ڠصب عني ضعفت بقلم فاطيما يوسف جديده وكامله جميع الفصول 

ساعتها وأنا عايش وحيد من غير ولا جليس ولا ونيس .
قلبها ۏجعها جدا عليه وقالت له 
_طب ليه ما اتجوزتش تاني بعد وفاه مراتك وعايش لوحدك كده من غير ما حد يملي عليك حياتك .
جاوبها معتز بۏجع 
_مش عارف اشوف غيرها ولا كنت عايز حد في حياتي غيرها كانت بالنسبه لي كل حاجه ودلوقتي انا من غيرها ولا حاجه عايش وخلاص باكل وبشرب وبتنفس لكن من غير ما يكون ليا نفس لأي حاجه في الدنيا .
وبرده كملوا محادثتهم دي كل واحد بيعرف عن التاني اكتر واكتر واتكررت المحادثات بدل ما كانت كل يومين بقيت كل يوم وبدل ما كانت كل يوم بقت طول اليوم وبدل ما كانت رسايل بقت اتصالات على الماسنجر
ففي يوم معتز بيقول لها 
_بقول لك ايه بدل ما احنا عمالين نتكلم مكالمات صوت ما نتكلم صوره كمان علشان نعرف بعض اكتر زي اي صديقين ونفهم بعض اكتر ايه رايك اظن انت بقيتي واثقه فيا ان انا عمري ما هأذيكي ولو بكلمه .
هي ما شافتش منه حاجه من ساعه ما اتكلمت معاه ولحد دلوقتي كل كلامهم عايم فوافقت انها تكلمه صوت وصوره وقالت له 
_تمام يا معتز احنا كده كده كبار وواعين وملتزمين مع بعض وعمرنا ما هنفكر ان احنا نخرج بره اطار الصداقه المحترمه .
فورا اول ما بعتت له كده رن عليها فيديو كول
على طول واول ما فتحت قال لها بابتسامه هاديه 
_يا اخيرا شلتي الحجاب الحاجز اللي كان بيني وبينك تصدقي شكلك في الحقيقه احسن من الصور بجد الصور ظلمتك .
ابتسمت باعجاب على كلامه
وقالت له 
_بس بقى ما تافورش
انت بتقول كده علشان انت صديقي العزيز فلازمن هتشوفني حلوه وتجاملني .
ضحك معتز بصوت عالي على مشاغبتها وقال لها 
_طب والله العظيم ما بجاملك طلعتي فعلا زي القمر ودي حقيقه إنتي تعرفي عني اني بقول كلام نفاق وخلاص من ساعه ما اتكلمنا مع بعض وانا بقول لك الصراحه في شخصيتك من غير اي مجامله .
رفعت حاجبها وقالت له 
_طب ما انت كمان طلعت زي القمر واللي يشوفك ما يداكش 40 سنه نهائي انت فعلا السن ظلمك انت كمان يا ابني ما اشوف لك عروسه تروق عليك وتسيبك من الوحده اللي عايش فيها دي .
بص لها معتز بعمق وجاوبها 
_انا موافق تشوفي لي عروسه بس بشرط تكون شبهك بالظبط وطريقتها في الكلام والحوار برده شبهك يعني عايزها طبق الاصل منك يا زوزو يا ترى انت في منك اتنين ما اعتقدش 
وردت عليه وقالت له بحزن علي حالها 
_ما تتخدعش بالمظاهر يا معتز المظاهر ساعات بتورينا حاجات عقلنا بيصور لنا ان هي دي احسن حاجه في الدنيا وفي الاخر نكتشف انها خديعه كبيره ربنا يرزقك باللي تريح قلبك يا رب علشان انت حقيقي جدع وتستاهل .
في يوم جوز زهره بيكلمها كالعاده وبيقول لها 
_بقالك شهور شايفك كده ما بقتيش تتكلمي في موضوع رجوعي ولا حاجه وحاسس انك ما بقيتيش تتكلمي معايا كتير زي الاول ولا بقيتي تهتمي بيا زي الاول يا ترى ايه سبب تغيرك ده معايا
ابتسمت زهره مع حالها باستهزاء وجاوبته 
_كل اللي يهمك اني انا اللي اهتم وانا اللي اتكلم وانا اللي ادور وانا اللي اسال وانت ما لكش دور معايا غير بنك وخلاص بيبعت لي فلوس لحد لما کرهت الفلوس 
لما لقيتك زعلان من كتر اهتمامي ومن كتر كلامي بطلته وريحتك مني ومن زني .
ما عجبش عصام كلامها وقال لها پغضب وزهق 
_كل كلامك معايا بقى بطريقه مش كويسه عصبيه وزهق المفروض ان جوزك في سفر ومتغرب علشان خاطر يوفر لك عيشه حلوه ومرتاحه واجبك ناحيته ما تشيلهوش هم اكتر من الهم اللي شايله بجد انا اتخنقت من ردودك عليا امشي بقى وما تكلمنيش تاني .
ما تهزلهاش شعرة من الكلام اللي قاله وقفلت معاه وبعد على طول ما قفلت معاه كلمها معتز وردت عليه وعيونها عليها اثر الدموع 
اول ما معتز شايف دموعها قال لها 
_مالك يا زهره ايه اللي يضايقك وخنقك ومخلي الدموع ماليه عيونك كده ما اتعودتش منك غير الابتسامه الصافيه .
اول ما قال لها كده اڼفجرت في العياط وقالت له من بين شهاقتها 
_تعبت يا معتز
من بروده وبعده تعبت وما بقتش قادره استحمل
تعبت من كتر الوحده اللي انا حاسه بيها ومحوطاني والله لولا وجودك معايا وبتهون عليا انا كان زماني دلوقتي خلصت من الدنيا اللي انا عايشاها دي .
رد عليها
معتز بانزعاج وقال لها 
_بعد الشړ عليكي من المۏت .
بصيت له وبرقت عينيها جامد راح مكمل كلامه باعتذاره وقال لها 
_انا اسف يا زهره بس هي طلعت من بقي ڠصب عني سامحيني وما تزعليش مني .
تهتهت وهي بترد عليه وقالت له 
_انت.... إنت بتقول ايه يا معتز الكلام ده معناه ايه 
وفعلا عملوا بلوكات لبعض وقعدوا قد اسبوعين ما يكلمهوش بعضهم ما يتواصلوش مع بعض خالص 
_ساعات الزمن بيجبرنا على حاجات مضطرين نعيش فيها ونستحملها علشان خاطر المركب تمشي بس يا رب المقاديف ما تتكسرش ونغرق كلنا .
سمعت حد فتح باب الشقه اتخضت وخرجت وهي معاه على التليفون 
واڼصدمت من اللي شافته عمرها ما كانت تتوقع المفأجاه دي ولا يجي في بالها ولا مخيلتها
وطبعا جوزها رجع من السفر
واقف قدامها بعد غياب تلت سنين ورا بعض من غير ما يكون موجود معاها ولا ينزل اجازه 
واول ما شافها فتح ايديه بالأحضان وجري عليها وقال لها 
_ياه وحشتيني يا زهره وحشني وريحتك وحشتني وكلامك وهمسك انا مش مصدق ان انت بين ايديا وبين احضاني وحشتيني وحشتيني .
زهره كانت مصدومه ولحد دلوقتي مش قادره تصدق ان هو رجع من السفر فجأه وقالت له بتهتهه 
_وانت كمان وحشتني حمد لله على السلامه انت ليه ما قلتليش ان انت جاي 
مسكها من ايديها الاتنين ولف بيها في المكان وقال لها 
_كنت عاملها لك مفاجأه والمفاجأة
الأكبر اني خلاص لغيت عقدي ومش هسافر تاني وهسمع كلامك وكفايه علينا غربه وبعد عنك وعن ولادي انا بجد كنت بټعذب زيك بالظبط في الغربه بس هعمل ايه كان لازم أأمن مستقبلنا علشان خاطر نعيش حياه مستريحه وما نحتاجش لحد في الغلا إللي إحنا فيه ده .
طبعا هي ما كانتش فرحانه برجوعه مع ان اللحظه دي طول عمرها كانت مستنياها بس هي دلوقتي زهرة جديده غير زهره اللي هو عارفها ومتجوزها هي دلوقتي في نظر نفسها
وغابت زهره وبقيت تقفل موبايلها كتير
في ناس بټندم زي زهره وبترجع وفي ناس بتنخرط جوه دوامه الشهوات وفي ناس
ربنا بيسترها معاهم والستر دايما محاوطهم فعلشان كده لازم نحافظ على ستر ربنا وما نضيعهوش من بين ايدينا 
وكملت زهرة حياتها مع جوزها واولادها وهي بتحاول تتوب عن الذنب الكبير اللي ارتكبته وفعلا معتز طلع راجل وما جاش ناحيتها تاني نهائي خالص في زمن قليل فيه جدا اللي يطمعش في واحده ست وثقت فيه .
وتوته توته خلصت الحدوته