زينة الضواحي بقلم زهرة الربيع ج٢ من الفصول
امشي بسرعه لو مهران شافك هيقتلك
عوض قال ...سامحيني يا زينه بس مش هقدر اشرحلك حاجه دلوك
زينه قالت باستغراب... اسامحك اسامحك على ايه و
بس قبل ما تكمل ضربها على دماغها وحطها في شوال كان معاه ونزل بيها بمساعده فاطمه وامها اللي طلعوه بسهوله
فاطمه اتنهدت بارتياح...لما طلع من البيت من غير ما حد يعرف
عوض كان موقف العربيه قريب من البيت حطها في الكرسي اللي ورا وفتح الشوال عشان تعرف تتنفس وركب في الكرسي اللي قدام وبقى يدور العربيه
بس اتصدم صدمة عمره لما لقى السلاح في رقبته من ورا وشاف في المرايه مهران قاعد في الكرسي اللي ورا جمبها وبيلعب حواجبه ليه
بقلم..زهرة الربيع
عوض رفع ايديه الاثنين بخوف شديد وقال ....مهران بيه انا انا هفهمك انا...
مهران ابتسم وقال بسخريه....انت حمار...
عوض لسه هيتكلم ضربه بقوه بالمسدس بتاعه على دماغه اغمى عليه وشاور للحرس بتوعه جم شالوه ومشيوا بيه
مهران شال زينه ودخل بيها بسرعه على البيت وطلع بيها على اوضتها وهو بيبص لفاطمه بنظرات مخيفه جدا
فاطمه لطمت على خدها بزهول و مش مصدقه ان رجعها وكشفهم ولسه هتجري دخلو رجالة مهران واخذوها هي كمان وامها
امها بقت تلطم وفاطمه بقت تصرخ وبتقول.... انا بنت عمك يا مهران رد عليا..يا مهران انا ما ليش صالح مهراااااااان
مهران ما ردش عليها وطلع حط زينه في سريرها وبقى يحاول يفوقها بالبرفان بتاعه
بعد دقايق فتحت عيونها بتعب شديد وهيه بتتالم من الخبطه اللي على دماغها وقالت...اااه مهران
مهران قال بلهفه.... انا هنا يا قلب مهران معاكي وجنبك
زينه اتسعت عنيها وقعدت بسرعه واول ما شافته بقت تبكي بشده وهي مش مصدقه انه معاها
مهران غمض عينيه واتنهد بارتياح شديد بكل قوته وقال ....بس يا قلبي... انا معاكي جمبك يا زينه ما تخافيش يا حبيبتي
زينه قالت ببكا ...خذني معاه كانو هيبعدوني عنك يا مهران
مهران قال بسرعه...لسه متخلقش اللي يعملها يا زينه....محدش يقدر ياخدك مني
زينه بصتلو باستغراب وقالت..انت... انت لقيتني كيف
مهران اتنهد وقال.... هو ما اخذكش مكان اصلا يا دوب طلع بيكي على العربيه وانا كنت مستنيه جواها وجبتك
زينه قالت باستغراب....و انت عرفت كيف
مهران ابتسم وقال.... اصل انا لما قلت لك سيبيني هتكلم انا واختك..كللمتها كلمتين كده تهديد علشان تشيلنا من دماغها...و زي العاده خافت قوي وجريت على امها فرجعتلها قولت اشوفها ناويه على ايه المره دي ...لقيتها متفقه مع الباشا ياجي وزمانه على وصول...كنت هطلع عندك على طول بس قلت هتحذرو وتقولو اني معاكي ومهيطلعش... خليته ساب العربيه بره واستنيته فيها.... كان المفروض تشوفي وشه لما بيجهز نفسه عشان يطير بالعربيه ولقى سلاحي في قفاه
زينه بصتلو بزهول وقالت... قتلته
مهران ضحك جامد وقال ...لا مش للدرجه دي...هواصلا غلبان فاكرك قاعده معاي غصب اختك قالتلو كده قالتلو اني ضربت عليكي نار كمان....انا جبتو و اهو ملقح هو واختك الحلوه في البدروم
زينه قالت بدموع ورجاء ...عارفه انك ما هترضاش ب..
مهران قاطعها وقال بتريقه وهو بيقلدها... بس دي اختي يا مهران
زينه قالت بكسوف منه.... هي اختي مهما عملت
مهران اتنهد بغيظ منها وقال... عارفك هتقولي كده ....و حط ايده على خدها بحنيه وقال.... ما تقلقيش انا ما بقيتش اقدر اشوفك زعلانه مش هاذيها عشان خاطر عيونك
زينه ابتسمت وباستو من خده برقه وقالت.... ربنا يحفظك ليا يا مهران
مهران كانه حبك يا بت ...قلبي كان هيطلع من ضلوعي من خوفي عليك
زينه ابتسمت بكسوف وقالت.... القلوب عند بعضها يا ولد عمي
مهران بص لعيونها وقال.... ولد عمك حابب يسمعها
زينه عضت على شفتها بخجل وقالت... بحبك يا ولد عمي رايداك قوي
مهران ابتسم بسعاده شديده وقرب منها في لحظه جميله بينهم
بعد عنها وهو وسند جبينه على جبينها وقال ...الحج كان عايزني في مشوار بس شكله هيروح لوحده
زينه ضحكه وحاوطت رقبته بايديها وقالت... المره دي هيروح لوحده لاني عايزاك جنبي
مهران ابتسم بسعاده وقال.... ربنا يخليني جنبك على طول يا زينة الضواحي...و اجمل ما في العمر
كنتم مع زينة الضواحي بقلم..زهرة الربيع زهرتكم تحيكم ودمتم في امان الله مع من تحبون
