قلب ليس من حقه بقلم لؤلؤة حيرانة ج١من الفصول
المحتويات
عن اذنك
تخرج سمية الى الشرفة وتجلس على الارجوحة التى توجد بها وتتصل ليرد عليها ...
محمدالسلام عليكم
سمية وعليكم السلام ازيك يا محمد
محمدالحمد لله يا سمية ازيك انتى ايه اخبارك
سمية الحمد لله
محمدوصلتى باللسلامة
سمية لسة فاكرايوة الحمد لله
محمدالحمد لله كنتى عايزة حاجة
سمية بارتباكلا ....بس ..هو انت بتعمل ايه دلوقتى
محمدايه التفاهة دى متصلة علشان كدهولا حاجة لسة راجع من المستشفى وجسمى مهدود ومرهق شوية كان عندى عملية ومنمتش من امبارح
سمية وقد فهمت ما يرمى اليه محمدلا الف سلامة يا محمد ربنا يعينك يارب طيب هقفل انا وكنت متصلة بس علشان اطمنك انى وصلت الحمد لله عايز منى حاجة
محمدلا سلامتك يا سمية فى أمان الله
سميةبالم ودموعمع السلامة فى أمان الله
واغلقت سمية الهاتف وأخذت تبكى بألم فى صمممت
فى مككان اخر .............
المتصل مى ..انتى روحتى فين يا حبيبتى
مى بعصبية بأى كده يا يوسف ماشى يا آسر والله لوريكوا انتو الاتنين ده مقلب تعملوه ده حرقتوا دمى ربنا يسامحكم انتو الاتنين
يوسفاهدى اهدى بس يا حبيبتى انا والله مليش ذنب دى فكرة اخوكى العبقرى
مىتقوم تسمع كلام الزفت ده يعنى ...
آسربصوت منخفض ونظرة انتصاراحترمى نفسك ويدخل فى نوبة من الضحك الهستيرى
مى ماشى يا يوسف ماشى ليك يوم بس ازاى تعملوا كده فيا
يوسف بصى يا ستى هحكيلك تمام
فلاش باك
يوسف اهلا بالندالة حمدلله على السلامة يا باشا
آسرايه يابنى اتفتحت فيا كده ليه اهدى بس انا جيت امبارح وماشى بكرة
يوسف لا والله على رأى نادية مصطفى جاى فى ايه وسفرت فى ايه ومريحتش عندنا ليه
آسر ولا انا اساسا غلطان انى بكلمك
يوسفخلاص خلاص يا عم متذوقش كده بجد ليه مستعجل اوى كده
آسركنت محتاج شوية ورق من الجامعة عشان اخلص الدكتوراة بسرعة يعنى فى خلال 5 شهور ولا كده اكون مخلصها دعواتك بس
يوسف ربنا معاك بس انت مش ملاحظ ان ده قليل اوى انا خايف ليقولوك عيدها تانى
آسرلا يابنى اطمن اوى الدكتور جورج مطمنى ان شاء الله قاللى ان انا متمكن من موضوع الرسالة الحمد لله يعنى وهلحق اخلصها
يوسفدكتور جورجاااااااااااااااااااااااااااه قولتلى الا ايه اخبار ميرنا صحيح
آسرههههه تمام اوى تصدق انت اول واحد تسالنى عليها
يوسف ليه يا بنى ما هى بنى آدمة وكمان هتبقى مراتك ولا ايه
آسراكيد بس انت عارف انا قولت لمى كده انفجرت فيا وبهدلتنى
يوسفمتعجبا انت يتهرج صح مى بتحبك اوى وتتمنالك كل حاجة تفرح قلبك يابنى
آسر أصلها مبطيقش ميرنا
يوسفمعلش معلش عادى يا بنى شغل حماوات وبعدين مش بطيقها من غير متشوفها ولا تكلمها ايامك فوشيا يا آسر
آسر تصدق والله فكرة
يوسفالايام الفوشيا
آسر
لا يا ذكى .اسممع اللى هقولهولك ..........
يوسفهى دى الحكاية يا ستى ها خلاص لسة زعلانة منى
مى ااه يا رخمين بجد انتو اشرار .لا يا يوسف انا زعلانة منك
يوسفكوالله مبقتش اعمل مقالب تانى علشان اطرى بأى متزعلش يا سلطان
مىبصوت منخفض ماشى يارمضان بس انت موافق آسر فى موضوع ميرنا ده انا هتجنن
يوسفلا طبعا بس اخوكى دماغة ناشفة مش هيقبل غير برأيه وكمان اتغير اوى انا ملاحظ كده فخلينا معاه لحدالاخر نشوف ايه الى هيحصل ماشى يا حبيبى
مى ماشى يا يوسف
آسر بصوت هامساديهولى انا عايزه ضرورى
مى يوسف آسر عايزك هو معاك اهو
وظل آسر يتحدث مع صديقه المقرب كثيرا
فى منزل الدكتور خليل تصل أميرة الى منزلها هى وزوجهاحوالى فى التاسعة مساءا ليجدا نغم تجلس تشاهد التلفاز وحيدة ...
أميرة نونا حبيب ماما قاعدة لوحدك ليه فين أبلة سيمة
نغم هى قالت هتروح تكلم التليفون بقالها نص ساعة ولسة مجتش دى رغاية اوى ع فكرة
أميرة ماشى يالمضة هروح اشوفها
تتجه أميرة للشرفة لتجد سمية جالسة على الارض ممسكة بركبتيها وتبكى
أميرة بقلق وشئ من الفزع سمية !!!!! ايه يا حبيبتى مالك فى ايه
سمية وهى تمسح وجههابالمنديلولا حاجة يا طنط مفيش حاجة
أميرة ازاى بأى اما عينك اللى حمرا دى ووشك ده بيقول حاجة تانية ليه هتخبى عليا يا سمسمة وبعدين هو فى حد يعيط بالنضارة اقلعيها الا ول وعيطى
سمية هى جت كده بأى اعمل ايه
أميرة ولا حاجة خالص كل اللى هتعمليه تقومى تغسلى وشك وتاخدى شاور كده تهدى اعصابك وتنزلى نتعشا مع بعض وبعد العشا لينا قاعدة مع بعض لوحدنا ماشى
سمية بصوت حزين مستسلمماشى يا طنط عن اذن حضرتك
أميرةاذنك معاكى يا حبيبتى
وتذهب سمية لغرفتها راضخة لكلام أمير بينما تظل اميرة تفكر وتقول
ياترى يا سمية مالك وليه نظرة الحزن والانكسار دى فى عنيكى ربنا ييسرلك حالك ياربيقاطعها صوت خليل
خليل ايه يا اميرة مش هنتعشا ولا ايه
أميرةها حاضر يا خليل
خليل سمية فين
أميرة فى اوضتها هتنزل لما العشا يجهز ....هدى هدى
هدى نعم يا دكتورة
أميرة يلا نجهز العشا بسرعة
هدى حاضر يا دكتورة
وتجلس هذه الاسرة الصغيرة لتتناول عشائها ويتحدثون عما جرى فى يومهم فيضحكون تارة ويتناقشون بجدية تارة بينما سمية لم تكن معهم فعقلها مشغول بشئ آخر....
خليل خير يا سمية مبتكليش ليه اكلنا مش عاجبك ولا ايه يا بنتى
سمية لا والله يا عمو انا باكل اهو
أميرة يا خليل سمية اكلتها اكلة كتكوت انت لسة هتعرف
نغم وانا اكلتى اكلة وزة
الكل ضحك.
ينتهى العشاء ويذهب كل فرد منهم لغرفته الخاصة بينما تذهب أميرة لسمية لتطمئن عليا
أميرة تك تك تك ...ممكن ادخل يا سمية
سمية أكيد اتفضلى يا طنط
أميرة تعالى نقعد فى البلكونة نشرب كوبايتين الشاى دول ونرغى مع بعض
سمية بس الشاى سكره مش زياده صح
أميرة انتى لسة فاكرة صح يا ستى يلا بقى
سمية ماشى اتفضلى يا طنط
أميرة مالك بأى فيكى ايه من ساعة لما جيتى وانتى مش عجبانى خير
سمية ....
البارت عشر
أميرة مالك بأى فيكى ايه من ساعة لما جيتى وانتى مش عجبانى خير
سمية ....ولا حاجة يا طنط يمكن بس علشان خايفة من السنة الجديدة وخصوصا آخر سنة
أميرة يا سلام وانا هصدقك على طولكده الدراسة مجدش فيها حاجة ان شاء الله تجيبى امتياز زى كل سنة مش هتعرفى تكدبى يا سمية عليا مالك
سمية باكية محمد يا طنط ........
أميرة ماله محمد يا بنتى قالك حاجة زعلتك
سميةتبكى بشدة مبيقولش اى حاجة يا طنط ولا بيكلمنى حتى كأنى كرسى اششتراه ورماه
أميرة يا حبيبتى تلاقيه مشغول بس ميقصدش يمكن انتى ظالماه
سميةيا طنط محمد مبيحبينيش والله مبيحبنى وتسستمر سمية فى البكاء الشديد حتى ترتمى فى اميرة معلنة يأسها وضعفها
أميرة لا حول ولا قوة الا بالله اهدى بس يا سمسمة اهدى كده واستعيذى بالله من الشيطان كده وبعدين ايه عرفك انه مبيحبكيش يا بنتى
سمية أعوذ بالله من الشيطان الرجيم أنا عارفة يا طنط محمد كان خاطب واحدة قبلى وكانت جارتهم زى محضرتك عارفة وانا عارفة لكن اللى حضرتك متعرفيهوش انها بنت عمته ....
أميرة فيها ايه يا سمية محبش يعرفك علشان بعد كده ميكونش فى حساسية فى التعامل بينك وبينها
سمية تضحك بسخرية ياريت محمد مخبى عليا علشان لسة بيحبها ....متستغربيش يا طنط وتقوليلى عرفتى ازاى ..ده بيتلخبط فى اسمى لحد دلوقتى وعيد ميلادى مبيفتكروش تعبى السنة اللى فاتت محمد مجاش شافنى اقول لحضرتك ليه
لانها كانت جاية من السفر وراح يستقبلها فى المطار وده كان فى بداية خطوبتنا.....دلوقتى بقى مشفتوش فى الاجازة اللى فاتت غير مرتين وكل مرة يقعد ربع ساعة ده مبيطقش يسمع منى كلمة كل ما اكلمه فى حاجة يقولى انا مبحبش النظام ه وميعجبنيش الاسلوب ده انا مش ناقص وجع دماغ وخدى من ده كتير...هو مبيكلمنيش انا اللى لازم اتصل بيه علشان يحن عليا ويسأل هتقوليلى دى تفاهات هقول لحضرتك احساسى مش تفاهات انا متاكدة منه ...انا مبقيتش قادرة كفاية تعبت بجد .......وتستمر سمية فى البكاء الشديد .شاعرة بالألم والانكسار فقلبها قد كسر
أميرة معلش يا حبيبتى بس عايزة اسألك سؤال وتردى عليا بصراحة من غير متتكسفى زى مابتعملى ماشى
سمية اتفضلى يا طنط ..
أميرة تنظر فى عينى سمية بتحبيه
سمية بصوت متأثر يكاد يسمع معرفش ...
أميرة نعم إزاى
سمية باكية ايوة معرفش ...انا كنت شايلة الحب اللى فى قلبى للانسان اللى هيكون من نصيبى ...انا عمرى محبيت ولا حسيت الاحساس ده ولا حد حسسهولى ..بس كنت بقول لنفسى لما ربنا يبعتلى نصيبى هيحبنى واحبه هكون اول واحدة فى حياته زى ما هو هيكون اول واحد ..لما محمد اتقدملى قولت الحمد لله ان ربنا بعتلى واحد زى ده ابتديت احبه ..لكن مع الوقت وبعد متاكدت انه مبيحبنيش ..حبه بدأيقل اوى فى قلبى ...علشان كده معرفش..
أميرة محتضنة سمية يا حبيبتى هو لو مبيحبكيش مكنش استمر معاكى لحد دلوقتى وخصوصا ان بنت عمته دى موجودة ادامه كان يروح يخطبها ويريح نفسه ولا انا غلطانة
سمية يا طنط والدة محمد الله يرحمها هى اللى نهت موضوع خطوبته الاول لانها نبترتاحش فى عمته وبعدين محمد راجل ميحبش يرجع فى كلامه ومبيحبش يظلم حد وخصوصا ان بابا معتبره زى ابنه بالضبط وبيجبه جدا وهو نفسه عارف كده فمش سهل عليه انه ينهى الموضوع
أميرةطيب انتى منهيتيهوش ليه
سميةتبتسم بسخرية حاولت كتير مع ماما وبابا ..يقولوى دى هواجس وخيالات من عندك...انتى متعرفيش كتير عن طباع الناس والكلام ده ..لحد مافوضت امرى لله
أميرة ونعم بالله طيب تحبى اكلم عمو خليل
سمية لالالا بلاش بابا ممكن يزعل ويقول انتى رايحة تشتكى وانا مش ناقصة بجد .متشكرة يا طنط بس سيبيها لربنا يحلها من عنده
أميرة ماشى يا حبيبتى ربنا يطمن قلبك ويريحه بصى بأى قومى امسحى دموعك دى واتوضى وصللى ركعتين ووفوقى كده وانسى محمد ده وانسى انك مخطوبة اساسا بس اوعى تنسى دراستك عايزين نستعد كده للدراسة علشان نحافظ على التقدير ونتخصص قلب زى ما احنا بنحلم
سمية بابتسامة حاضر يا طنط انا شاء الله
أميرة تسلميلى يا حبيبتى بالمناسبة وراكى مستشفى بكرة مع عمو خليل اعملى حسابك ماشى
سمية حاضر ماشى ان شاء الله
اميرة ربنا ييسرك كل أمر عسير يارب استأذن انا بقى لان الوقت اتاخر اوى وانتى نامى على طول
سمية حاضريا طنط اتفضلى ...
تخرج أميرة متجهة الى غرفتها تاركة سمية تنهض سمية وتتتوضأ وتصللى ركعتين ثم تجلس على تناجى ربها باكية قائلة يارب اجبر بخاطرى يا جبار يارب اجبر بخاطرى يارب خليك معايا متسيبنيش وحدى تظل سمية هكذا حتى يغلبها النعاس فتصعد سريرها مدثرة نفسها بالغطاء حتى يأتى صباح يوم جديد....
ياتى يوم جديد محملا بحاضر ومستقبل مجهول لا يدرى احد ماذا سيحدث له فى هذا اليوم لكنهم آملين ان يكون افضل ايامهم كما تعودوا منذ زمن ....
فى منزل محمود يستيقظ ابنه الابكر باكرا حتى يلحق بطائرته وكذلك تستيقظ بقية الاسرة ليودعوا ابنهم متمنيين لابنهم النجاح والتوفيق ويغادر آسر الى أمريكا ....على جانب آخر فى مشفى الامل الخاص فى مكتب هناك يجلس الدكتور خليل ومعه الدكتور أمين
أمين ها يا خليل كلمت الباشمهندس ولا لسة
خليل كلمته وهو وافق اخيرا .....
فى هذه اللحظة تذهب سمية لمكتب خليل ولكن تسمع الآتى قبل دخولها
خليل..مكنتش ففاكره هيقتنع خالص اصل أحمد دماعه ناشفة
أمين طيب الحمد لله اصل حالته مش عايزينها تدخل فى مرحلة منعرفش نتصرف فيها
خليل طيب خلال المدة دى هيداوم على الكيميائى مش كده
أمين ايوة لازم على الاقل نمنع الورم من انه ينتشر ونمنع المضاعفات هو لما ييجى هشوف حالته واطمنك متقلقش هو لسة بردوا مش عايز يقول لحد
خليل أيوة اكتر من الاول مراته بس اللى تعرف لكن ولاده ميعرفوش حتى
سمية متعرفش
كانت سمية تسمع هذا الكلام وغير مستوعبة ما يحدث ...أيمكن ان يكون ابيها مريض بهذا المرض لهذه الدرجة حالتة متأخرة ايمكن ان يتركها وحيدة فى هذا العالم لماذا لم يخبرها لماذا يتألم ويتعذب ويتحمل كل هذا بمفرده ألهذا السبب يريد أبى ان يطمئن على بزواجى من محمد وأنا كنت أنانية وابحث عن راحة نفسى فقط ... طرقت سمية باب خليل ودخلت وكانت لا تصدق نفسها...
خليل بارتباك ومفاجئةسمية ...تعالى يا حبيبتى ...ده ..ه دكتور أمين تعالى سلمى عليه
كانت سمية لا تنتبه لما يقول على وجهها علامات الصدمة والحيرة تحبس دموعها حتى لا تترقرق من مقلتيها
سمية ...........
خليل وقد احس ان سمية قد علمت بالامر سمية مالك يابنتى خير
سمية ودموعها تترقرقده... بابا ...صح .....بابا... تعبان صح يا عمو
خليل لا يا حبيبتى ده دكتور امين سلامة نظرك يا سمية ..
سمية مقاطعة اياهانا اسفة يا دكتور امين مخدتش بالى يا عمو قول ده بابا اللى بتتكلموا عنه صح هو بابا
خليل وقد وجد ان لا مفر من اخبار سمية بالحقيقه ونكثه عهده مع أحمد لكن هذا ليس بيده وبصوت حزين ايوة يا سمية ده بابا وكان رافض ان حد يعرف علشان متقلقوش عليه
سمية وقد انفجرت بالبكاء كانت تتمنى لو تكذب اذنيها ليه ...ليه محدش يقولى ليه يا حبيبى يا بابا
وانهارت سمية من البكاء فلم تستطع ان تحملها قدماها فسقط مغشيا عليها .........
الفصل 11
خليل وقد وجد ان لا مفر من اخبار سمية بالحقيقه ونكثه عهده مع أحمد لكن هذا ليس بيده وبصوت
حزين ايوة يا سمية ده بابا وكان رافض ان حد يعرف علشان متقلقوش عليه
سمية وقد انفجرت بالبكاء كانت تتمنى لو تكذب اذنيها ليه ...ليه محدش يقولى ليه يا حبيبى يا بابا
وانهارت سمية من البكاء فلم تستطع ان تحملها قدماها فسقط مغشيا عليها فجرى كل من خليل وأمين اليها.....
خليل بفزع وقلقسمية ....سمية فوقى يا بنتى فوقى وحملها خليل فقد كان جسمها ضئيل يوحى بانها بنت الخامسة عشر ى وضعها خليل على السرير محاولا افاقتها ..
خليل قومى يا بنتى قومى يا سمية
أمين خليل ...دى ضغطها منخفض شوية وهتفوق يا خليل ربنا يكون فى عونها اهدى شوية
خليل ربنا يسترها يا أمين..
مرت حوالى نصف ساعة على سمية ولكنها لم تستفيق ..قلق خليل عليها كثيرا ..
خليل لااااااااااااااا ده كتير اوى انا هاخدها على اوضة الكشف خليهم ....
تقاطعه سمية فى هذه اللحظة ..كلمة ....
سمية بابا ...... عمو خليل .....انا فين
خليل بتنهيدةحد لله على سلاتك يا شيخة خضيتينى عليكى يا بنتى خير انتى حاسة بايه
سمية ولا حاجة يا عمو دايخة شوية بس
خليل طيب يلا بينا على اوضة الكشف علشان ....
سمية مقاطعة خليللا لالالالا بلاش انا كويسسة والله طمنونى على بابا بس
خليل بس .....هو لو عرف هيزعل يا بنتى
سمية انا مش هقوله انى عرفت ولا هقول لاى حد بس علشان خاطرى طمنى يا عمو ططمنى يا دكتور أمينوتبدأسمية فى البكاء من جديدويشرح لها أمين حالة والددها بالتفصيل
سمية انا لازم اروح لبابا دلوقتى مش عايزة اقعد هنا .....
خليللا يا سمية كده يشك فى حاجة ..انتى معاكى دكتور أمين اهو وانا كمان وباباكى بييجى لدكتور أين كل اسبوع فهتطمنى من غير ما تحسسيه انكك عرفتى
ترضخ سمية لكلام خليل وتستأذن منهم لتخرج لتباشر تدريبها وعملها بالخارج فيأمرها خليل بالتوجه للمنزل واخذذ قسط من الراحة فتستجيب له سمية ....وتذهب ....
فى ولاية كونيتيكت التى تتميز بمدنيتها وجاذبيتها يقطن الدكتور جورج وابنته فى منزل ليس بكبير مكن من طابقين امامه حديقة صغيرة جدا كما هو الحال فى هذه المقاطعة
ميرنا Im so happy dad aaser will come now I cant belive this
جورج be quite baby you are so happy to be shocked calm down
ويضرب أسر جرس المنزل معلنا عن قدومه فتفتح له ميرنا
ميرنا آسر حبيبى حمد الله على سلامتك وحشتنى اوى
آسر وانتى كمان يا حبيبتى يا عروستى وحشتينى اوى
تقترب ميرنا من آسر ...
آسريبتعد عنها قليلاميرنا اخنا قولنا ايه ??
ميرنا Im sorry but I miss you a lot
آسر وانا كمان يا حبيبتى بس سيبى الحاجات دى بعد الجواز وكلها شهرين تلاتة
ميرنا احم
فى هذه الاثناء يخرج جورج ليقطع حديثهم قائلا ...
جورج آسر حمد لله على السلامة ابنى نورت ..امريكا
كان جورج يتحدث المصرية بطلاقة فزوجته كانت مصرية وقد قضى سنوات عدة فى مصر
آسرالله يسلم حضرتك يا دكتور امريكا منورة بيكم وينظر لميرنا
ميرنا تعالوا ندخل جوا بأى ولا ايه رايك Dad
جورج ....تعالى آسر جوه ميرنا ممكن تموتنا
يدخل آسر الى المنزل ويقضى يومه مع ميرنا ليتبادلا اجمل عبارات الحب فى نهاية اليوم يستأن آسر لينصرف....
آسر استأذن انا بأى وان شاء الله اشوف حضرتك بكرة فى الجامعة يا دكتور
جورج ماشى اتفضل آسر ومتنساش الورق وجهز نفسك كويس
آسر ان شاء الله استأذن انا ميرنا عايزة حاجة منى قبل ما امشى
ميرنا لا عايزة سلامتك وتيجى بكرة نخرج مع بعض
آسر ان شاء الله
ويخرج آسر من منزل جورج متوحها الى منزله المكون من طابق واحد بالقرب من جامعة ييل التى يدرس بها وتعتبرافضل جامعات امريكا يذهب ليأخد حماما دافئا ويتوضأ ثم يصلى وبعدها يخلد الى النوم مفكرا فى مستقبله ودراسته وميرنا وكيف سيقنع والده بها ..
الفصل 12
فى منزل الدكتور خليل تجلس سمية فى فراشها تبكى حال ابيها واضعة امامها صورها مع عائلتها التى لا تتركهم اينما ذهبت...تمر ساعات فتتصل بوالدها فى الموعد المعهود بينهما منذ خمس سنوات ...
أحمد السلااااام عليكم ازيك يا بت يا سمسمة
سمية بصوت متأثروعليكم السلامالحمد لله يا بابا انت ازيك عامل ايه وصحتك ايه اخبارها
أحمدبقلق أنا الحمد لله انتى مال صوتك يا سمية
سمية بدموع ولا حاجة يا بابا مفيش سلامتك
أحمدلا فى حاجة مالك يا بنتى ولا اجيب ماما واجى
سمية تحاول اخفاء حزنها لا يابابا والله بجد مفيش بس شوفت حالة النهاردة فى المستشفى اعصابى تعبت جدا منها
أحمد اجمدى كده امال دكتورة ايه بقى يا سمسمة انتى كان اخرك مدرسة رياض اطفال وبتقولى عايزة تتخصصى قلب روحى يا شيخة
سمية ماشى يابابا ربنا يسامحكالمهم حضرتك كويس
أحمد اه والله الحمد لله فى نعمة وفضل من ربنا
سمية الحمد لله وماما عاملة ايهواخواتى
أحمدالحمد لله يابنتى كلنا كويسين لما اروح هخليهم يكلموكى
سمية لا يا بابا انا هتصل بيهم دلوقتى اساسا انا كنت بس بتطمن عليك
أحمدربنا يباركلى فيكى يا بنتى ويطمنى عليكى يا سمية عايزة حاجة دلوقتى
سمية عايزة سلامتك يا بابا متحرمش منك
وتغلق سمية الهاتف مع ابيها بعد اطمئنانها عليه وتتصل بمنزلها لتطمئن على امها واشقائها...يرن جرس التليفون فى بيت أحمد بسرعة فتجرى رهف لترد على الهاتف لانها توقعت من جرس الهاتف ان تكون هذه سمية أختها....
رهف بانفاس متقطعة الو .....مين معايا
سمية الو ماشى يا ستى وعليكم السلام ...
رهف مقاطعة اياها سمسمة ازيك والله وحشانى اوى اوى اوى كده متكليمينيش انا زعلانة منك خالص ده فى حاجات كتيرة عايزة احكيهالك ..............
سميةمقاطعة اختهااهدى يا بنتى براحة كده بس على نفسك هتهنجى بعد شوية ازيك يا رورو وحشانى اوى ازيك عاملة ايه
رهف انا كويسة بس زعلانة منك يعنى اول ما روحتى الكلية دى وانتى نسيتينى تماما يا سمسمة
سمية مين قالك كده بأى معلش امبارح كنت هلكانة من التعب والسفر فنمت وصحيت روحت الشغل وجيت كلمتك على طووووول يبأى نسياكى بأى
رهف بصراحة لا حضرتك عاملة ايه
سمية انا كويسة الحمد لله ها يا رهف مستعدة للدراسة
رهف ايوة الحمد لله بس انا خايفة يعنى هتكون شهادة وكده وانا نفسى اطلع الاولى السنة دى بجد
سمية متقلقيش ان شاء الله يا رهف بصى يا حبيبتى ذاكرى واعملى اللى عليكى وربنا عمره ما هيضيع تعبك بس اهم حاجة مننساش حق ربنا ونتسحر بالتعليم والدراية والمذاكرة خليكى مع ربنا من كان الله معه فمن عليه صح ولا انا غلطانة
رهف بارتياحصح يا سمسمة نغم عاملة ايه لو عندك هاتيها اكلمها
سمية هى كويسة تمام الحمد لله بس هى تحت ان شاء الله لما انزل هخليها تكلمك ماشى
رهف ماشى ..
سمية طيب يا دكتورة االمستقبل ممكن اكلم ماما ..
رهفعلشان كلمة دكتورة دى بأى هديكى مماما
سمية ماشى يت ست الدكتورة ...
تنادى رهف على مها لتكلم ابنتها فتأتى مها بخطا سريعة وتأخذ الهاتف من رهف ..
مها سمسمة ازيك يا وحشة من امبارح لحد النههاردة متتكلميش ماشى يا ستى من لقى احبابه بأى
سمية متفقين عليا ماشى ماشى بجد معلش يا ماما بس انتى عارفة ظروفى
مها عارفاها ومقدراها ربنا يعينك يارب يا حبيبتى انتى عاملة ايه كويسة
سمية الحمد لله تمام متقلقيش عليا يا ماما المهم انتو كويسين
مها ايوة يا حبيبتى الحمد لله بخير خللى بالك من نفسك بس وكللى كويس
سمية حاااااااااااااضر ياماما متنسيش طنط أميرة هنا فقايمة معايا بالواجب
مها ما هو ده اللى مطمنى عليكى المهم سلميلى عليها كتير
سمية الله يسلمك يا ماما مالك وملك عندك
مها مالك فى اوضتته بيذاكر وملك فى المطبخ بتاخد دروس طبخ هههه
سمية يا حبيبتى ربنا يعينهاطيب انا هبأى اكلمها بالليل ان شاء الله
المهم ان انا اطمنت عليكم
مها ماشى يا حبيبتى بعد الغدا هنتصل بيكى هنكون كلنا موجودين بس ادعيلنا ميحصلناش حاجة
سمية ليه يا ماما دى ملك طباخة شاطرة متخفيش
حضرتك عايزة منى اى حاجة
مها عايزة سلامتك يا بنتى ربنا يجبر بخاطرك وييسرلك أمرك
سميةاامين يارب ياا ماما متنسيناش من دعواتك بأىلا اله الا الله
مها محمد رسول الله يا بنتى مع السلامة فى أمان الله
وتغلق سمية الهاتف مع امها لتجد أحد ما يطرق باب غرفتها ...
سمية مين
هدىانا هدى يا دكتورة
سمية خير يا هدى فى ايه
هدى هى هتكلمنى
من ورا الباب ولا ايه دكتورة اميرة جت وبتقول لحضرتك هتتغدى معاها هى والانسة نغم ولا لا
سمية معلش يا هدى انا مش هقدر اتغدى مليش نفس دمااغى مصددعة ومحتاجة انام شوية
هدىزى ما تحبى يا دكتورة
سبحاان مغير الاحوال يعنى كمان مش هتنزل للدكتورة اميرة يلا والله الدكاترة دول ليهم دماغ بتقلب
أميرة ها يا هدى هتتغدى
هدى لا يا دكتورة بتقول دماغها مصدعة وملهاش نفس وهتنام شوية
أميرة غريبة ....طيب يا هدى خلاص روحى جهزى الغدا لان الدكتورخليل على وصول.
على جانب آخر فى شركة محمود قد حان وقت الانصراف فمرت مى على مكتب ابيها طرقت الباب ودخلت ولكنه لم ينتبه لوجودهها فقد كان يفكر فى أحمد وكيف قصر فى حقه ولم ينتبه له كيف قطع صلة رحمه به كيف انه تحمل بعده عنه وانشغاله عنه فى حين لم يكن يقوى على فعل شئ بدون مشاورته وبدونه لقد كان أحمد الملاذ الآمن لمحمود بالماضى وها هو أحمد قد يفقده للأبد قد يفقد عائلته وابيه واخيه فى آن واحد قد يفقد شعوره بالامان قد يفقد ظهره الذى يسنده فى هذه الحياة .....
مى بابا .....باباااااااااااااااااااااااااااااااااااااااااا ااااااا
محمود بعصبية ايه يا مى فى اييه صوتك عالى اوى وبعدين احنا فى الشركة مش فى البيت ومية مرة اقولك انا اسمى استاذ محمود مش بابا احنا فى الشغل
مى اهدى يا بابا اهدى يا حبيبى انا عمالة اكلم فيك بقالى ساعة وحضرتك مبتردش عليا باصص فى الورق ده ومش واخد بالك خالص انا اسفة بجد يا بابا
محمودوقد لاحظ ان مى وجهها تغير معلش يا مى اصل فى شوية مشاكل فى الشغل كده كويس انها جت فيكى خير بأى جيالى فى ايه
مى اصل حضرتك مش واخد بالك ان الساعة 6 يعنى خلاص مفروض نكون فى البيت دلوقتى والا... حضرتك عارف
محمودبابتسامة باهتة لا وعلى ايه يلا يا بينا وإلا ...
وخرج محمود ومى من الشركة قاصدين منزلهم وصلا الى المنزل ليجدا ان ميرفت تجلس فى حديقة المنزل تقرأ بعض المجلات العالمية النتخصصة فى الموضة و الاثاث المنزلى الحديث ....
محمودالسلام عليكم ازيك يا ميرفت
مى السلام عليكم مساء
الخير يا ماما
ميرفتوعليكم السلام خير اتاخرتوا ليه
محمودوهو يجلس على الكرسى المقابل شوية شغل معلش يا ميرفت ها الاكل جاهز
ميرفتاااه شغل ماشى .قولى لسوزان يا مى تحضرلكم الغدا
مى هو حضرتك مش هتاكلى معاياا
ميرفتتنظر لمى لا .انا اتغديت من زمان اكيد مش هستنى لحد دلوقتى فى مواعيد لازم نحترمها وتوجه نظرها لمحمودفيابدلها محمود بنظرة ضيق وغضب
محموديالا يا مى ندخل سيبى ماما اصلها مشغولة اوى بالمناسبة يا ميرفت اتصلتى بآسر واطمنتى عليه
ميرفت ايوة وهو كويس وصل وهيروح الجامعة بكرة علشان يكمل الرسالة
محمودطيب الحمد لله ربنا يوفقه.
يدخل محمود وابنته المنزل فيتناولا غذائهما وبعد الانتهاء منه يؤذن المغرب
مى بابا متصلى بيا جماعة من زمان مصليناش مع بعض علشان خاطرى يا بابا
محمودانا والله مش قادر اصللى فى المسجد طيب يللا بينا ومتاخديش على كده كتير
مى ماشى ماشى من حقك بردو يلا انا هروح انادى على ماما تيجى تصللى معانا
تذهب ميرفت لتنادى امها فتجدها تصللى فى غرفتها ...تذهب لأبيها وتخبره فيصليا سويا ..
مىحرما يا بابا
محمود جمعا يا حبيبتى ان شاء الله
مى هو مين اللى علم حضرتك تقرا القرآن كده
محمودعمك أحمد ربنا يجازيه خير كان بحفظ بالتجويد وييجى يحفظنى على اد ما يقدر ويعلمنى
مى متعجبةيعنى عمو أحمد حافظ قرآن كتير اوى
محمودايوة هو خاتمة قبل جوازه بشهر بالضبط ده كان شرط مها مراته
مى يااه والله طنط مها دى باين عليها طيبة ومحترمة اوى...... اوبااااا نسيت ينفع كده
محمودمتعجبانسيتى ايه
مى نسيت اتصل ببنات عمو أحمد اتعرف عليهم واسلم عليهم
محمودبابتسامة ربنا يبارك فيكى يا مى يارب ايوة كده انصفينى مش زى اخوكى ومامتك ...ربنا يهديهم
مى انا نفسى يبقوا اخواتى بجد وصحابى يابابا
محمودبجد يا مى ولا ...
مى بجد يا بابابس انا خايفة من رد فعلهم اصل انا اول مرة اكلمهم
محمودلا لا متخافيش انا عارفهم كويس مش هتلاقيهم زعلانيين خالص بالعكس هيفرحوا انكك كلمتيهم يلا كلميهم وانا معاكى اهو بالمرة اكلمهم
مى نعم
محموديلا يا جلدة عليا انا ده خط مش كارت وكمان انا اللى بدفعلك الفاتورة ولا بتاكلى وتنسى
مى ليه تفكرنى بس يا محمود بيه كسفتنى
محموديلا يلا كلميهم
تتصل مى بسمية لتجدها لا ترد فتتذكر بتنبيه أحمد لها ..فترسل لها رسالة وكان هذا مضمونها ...السلام عليكم ازيك يا سمسة انا مى بنت عمك محمود عايزة اكلمك وده رقمى ياريت تردى عليا لو مفيهاش ازعاج ليكى و...........................
الحلقة 13
كانت سمية تجلس على سجادة الصلاة ناجى ربها قائلة يارب ..لماذا يحدث هذا لى لماذا ابى يحمل هذا السم فى جسده لماذا الحزن والفراق رفقاء لىولا أحد سواهما لماذا أشعر بالوحده هكذا ..يارب اننى لم اعترض على حكمك ولكن اسالك الاعانة يارب ..لماذا شريكى لا يشاركنى حتى فى ألمى ..لماذا لم أجد لديه الحب..هل هذه هى حياتى أسيستمر على هذا حالى ... ..ربى لا تذرنى فردا وانت خير الوارثين ... وجدت سمية هاتفها يرن فتجده رقما غريبا فلا ترد...ثم تأتى لها رسالة مى فتجعلها فى حيرة ودهشة من المفاجأة فمى لم تتصل بها ابدا وهى لم تشاهدها منذ عشر سنوات على الاقل ...ترى ماذا تريد مىفتجد سمية هاتفها يرن مرة أخرى
سمية السلام عليكم
مى بحبور شديدوعليكم السلام ورحمة الله وبركاته لزيك يا دكتورة سمية
سمية متعجبة الحمد لله أنتى مى فعلا
مى اه والله يا دكتورة انا مى بنت عمك محمود
سمية مندهشة..........
مى بحزنانا اسفة لو كنت ازعجتك ...
سمية مقاطعة اياها ازعاج ايه يا بنتى متقوليش كده ازيك يا مى ايه اخبارك
مى الحمد لله تمام ازيك انتىمفاجأة مش كده
سمية بصراحة احسن مفاجأة صدقا والله
مى انا اخدت رقمك من عمو محمود معلش من غير اذنك
سمية اذن ايه يا ميوش احنا اخوات مفيش بيننا كده معلش سامحينى مقصرة معاكى انا اسففة جدا
مى مقصرة ايه يا دكتورة بس انا اللى مفروض اسال معلش سؤالى جه متاخر متزعليش منى
سمية عيب عليكى متقوليش كده احنا اخوات يا مى وبعدين ايه دكتورة دى قوليلى سمية او سمسمة زى ما اخواتى بيقولولى
مى بجد يا سمية يعنى ممكن تكونى زى أختى
سمية يا بنتى انا فعلا اختك بس كنت مغيبة عن الواقع
مى بجد انا فرحانة يا سمسمة انى كلمتك سمعت صوتك نفسى بأى اشوفك
سمية مازحة مع مى ياحبيبتى متشوفيش وحش خليكى اسمعى صوتى احسن
مى لا بجد انا عايزة اشوف شكلك دلوقتى من زمان مشفتكيش
سكية ولا انا كمان
مى يبقى خلاص انا عزماكى بكرة على الغدا فى مطعم ............. على 6 كده ان شاء الله
سمية بصراحة كده انا معرفش المطعم ده فين ممكن تدينى العنوان
مى انتى بتهزرى ده جنب الجامعة
سمية بجد والله مخدتش بالى
مى بقالك خمس سنين وداخلى فى السادسة وتقوليلى مخدتش بالى لااااا كده قلقتينى عليكى
سمية ماشى يا ستى بس عندى شرط
مى بخضة شرط
سمية ايوة انا اللى هعزمك ماشى
مى ماشى ياستى
سمية ماشى يا حبيبتى معلش انا مضطرة اقفل لان عندى تدريب بكرة الصبح
مى ماشى يا سمسمة اتفضلى وانا سعيدة جدا انى كلمتك
ربنا يعينك اتفضلى
سمية يلا مع اللسامة فى رعاية الله
مى كمع السلامة ..
محمودايه يابنتى كنت عايز اكلمها
مى معلش يا بابا والله نسيت انا رايحة اقابلها بكرة ان شاء الله لو حبيت تعالى معانا واهو تصغر شوية يا عم
محمود لا يا حبيبتى بس انا عندى شغل كتير اتبسطوا انتوا
فى جانب آخر فى مكتب خليل يحادث الدكتور أمين
خليل ها يا أين حجزت ولا لسسي
أمين للاسف يا خليل الدكتور مش فاضى غير فى شهر 3 الجاى للاسف
خليلبعصبية ازاى انت بتهزر يا أمين
أمين يا خليل اهدى شوية الباشمهندس احمد مريضى وانا حالف قسم انى احافظ عليه فاكيد هكون خايف عليه بس انت رديت عليا متاخر وانا منبه عليك ترد عليا فى نفس اليوم
خليل معلش يا خليل اعذرنى اعمل ايه بس لحد ما اقتنع المهم هى كده مش خطر عليه
أمين باذن الله لا بس هو يواظب على الجرعات وممكن نكثفها شويةة هى هتوقف نمو المرض وانتشاره يعنى هتحجمه لكن مش هتنهيه طبعا
خليلربنا يسهل يارب ويشفيه
أمينمن حق سمية عاملة ايه
خليل قافلة على نفسها من ساعتها حتى منزلتش تتغدى معاناأمين معلش ليها حق يا خليل سيبها براحتها
خليل ربنا يسهل
ويبلغ خليل أحمد بالامر فيتقبله ويستمر على علاجه وتقابل سمية مى ليكونا علاقة وطيدة جدا بينهم كالاخوات مع مرور الايام مى وجدت فى سمية الاخت الاكبر لها الهادئة المحترمة التى تعينها على حياتها وتنصحها بالحسنى وتتمنى لها كل الخير ووجدت سمية فى مى الفتاة الهادئة طيبة القلب العفوية فارتاحت كلاهما للاخرى
وآسر يتقرب من ميرنا أكثر ويحبها وميرنا وتمت خطبتهم دون معرفة محمود والد آسر ولكن تم بموافقة ميرفت وظل آسر على اتصال بأهله وويحارب الوقت لكى ينتهى من هذه الرسالة ومحمد على حاله مع سمية وهى تناسته واستمرت على حالتها تطمئن على اهلها ولا تاكل كثيرا حتى لاحظت أميرة هذا المموضوع لكن خليل أخبرها ان تترك سمية بحالها ةتعتنى بها دون ملاحظة سمية وهكذا مضت الايام .................حتى جاء اول يوم دراسة كانت سمية خائفة جدا فصلت ركعتي قضاء الحاجة وذهبت لكليتها ....
البارت 14
وجاء اول يوم فى الدراسة كانت سمية خائفة جدا فصلت ركعتي قضاء الحاجة وذهبت لكليتها دخلت سمية المدرج لتجلس فى البنش الثانى كما اعتادت وحيدة حتى جاء شخص ما..
الشخصدكتورة سمية كل سنة وانتى طيبة ممكن اقعد هنا
سمية وهى ناظرةالى اللارضاعتقد ان فى اماكن كتير ادام حضرتك غير هنا فبعد اذن حضرتك تتفضل هناك
الشخصبس انا محتاج اقعد هنا علشان اشوف الدكتور كويس واسمعه
سمية خلاص اتفضل
وهمت سمية بالوقوف لتذهب لتجده يقول
الشخص بخضةرايحة فين يا دكتورة
سمية بضيق وغضبرايحة اقعد فى مكان تانى عن اذنك
مسك الشخص معصمها لتجلس فنظرت له نظرة نارية مليئة بالغضب والعصبية والضيق
سمية ازاى تعمل اللى انت عملته ده انت مبتفهمش
الشخصبارتباكانا ..انا اسف مكنتش اقصد بس ده مكانك تعالى اقعدى فيه كده مش هتطلعى با متياز السنة دى
سمية لا حول ولا قوة الا بالله صبرنى ياربملكش دعوة
ودخل الدكتور فتركته سمية لتجلس فى مكان آخروكان من حسن حظها ان الدكتور الذى يشرح المحاضرة تعرفه جيدا فاذا لم تسمع شيئا او لم تفهمه ستسأله بدون تردد..فهو دكتور خليل .وبعد انتهاء المحاضرة ذهبت للكافتيريا لتشترى منه عصير جاء
اليها الشخص ذاته
الشخص دكتورة سمية خللى عليا
سمية..............
الشخصياختى مالك متقنعرة كده ليا بصى لنفسك فى المرايا انا اسف بس مكنتش اقصد
لم تعيره سمية اى اهتمام فذهبت من امامه حتى جاء له ولد وبنت
الولد بضحكة عالية سوفة حبيبى ازيك قفاك بيقمر عيش ليه كده
سيف خفة ولا يا رامى سيبك منى انا مش ناقصك
البنت مالك يا سيف هى البت المعقدة دى بردو مش راضية تلين ولا ايه يا بنى سيبك دى مش استايل خاااااااالص
وكمان مبتكلمش حد سيبك منها يا سوفة
سيفميريهان مش طالبة معاكى تريقة هى وبعدين يا بنتى هتلين يعنى هتلين ده انا سيف ولا ايه بس تعالى هنا خالى سابك تخرجى ازاى من البيت وانتى قمر كده
ميريهان هتعملهم عليا ولا ايه يا سيف وبعدين انا من يومى وانا قمر
رامى يغمز لهااكيد يا ميري
سيفبقولكم ايه يلا نمشى بأى لان دماغة مصدعة
رامى يلا بالمرة اعدى على بابا اخد منه الفلوس لانى فنش
سيفيابنى ازاى تبقى ابن سامى جابر وتعدى تاخد منه مصروف مفروض يكونلك رصيد
رامى مش راضى يحطلى فى البنك خالص بيقولى علشان متضيعوش على الفاضى وعلى العيال زمايلك ده يابنى يا دوب رضى يدينى عربيتى تانى
سيف انا حاسس انه مش ابوك فاكر ياد عربيتك اللى قبل دى والله بجد زووووووووووووووبة
ميريهاناحبت ان تمزح معهم ايه يا سيف ما انت ابن سيادة الوزير وراكب عربية متتشافش اساسا
سيفاتكلمى على ادك يا بنتى دى بس تسليكة لحد ما الفرارى تيجى
رامى طب يا يا فرارى والا انا هفرفر منك
سسيفميريهان طيب يلا
فى هذه الاثناء كانت سمية تجلس فى الكليةوحيدة لتجد شخص ما ياتى اليها ويضع يداه فوق نظارتها ليضغظ عليهما فزعت سمية ولكن .....
الشخصانا مين
سمية طبق الميلامين
الشخصعرفتى منين
سمية من احبالك الصوتية سيبى يا ملك بجد النضارة هتتكسر
هنا احست سمية بالامان نوعا ما لقرب اختها بها
ملك همك على النضارة اوى طيب يا ستى عفونا عنك
وسلمت ملك على سمية سلاما حارا واخذا يتخدثان وتطمئن سمية على اخبار عائلتها وخصوصا ابيها وتسألها عن حالها مع عمرو..
سمية طمنينى بأى ايه اخبار اخويا معاكى
ملك انهى واحد ...
سمية قال يعنى متعرفيش بسال على
مين فيهم
ملك لا بس بستهبل
سمية ماشى يا ستى طمنينى عليكى بأى
ملك والله كويسة ي سمسمة وعمرو كمان كويس كل يوم بحس انه بيحبنى اكتر من اليوم اللى قبله وانا كمان سبحان الله بحس انه هو اللى ربنا كاتبهولى بجد
سمية ماشى ياعم الرومانسى هههههه بس والله عمرو ده عسل بس ربنا يعينه عليكى بس هههه
ملك اه يا ختى انتى وهوا غنوا على بعض وهو رراخر يقوللى سمية هى اللى فيكوا ومش عارفة ايه
سمية يا بنتى ده احنا اخوات ...ربنا يخليكم لبعض ويهنيكم ويتمملكم بخير
ملكواياكم يا سمسمة ويهديلك محمد
سكتت سمية والحزن يتملك من عينيها تأسر نظراتها لملك دموعها الاسيرة بهذا الحزن تلاحظها ملك فتقرر عدم الخوض فى فى ها البحر المغرقفتغير وجهتها ..
ملك الاقوليلى يا سمسمة اخبار نغم ايه لسة لمضةبردو وبتاعة مقالب
سمية كأنها تذكرت شيئا مااكيد يابنتى تماااااااااااااموعمرها مكانت بتاعة مقالب فى ناس غيتهم المقالب
ملكاحم احم .............قصدك ايه يا سمسمة
سمية ها ولا حاجة
ملك ماشى ماشى
سمية انتى لازم تمشى فعلا لان عندى سيكشن دلوقتى ولازم امشى
ملك ماشى ياعم السيكشن انا هخلص على 3 كده استناكى ان شاء الله
سمية قلبك ابيض خااااااااااالص انا هخلص على 6 يا حبيبة قلبى فامشى انتى وسلميلى على اللى فى البيت
ملك ياااه يابنتى اللهم ابعد غضبك ومقتك عنا ..يعنى مالها تجارة انجليش
سمية زى الناس اللى فيها عايزة حاجة بأى
ملك سلامتك وخللى بالك من نفسك ااااااااااه نسيت اقولك
سميةباهتمامخير
ملك ماما بتقولك كللى كويس واسمعى كلام طنط أميرة وانا شايفة ان عندها حق بصراحة
سمية ماشى ماشى مع السلامة
ملك مش مع الندامة
وتسلم سمية على أختها وتذهب لسيكشنها وتهب ملك ايضا لمحاضرتها وتنهتى سريعا منهاثم تغادرالقاهرة تنتهى سمية من محاضرتها وتذهب للمنزل لتجد أميرة فى انتظارها ومعها خليل ونغم
سمية السلام عليكم
الجميعوعليكم السلام
خليل ايه يابنتى هو دكتورأيمن عمل الواجب النهاردة معاكم ولا ايه
سمية مبتسمة ويبدو عليها الارهاقاه والله ياعمو ربنا يسامحه .ازيك يا طنط ازيك يا نغم
أميرة ونغم الحمد لله
أميرة باين عليكى التعب يا سمسمة اطلعى غيرى وهقول لهدى تجهز لنا الغدا احنا كمان لسة متغديناش ومش هقبل اى عذر يلا بسرعة
رضخت سمية لطلب أميرة فهى فعلا لم تعد بحال جيد وتمر الايام هكذا حتى يأى يوم ..............
البارت 15
كانت سمية فى مشفى خليل لترى بعض الحالات النادرة لمرضى القلب التى تهتم بدراستها بعدما انهت سمية ما جاءت من اجله همت بالذهاب ولكن استوقفتها حالة كانت تدخل المستشفى ومنظره يوحى بان احد ما قد على هذا الرجل كانت تسيل منه من كل جهة فزعت سمية لما رأته فهو صغير السن ومظهره يوحى بانه فحاولت ان تساعده ادخلته الطوارئ وطلبت احد اللاطباء الموجودين فى المشفى
الشاب حاسبى انا جسمى واجعنى اااااااااااااه وبعدين اندهى دكتو يشوفنى ااااااااااااه
سمية بقلق وارتباكانا اسفة يا فندم بس بحاول اخليك فى الوضعية ا لمناسبة لان فى كسور مضاعفة وبطهرلك الجروح
الشاب بصوت عالى وهو يتألم ك طيب من فضلك اندهى حد يكون فاهم لان جسمى تاعبنى جدا ااااااااااااااه وانا مش ناقص تعمليلى حاجة غلط
سمية يا فندم متقلقش انا طالبة فى 6 طب ومش هضرك وحااااضر انا طلبتلك الدكتور سمير بس حضرتكك متحركش جسمك ارجوك هو زمانه جاى ان شاء الله
الشاب طيب بسرعة ااااااااااااه حسبى الله ونعم الوكيل فى اللى عمل كده
سمية طيب مين اللى عمل فيك كده
الشاب بلطجية بس انا اعرف مين اللى مأجرهم اااااااااه
سمية طيب انا هبلغ البوليس ييجوا ياخدوا اقوالك علشان تاخد حقك منهم
الشاب بوليس ايه وزفت ايه دلوقتى انا مش هعرف اخد حق منهم ولا باطل ده ابن وزير ...
وهنا يدخل الددكتور سمير بعد سماعه الحديث ...
سمير سمية بتعملى ايه اطلعىى برة ..
سمية انا اسفة يا دكتور بس كنت بطهرله الجروح
سمير بعصبية وطيب ابعدى كده
وشرع فى معالجته للشاب وحوله على غرفة الاشعات وسمية كانت تراقبه وبعد ان اتم عمله توجه لسمية
سميرانتى بتعملى ايه هنا روحى الوقت اتاخر
سمية طيب هطلب البوليس وامشى عن اذن .....
سمير بعصبية وحدةلا بوليس لا مش عايزين شوشرة يبقى هو يروح يقدم بلاغ لو عايز
سمية بس الصح البوليس ييجى ويحقق ويسال حضرتك ويشوف التقرير بتاعه وبعدين ده شروع فى قتل ده عنده كسور مضاعفة فى اماكن خطييرة يا دكتور
سمير انتى لسة طالبة ايه عرفك وبعدين مش انتى اللى تقولىلى الصح من الغلط ولا مدام خليل مش هنا انتى هتعملى صاحبة المستشفى
سمية بدموع حبيسة انا اسفة بس ده اللى لازم يحصل ومش همشى قبل ما اعمله عن اذنك
سميرممسكا بمرفق سمية وبصوت عالى انتى مبتفهميش عربى ولا ايه قولتلك ملكيش دعوة
سميةبصوت عالى مهتز سيب ايدى يا دكتور لو سمحت وانا هعمل اللى انا عيزاه
تركته سمية وابلغت الشرطة فجاءت ووجدت المريض قد خرج من غرفة العمليات ولكنه لن يفيق الا بعد ساعات استدعى وكيل النيابة سمية ليأخذ اقوالها وكذلك سمير لكنه لم يجد الدكتور سمير ولكن سمية قد جاءت له
وكيل النيابة اتفضلى يا دكتورة
سمية جزاكم الله خيرا
وكيل النيابة انا عرفت انك انتى اللى استقبلتيه ممكن تحكيلى اللى حصل
سمية اللى حصل وقصت له سمية ما حدث
وكيل النيابة طيب مقلكيش مين الوزير ده
سمية لا يا فندم
وكيل النيابة طيب انا قدامى تقرير الدتور سمير بيقول غير كده خالص وبيقول ان دى حادثة واللى ماضى عليه دكتور سمير المسؤل هنا
سمية انا مليش دعوة بالتقرير انا ليا دعوة باللى شوفته وبعدين ممكن حضرتك تستدعى حد من دكاترة الطب الشرعى وهما يأكدوا ليك كده
وكيل النيابة بسخرية مالك واثقة اوى من كلامك انتى لسة حتى مدخلتيش امتياز
سمية بضيق ع فكرة انا بتدرب هنا من سنة اولى وكمان عارفة كويس انا بقول ايه
وكيل النيابة طيب اتفضلى روحى لو احتجنا اقوالك مرة تانية هنستدعيكى ان شاء الله
سمية عن اذن حضرتك
كان خليل قد علم بالامر وجاء الى المشفى ليجد ماحدث فوجد امامه سمية فسالها فروت له ماحدث فامرها ان تنتظره حت ى يخرج دخل خليل لوكيا النيابة واعطى افادته وخرج ليجد سمية تجلس على احد الكراسى ويبدو عليها الاعياء الشديد ونمسك برأسها
خليل مالك يا سمسمة فى ايه
سمية . ها.... لا ولا حاجة يا عمو بس اللى حصل كان مش قليل النهاردة
خليل طيب يلا بينا علشان ترتاحى ومفيش كلية بكرة
سمية لا يا عمو ...
خليل مقاطعا اياها مفيش لا اتفضلى يلا قومى نروح
على جانب آخر فى منزل أحمد كانت مها مشغولة جدا بتجهيز ملك ومستلزمات فرحها فلم يتبق سوى شهر من الان وملك ايضا قلقة جدا من اقتراب موعد الفرح وتخاف من ان تنسى شئ او ان يحدث شئ يعكر عليها صفو فرحتها ...
أحمد ها يا ملوكة خلصتى حااجتك ولا لسة
ملك مش عارفة يا بابا والله اكيد لسة
مها لا والله انتى تبقى مفترية يا بنتى بقالك 3 سنين بتجهزى وتقولى اكيد لسة خلاص يا احمد فاضل بس نروح نفرشلها الشقة
أحمد خلاص انا هكلم شركة النقل تبعت عربية كبيرة تشيل الحاجات وتوديها
مها طيب يا حبيبى ربنا ميحرمناش منك بس اسال سها عن المعاد المناسب واقولك
أحمد ماشى يا مها يكون احسن بردو هتوحشينى والله يا ملك
ملك هوحشك ايه بس ياعم الحج دى اسكندرية لو عايز تشوفنى بس رنلى او ابعتلى كلمنى شكرا ثانية هتلاقينى قدامك بقولك شبيك لبيك
أحمد يا بكاشة ده انتى لما هتصدقى..
ملك ليه كده بس لا لا مين اداك الفكرة الوحشة دى يا حج اوعى تكونى انتى يا حاجة
مها لا والله ابدآ بس انتى مفقوسة دايما
ملك ماشى يا ماما
يدخل مالك عليهم
مالك السلااااااااااام عليكم
الجميع وعليكم السلام
مالك ايه ده ملك موجودة ...ومفيش حريقة ....لا لا لا اكيد فى حاجة غلط ..اكيد بحلم اقرصنى يا بابا
ملك لا وعلى ايه يقرصك
وتمسك ملك كوب ماء بارد وتسكبه عليه
مالك ايه يا شيخة حرام عليكى الجو ناقص الدنيا متلجة لوحدها ...الله يكون فى عونك يا عمرو
ملك علشان تعرف تتكلم كويس مع العروسة يا ....بارد
مها معلش يا مالك دى العروسة اطلع غير وصللى ويلا العشا جاهز
ممالك علشان خاطر حضرتك انتى وبابا بس هاخد سندويتش فوق عندى مذاكرة
أحمد ك يا بنى مش هتيجى من ربع ساعة عشا وعدى على رهف فى اوضتها وقولها
مالك حاضر يا بابا عن اذنك
يصعد مالك الى غرفته ويبدل ملابسه ثم يتصل بسمية فتجدها لا ترد حاول اكثر من مرة ولكن دون جدوى فقال لنفسه من الممكن ان تكون نائمة فترك هاتفه وخرج اليهم
فى مشفى خليل تستيقظ سمية لتجد نفسها ترقد على احد الاسرة معلق لها المحاليل ويجلس خليل بجوارها ...
سمية بصوت متعب وتبتلع ريقها بصعوبة عمو خليل ..ايه ..الى حصل
خليل سمية بلاش تتكلمى انتى فى المستشفى دوختى شوية جبناكى هنا علشان نطمن اكتر
سمية ك طيب يلا نروح انا كويسة
خليل بلهجة جدية يشوبها الحزن كويسة ايه بس انتى هتدحكى عليا ولا على نفسك من امتى يا سمية وانتى تعبانة
سمية يا عمو انا مش تعبانة ولا حاجة حضرتك مكبر الموضوع ده شوية ارهاق
خليل بطلى بأى انا عارف وانتى عارفة ان ده مش ارهاق من امتى وانتى بتحسى بكده يا سمية
سمية بكده ايه يا عمو
خليل بصوت عالى انتى بستهبلى ..من امتى نفسك مبتقدريش تاخديه ومن امتى الالم اللى فى صدرك ده ومن امتى الترجيع ومن اامتى الكحة...ااقول كمان ولا كفاية
سمية باكية قبل ما اجى القاهرة باسبوع بس انا قولت ممكن يكون التهاب فى غشاءالتامور هو اللى مسبب الام ده وخصوصا اان كان عندى برد بس الموضوع استمر
خليل وليه مقولتيليش يا بنتى من زمان ليه يا سمية
سمية مش عايزة حد يعرف حاجة مش عايزة حد اصعب عليه مش عايزة حد يحمل همى
خليل يعنى انا حد الله يسامحك ..يابنتى كنا اطمنا عليكى وبدأنا فى العلاج بدرى
سمية معلش يا عمو انا اسفة بس جه موضوع بابا وشاغلنى زيادة
بس انا عايزة اتاكد يا عمو
خليل ك من ايه يا حبيبتى
سمية انا عنى القلب يا عمو صح
خليل ينظر اليها بحسرة والم وحزن ايوة يا سمية بس يا حبيبتى الحالة لسة فى الاول نوعا ما هناخد كورس علاج وربنا يسهل
سمية تبكى بشدة يعنى خلاص يا عمو انا حياتى اتوقفت صح ....
خليل ليه بتقولى كده بس
انتى مادام بتاخدى علاجك كويس وماشية على التعليمات ونظام الاكل يبقى خلاص يا حبيبتى
سمية ممكن اعرف حالتى كويس يا عمو
خليل حاضر يا ستى انتى عضلة قلبك ضعيفة جدا فلازم تبعدى عن اى ضغط عصبى وعن اى مجهود فلازم تخللى بالك من نفسك
سمية وهى تنظر لخليل فى عينيه باعين باكية يعنى هقدر اتخصص فى القلب يا عمو هقدر اتجوززى البنات زمايلى واخلف اطفال يقولولى يا ماما طبعا لا
خليل يا حبيبتى تخصص القلب مقرف جدا فى تخصصات احسن منه و بصراحة مش لايق عليكى انتى لايق عليكى اطفال جلدية ..حاجة سيمبل كده وبعدين يا ستى تقدرى تتجوزى زى اى بنت بس
سمية بس ايه يا عمو كمل مش هينفع اجيب اطفال صح
خليل يا حبيبتى ده الخير ليكى ربنا بعتلك اختبار ويمكن منعك الحاجات دى علشان يديكى حاجة اكبر
سمية وهى تبكى بشدة فى ايه احسن من الامومة يا عمو ....مفيش ...انا احلامى كلها ضاعت ..ضاعت يا عمو
خليل اهدى بس ..... يا حبيبتى لا ضاعت ولا حاجة اكيد المولى عز وجل عمل ده لحكمة عنده ميعرفهاش غيره انتى مؤمنة و عارفة ربنا احن عليكى من اى حد واستحالة يبعت للانسان اى حاجة وحشة كله خير يا سمسمة ولا ايه
سمية ونعم بالله يا عمو ممكن اطلب من حضرتك طلب
خليل اؤمرى يا سمسمة
سمية الامر لله وحده بس ياريت محدش يعرف يا عمو
خليل انتى هتعملى زى باباكى يا سمية لازم يا بنتى احمد يعرف
سمية الا هو يا عمو حضرتك عارف حالته النفسية لازم تكون كويسة علشان علاجه ارجوك يا عمو
خليل طيب ومحمد
سمية محمدههه متقلقش يا عمو انا هتصرف ماشى
خليل ماشى ياستى اللى انتى عيزاه بس عايزين اهتمام بصحتنا شوية ماشى
سمية بصوت مخنوقمعدش فيها صحة يا عمو لكن حاضر ان شاء الله مش هروح ولا ايه
خليل ماشى يا ستى يلا قومى البسى وانا هستناكى برة
قامت سمية وواكملت ارتداء ثيابها وهى تشعر انها تائهة تشعر بان احلامها كبيوت من الرمال واتت الموجة وساوتها بالشاطئ تشعر بانها فقدت معنى الحياة والامل والحب ايضا ....
البارت ال 32
كان البيت مليئا بالصخب وكان مزدحما للغاية فاليوم هو عرس ملك الجميع مشغول الجميع جاء ليقدم الواجب فهذا عرس ابنة احمد الفيومى كانت ملك فى الاسكندرية ومعها سمية ونغم وأميرة مع مها وسها تساعداها وخليل مع أحمد يساعده فى ترتيبات العرس ايضا ومالك مع عمرو واخيه الاصغر مصطفى
ملك بنفاذ صبر يا بنتى خلصينا واسمعى كلام مدام جيلان اخلصى
سمية بعند ملكيش دعوة بيا يا ستى خليكى فى نفسك انتى العروسة يا هانم ولا نسيتى
جيلان بابتسامة واسعة لا منسيتش خا لص دى جابتلى كتالوجات وحاجات الشهر اللى فات عن ميك اب المحجبات وفساتينهم روعة فمتقلقيش خالص بس انتى لينى دماغك بس مش معقول اخت العروسة ومتحطش ميك اب خفيف يعنى ولا تلبس سوارية متكسيفينيش
سمية مع احترامى ليكى يا مدام جيلان بس انا اساسا مكن نفسى ملك تحط ميك اب يعنى هى ما شاء الله زى القمر وانتى خلتيها احلى تسلم ايدك لكن انا اعذرينى معلش والله مينفعش
ملك انا قلتلك من الاول قولتيلى هقنعها دى دماغها مصفحة ميغركيش منظرها
نغم لا والله بس يا ملك ابلة سمية عسل
سمية بابتسامة نصفانى يا نغم ربنا يخليكى ليا لكن انتى عشان عروسة بس هسكت
فى منزل محمود كان يوجد حوار يشوبه بعض القلق فمنذ قدوم آسر والجو مشحون بالتوتر
محمود يلا يا ميرفت قوموا اجهزوا كده هنتاخر
ميرفت نتاخر على ايه
محمود على فرح ملك يادوب نلحق معاد الطيارة
ميرفت بس انا مش جاية بتخنق من الجو ده يا محمود
محمود بنفاذ صبر لا حول ولا قوة الا بالله تتخنقى ايه يا هانم هما مش عاملينه فى البلد ده عاملينه فى اسكندرية وكمان فى جو انتى بتحبيه اساسا ده فى هيلتون جرين بلازا
ميرفت يا محمود هو الجو بالمكان بصراحة الناس مش هرتاح معاهم
محمود بعصبية ميرفت مش عايز نقاش فاضل على معاد الطيارة ساعة وهتيجى يعنى هتيجى ده اخويا
آسر اهدى يا بابا اتفضلى اطلعى يا ماما بس دلوقتى واجهزى
محمود حاجة تقرف معرفش متقنعرة على ايه
آسر بابا بعد اذنك طبعا احنا علاقتنا بيهم مش اوى ده انا يادوب فاكر شكل عمو احمد بالعافية فاعتقد ان الموضوع ملوش لازمة انك تزعل ماما بسببه سيبها على راحتها
محمود بصوت عال وعصبية انت باين امريكا بهتت عليك يابنى دول اهلنا ومن دمنا واحمد ده اخويا الكبير انتوا بتتككلموا ازاى ولا انت كمان ناوى متجيش يا باشمهندس ما انت تربية مامتك والصدر الحنيين بتاعها طالع براوى
آسر بجدية وحزم يا بابا من فضلك مينفعش كده انا مش عيل عشان حضرتك تكلمنى بالطريقة دى وبعدين انا جاى اساسا
مى بابا بابا انا جهزت يلا بأى هنتاخر
آسر هو انتى هتيجى
مى طبعا دى ملك كلمتنى واكدت عليا وكمان سمية
آسر والله انا مانا عارف سمية دى عملتلك ايه من ساعة مجيت وانا دماغى صدعت المهم يوسف بيه هييجى معاكى
مى بثقة اكيدطبعا هو يقدر بس هو اساسا كان فى مطروح فسبقنا على هناك
آسر اتاريه ممبنش من امبارح المهم انا طالع لماما اناديها
محمود بنظرة قوية ياريت متتاخرش
آسر حاضر بعد اذنكم
يصعد آسر لوالدته يحاول اقناعها وارضائها بالامر وبالفعل تقوم ميرفت وتجهز نفسها وتنزل
متابعة القراءة
