكلمك فى التليفون يعنى من وراء حجاب
سمية صوتك رايق الحمد لله
آسر الحمد لله عشان سمعت صوتك
سمية هتروح لطنط النهاردة
آسر ايوة ان شاء الله بس مش هتاخر عليكى على 10 بالكتير ان شاء الله هكون فى البيت
سمية يا حبيبى براحتك ربنا يرزقنا رضاها
آسر سمية اخدتى دواكى
سميةة ايوة الحمد لله
آسر طيب كلى يا سمية
سمية فكرتنى مالك نجح وجاب امتياز كمان الحمد لله وهو عندى هنا وملك وكمان نغم
آسر بفرحة طب كويس الف مبروك خليه يستنى عندك عشان نسهر احناا الكل وهخللى عمرو يجيلكم
سميةببرائة بجد انا مكنتش عايزة اقولهم لتكون جاى تعبان او مرهق
آسر طيب مش ناوية تقوليلى حبيب بابا بنت ولا ولد
سمية لما تيجى الاول
آسر يا مسهل يارب ماشى يا ستى يلا اتبسطى بوقتك معاهم اجيبلك حاجة وانا جاى قولى
سمية عايزة سلامتك
آسر انتى لسة متوحمتيش على رنجة على فكرة
سمية بس توحمت على شوكولاتة
آسر ده انتى عايشة عليها المهم انا هقفل لان عندى شغل كتير
سمية ربنا يعينك ويقويك وميحرمنيش منك
اغلقت سمية مع زوجها الهاتف ثم خرجت اليهم لتجد ان نغم وملك ترتبان السفرة مع نعمة سالت على مالكاخبرتها نعمة بانه يجلس بغرفة المكتب ذهبت اليه
سمية تقبل الله
مالك منا ومنكم انا آسف يا سمية
سمية بابتسامة دعوها فهى نتنة يا مالك احنا محرومين من علمنا بليلة القدر بسس العصبية والخناق بين الصحابة
مالك بخجل والله مكنش قصدى
سمية ولا يهمك يلا عشان تتغدى وعامل نغم عادى جدا اوعى تلمحلها بحاجة او تتجنبها عن قصد يا مالك نغم حساسة
مالك حاضر
جلس الجميع على المائدة تناولولا طعامهم وسط اجواء اخوية فكل تعامل بطبيعته قضوا وقتا جميلا واتى اليهم عمرو جلس على الكرسى
عمرو عشان خاطرى يا ملك فنجان قهوة دماغى هتفرقع
سمية الف سلامة اجيبلك مسكن
ملك لا هو هيشرب القهوة وهيكون كويس معرفش يا ختى جوزك مش لاقى غير عمرو عشان يرمى عليه كل حاجة
عمرو صبرنى يارب روحى يا ملك المهم الحمل عامل معاكى ايه يا سمية
سمية الحمد لله
مالك ايه ده الحقى يا نغم النتيجة بكرة
نغم بصدمة ايه يارب بأى ايه القلق ده
مالك اهدى يا بنتى متقلقيش
كان آسر بمنزل والدته كعادته يطمئن عليها فقد اتفقا هو وزوجته على زيارتها دوما لبرها والاطمئنان عليها وجد عندها اخته وابنها
آسر يا بت انتى لازقة هنا جوزك فين
مى زمانه جاى متقلقش
ميرفت بتلميح كفيها الخير غيرها ما صدق
آسر بتهيدة لا حول ولا قوة الا بالله يا ماما خلاص بأى مش كل ما آجى وبعدين ده انا بجيلك على طول وطلباتك كلها مجابة ومش مقصر مع حضرتك
ميرفت لكن بقعد بين الاربع حيطان لوحدى مفكرتش فيها ان اللى سهرت عليك وربيتك وتعبت فيك فضلت واحدة جت خدتك على الجاهز عليا
مى يا ماما ده مش تفضيل بس سمية وضعها خاص شوية وآسر شايف ان كان فى شد بينكم ففضل يبعد شوية ومين عالم يمكن بعد ما تولد يرجعوا
ميرفت بتكبر لا اخوكى يرجع لوحده هى مش هترجع ولا هتعيش هنا تانى انتهى
آسرينهض حيث كدا بأى وان القعدة قلبت بخناقنا اليومى انا استأذن عندى ضيوف فى البيت لو عرفتى تعدى يا ممى عدوا
مى حاضر اساسا نفسى اشوف سمية من زمان
ميرفت مش قادر تبعد عنها خمس دقايق
آسر يزفر بهم مش قادر على المناهدة عن اذنكم
خرج آسر بخفة ثم غادر المنزل سريعا بينما ظللت مى مع والدتها تلومها
مى يا ماما خفى عليهم بأى ده مش آسر اللى كان نور عينك ومكنش يهون عليكى زعله ليه يا ماما
ميرفت انا هونت على اخوكى
مى متقوليش كده حضرتك عارفة انهبيعمل ايه هو وسمية عشان يرضوكى دول آخرة مرة جم يا ماما سمية خرجت معيطةة من هنا بردو
ميرفت اهه مجتش المرة دى وبكرة تخللى اخوكى ميجيش
مى انتى سمعتى ان عندهم ضيوف ولو كانت ظروفها تسمح كانت جت حضرتك عارفة انها لا يمكن تاخده منك يا ماما حضرتك ام تخيلى لو سمية بنتك وحالتها الصحية دى وحامل كمان قلبك هيكون عليها عامل ازاى واكملت بدموع بسيطة يا ماما احتمال تموت عارفة يعنى ايه
هنا اتى يوسف
يوسف السلام عليكم
ميرفت وعليكم السلام عن اذنك يا يوسف انا طالعة انام تعبانة شوية
يوسف بتعجب خير ياطنط الف سلامة
ميرفت ولا حاج مصدعة شوية عن اذنكم
جلس يوسف بجوار مى الذى لاحظ عليها علامات البكاء
يوسف بقلق مالك يا مى فى ايه
مى ماما مش هتتغير ابدا مش هتتغير
يوسف آسر كان هنا
مى ايوة
يوسف بتنهيد ربنا يعينه هو كلمنى وقال انه مستنينا فى البيت نكمل السهرة عنده يلا
مى انت عندك شغل الصبح
يوسف مش هنتأخر على 12 فركش قشطة
مىمبتسمة قشطة
وصل آسر منزله دخل ليجد نغم تبكى ومن حولها يهدئونها قلق قليلا
آسر بقلق اللسلام عليكم خير يا جماعة
سمية باستجداء قلقانة نتيجتها احتمال تظهر بكرة ومحدش عارف يهديها
آسر ثانوية عامة
سمية ايوة
آسر طيب نغم تعالى عايزك فى المكتب ثوانى
نغم بانهيار لا انا مش رايحة مكان انا عايزة نتيجتى نتيجتى هتظهر انا خايفة سيبونى
آسر قترب منها قليلا قومى بس هقولك على حاجة مبهزرش والله
نغم تنظر له من بين دموعها يا ابى آسر والله تعبانة
آسر ينظر لسمية بنظرة ذات معنى لا لازم تيجى تتعالى يلا انا مستنيكى فى اوضة المكتب ووعد مش هتعيطى يلا
فهمت سمية ثم ابتسمت نهضت معه ملك دخل آسر اولا ثم تبعته نغم
آسراقفلى الباب وراكى
نغم بخجل حاضر
آسر يمسك هاتفه اكتبى اسمك ورقم
البارت ال
خرج آسر بينما توجهت مها الى الحضانة كانت مع ملك وقفت تراقبهم باكية
مها ببكاء شوفتى ولاد اختك يا ملك كان مفروض يكونوا دلوقتى سمية كانت اول عين تشوفهم ويشوفوها شوفتى اللى حصل لاختك طيب قوليلىى انتى يا سها ثم تتوجه لسها بعينين متألمتين بنتى عملت ايه فى حياتها عشان تتععب كده فرحتها مبتمش والله يا سهى بنتى بارة بيا وباحمد كانت بتكون تعبانة وعندها الازمة وتتصل بيا تطمن على أحمد وصحته وتكلمه تفكره بدواه وتوصيه والله كان فيها لله يا سها مظلمتش حد والله ابدا ليه الدنيا معاكسة معاها ككده
سها اختها الصغرى لا اله الا الله وحدى الله يا مها ده نصيب يا حبيبتى لا حول ولا قوة الا بالله اهدى كده وادعيلها هى محتاجة دعاكى وخليكى متماسكة لو شافوكى كده عيالك هينهاروا اكتر
ملك ببكاء يا ماما كلنا موجوعين من اللى بيحصل بس زى ما خالتو ما بتقول لازم نصبر
اتى اليهم صوت مكلوم
آسر السلام عليكم
مها بلهفة ها طمنى
آسر باسى ربنا يستر هى فى العناية انا هدخل للولاد عن اذنكم
ملك من بين دموعها معاك تمر عشان الولاد
آسر ايوة يوسف جابه عن اذنكم
ارتدى الملابس الخاصة قم دخل لاولاده اقترب اكثر فاكثر لم تضح ملامحهما بعد ولكن عينيهم الواسعتين ونظرتهم البريئة جعلته يرى زوجته بهما اقترب من ابنته وحملها زبررفق بحذر بخوف بفرحة تنظر له ساكنة هادئة مسك يدها قبلها وفرت من عينيه دمعة حارة
آسر حمد لله على السلامة عايزة تشوفى ماما صح ماما كمان نفسها تشوفك اوى وبتسلم عليكى كمان
حنكها بالتمر واذن فى اذنها واقام فى الاخرى ثم حمل ابنه لم يسكن كاخته وبدأ فى التململ والبكاء حاول ان يهدئه وحنكه بالتمر ثم وضعه مكانه وخرج توجه الى العناية كانت تشعر بانفاسه وحنانه مازال هناك الاحساس الذى يغلفها ويحميها كان شذاه بين انفاسها ترقد حولها الاسلاك والخراطيم والاججهزة تكرر الموقف ولكن هذه الممرة ربما لن يكون لها عودة اتجه بخطوات متثاقلة لا يريد ان يراها هذا ولكن شوقه كان اكبر منه خوفه سيطر عليه لهفته قادته نحوها لقد مر هو ايضا بهذا الموقف ولكن الالم هذه المرةة اقوى بكثييييييير اقترب اكثر ليقف هناك على الباب الزجاجى ليراها ليرى سمية وجهها الشاحب وشفاها المائلة لللون الابيض والسواد الذى يحيط بعينيها وما يخرجج ويدخل جسمها هذه الملائة اليضاء التى تغطى جسدها النحيل وضع يده على الزجاج زعلى صورتها زثم ارتكن براسه شعر آسر لوهلة من الزمن انها النهاية ولكنه
آسر هتقومى صح هنربى ولادنا مع بعض يا سمية انتى اللى قولتى كده اختل توازن دمعه بعينيه عارفة مريم يا سمية لما شلتها معيطتش هتكون هادية زيك بس عمر لا هيطلع مناكف قومى شوفيهم قومى يا سمية
اتى له يوسف
يوسف كنت متاكد انى هلاقيك هنا روحت شوفت الولاد
آسر ايوة هتقوم يا يوسف صح
يوسف يربت على كتفه ان شاء الله ها هتسميهم ايه
آسر نظر له ثم تذكرسمية عندما اتفقا على اسمائهم كانا بليلة من ليالى رمضان
آسر يا رب افرجها علينا باسماء
سمية بص تنازل عن سمية وانااتنازل عن عمار
آسر افففف راسك عايزة تكسيرها بطلى عند
سمية بطل انت بجد يا آسر والله اسم سمية هيكون كبير عليها وبعددين مزهئتش من سمية
آسر بحب عمرى
سمية طيب يلا نقوم نتسحر ز
آسر بعند لا والله ما انا قايم اخلصى
سمية ك اخلص انت الاول
آسر خلاص تنازلنا بلاها سمية زبس مش عايز اسامى مكرر ة
سمية بلاها عمار
آسر طيب فريدة رحمة يمنى سارة روان مريم
سمية عمر على معاذ صهيب مصعب بلال انس مرواان
آسر يقبل رأسها خلاص نكتبها فى ورق ونختار بس بعد السحور والفجر ماشى
سمية ماشى خلاص يلا
تسحرا ثم صلا زاختارا الاسم
سمية مريم
آسر عمر شيلنا الالف بس
سمية واستندت بين احضانه على بركة الله بس عايزين نخليها مفاجئة
آسر ان شاء الله
يوسف ايه يا بنى انت سرحت ولا ايه وحد الله كده
آسر لا اله الا الله
يوسف باين عيالك كده هيكونوامن غير اسم هننادى عليهم نقولهم يا اللى متتسموا ناخد حقنا منك فيهم ابشر
آسر عمر ومريم اساميهم عمر ومريم يا يوسف
يوسف عااشت الاسامى يتربوا فى عزكم يلا نصللى الفجر ادن
آسر معقولة طيب يلا
القى آسر نظرته المودعة الداعية لسمية ثم غادر كانت مها بجوار زوجها فى الغرفة
مها يلا يا احمد نروح نشوفها اهى رهف نامت ومال جمبها
أحمد يلا نصللى ونروحلها
ادى الجميع صلاة الفجر ولن هناك من يجلس بغرفته مانعا اى احد الدخول اليه كان متوجها له ولكنه قابل على بابه ممرضة
آسر دكتور خليل جوه
الممرضة ايوة بس ياريتمتدخلش
آسر انا عايزه ضرورى
الممرضة براحتك عن اذنك
طرق آسر الباب ثم دخل كان خخليل يجلس على المكتب مستندا على مرفقيه
آسر حضرتك فاضى
نظر له خليل بنظرة الم زوعتاب لوم حزن شديد ثم اخفض ناظريه وبيده صورة اقترب ىسر منه ثم جلس على الكرسى
آسر ممكن اعرف حالة سمية
لم يرد عليه خليل
آسر بحدة يا دكتور خليل بسأل حضرتك ردعليا لو سمحت سمية حالتها ايه
نظر له نظرة مطولة ثم تكلم باسى
خليل فى نفس المكان ده قبل سنة تقريبا او اكتر قولتلك سيبها ده احسنلك واحسنلها قولتلك من رابع المستحيلات تخلف وتعيش قولتلك عمرها ماهتقد ر تعيش حياتها طبيعية قولتلك سيبها فاكر قولتلى ايه قولتلى ززمقدرش اموت لو سبتها اهى جوة مرمية بين الحياة والموت اهى هتموت عايز تعرف حالتها اقولك فيه نزاع بين فوق وتحت حياتها مسالة وقت بالعكس طول ما هى كده بتتعذب عمالين نزق فى قلبها بادوية واجهزة وتنشيط عشان يشتغل عرفت عرفت حالتها ايه بالظبط بس الحاجة الوحيدة اللى معرفهاش هى سمية هتبعد عنك وعننا امتى واطمن سفر برة مش هيفدها حتى لو عملت زرع قلب جسمها احتمال كبير ميتقبلوش المرة دى مفيش امل مفيش
تنهد خليل ودلوقتى عرفت الحالة اتفضل
لم يرد عليه آسر ولكنه خرج مسرعا زهى لن تموت لن تبتعد عنه ذهب للعناية طلب من الممرضة ان يدخل اليها واخذ يلح حتى دخل الى سمية ارتدى الملابس الخاصة ثم اقترب منها زانخفض لمستواها ومسك يدها قبلها ونزلت ادمعه تواسيه
آسر بهمس قومى يا سمية عشان خاطرى متسيبينيش ولا تسيبى ولادنا عمر ومريم محتاجينلك قبلى عارفة اخدوا شعرك وعيونك البريئة يا سمية قومى عشان تربيهم صح زى ما كنتى بتحلمى قومى متبعدديش عننا وحشتينى والله اوى ينفع كده اقرا الورد لوحدى النهاردة مش عايز اكون لوحدى باقى عمرى
الممرضة ك لو سمحت كده غلط عليها الدكاترة منبهين والله يلريت حضرتك تتفضل تطلع
آسر برجاء هقعد جمبها مش هكلم ارجوكى
الممرضة باسف مينفعش والله
آسر نظر لسمية ثمم قبل يدها هستناكى ربنا يقومك بالسلامة
خرج آسر من الغرفة ثم اتى له احمد ومالك
مالك طمنا يا ابيه
آسر ادعولها
احمد ينظر لها بحزن بنتى هتقوم بالسلامة انا متاكد
آسر بتنهيدة يارب يا عمو ياريت حضرتك تاخدهم وتروحوا القعاد هنا ممنوش فايدة واكيد الكل تعبان
مالك انا رايى من راى ابيه آسر وخصوصا ان ملك ومى معاهم اطفال صغيرة وعمرو هو اللى هيروح الشركة ولا حضرتك هتروح يا ابيه
آ سر لا كلام مالك صح اتفضلوا انتوا وانا جمبها لو حصل اى حاجة هبلغكم
أحمد خلاص ماشى هطمن من خليل واروح خللى بالك منها
آسر ينظ لها بحسرة حاضر بس ابعتلى يوسف يا مالك
مالك حاضر
كان الجميع بغرفة واحدة مى تجلس بجوار امها
مى شوفتى ولاد آسر
ميرفت بابتسامة ايوة ربنا يخليهم ويباركله فيهم
مى شوفتى يا ماما مش يا ما قولتلك تخيلى الملايكة دول احتمال كبير اوى ميشوفوش امهم شوفتى
ميرفت ط بتنهيدة خلاص يا مى قومى يلا روحى ابنك نايم مينفعش يتبهدل كده
مها قومى انتى كمان يا ملك شوفوا عمرو يروحكم وكمان رهف انا خايفة عليها ززوانتى يا اميرة قومى روحى
ملك نطمن على سمية ونمشى
هنا دخل مالك
مالك السلام عليكم
الجميع وعليكم السلام
مالك
متابعة القراءة
