تقاليد العائلة بقلم داليا ناصر الاسيوطي
روايه ډم وشرف كامله منقوله
مشهد من الماضي .
قبل اثنان و عشرون عاما .
في محافظة اسيوط احدي محافظات الصعيد و بالتحديد في احدي قراها.
في أحد القصور الفخمة
و بالتحديد في إحدي الغرف
كانت هناك امرأة مسطحة فوق السرير و يظهر علي وجهها انها تحتضر.
علا و يظهر علي وجهها القلق الشديد
شدي حيلك يا زينب يا خيتي علي راح يجيب الداية .
زينب وهي تتألم
حاسة انه ھموت يا علا مش قادرة .
علا
يا حببتي متقوليش أكده ده بس عشان عيل بكري و الولادة جات قبل معادها.
زينب و هي تلتقط أنفاسها بصعوبة
لا ده تعب مش طبيعي من وقت ما شربت اللبن حاسة انه ھموت ابوس يدك يا علا لو جرالي حاجة و العيل جه على الدنيا كان واد او بت متخليهوش يصدق الي بيتقال عليه و خليه يتربى بيناتكم اهنة و خلي بالك منه يا علا .
علا
كفياكي الحديث ده.
و قبل أن تكمل كلامها وجدت عبير زوجة اخاها تدلف الي الغرفة و معها الدايا ام عثمان.
بعد وقت سمعت كلا ممن عبير و علا الذين يجلسون بجانب زينب صوت صرخه الطفل التي حملته لهم الدايا ام عثمان بعدما وضعته في شرشف ابيض.
ام عثمان
بسم الله ماشاء الله بت كيف القمر.
و بعدها اعطتها ل علا التي حملتها بفرحه عارمه و الټفت الي زينب .
علا
بسم الله شوفي يا زينب بتك حلوة قوي .
اما زينب فلا تبدي ردت فعل او اي تعبير فقامت عبير بهزها و لكنها لا تجيب فقامت الدايا ام عثمان بفحصها و نظرت إليهم.
ام عثمان
لا حول ولا قوة الا بالله البقية في حياتكم توفت .
الفصل الأول.
في الوقت الحالي
في قصر الزناتي .
كان قد تجمع الجميع علي طاولة الطعام يتناولون طعام الافطار .
محمد وهو يحدث ريان
هو نوح و يونس و علي هيرجعوا من القاهرة مېته .
ريان
علي كلمني عشيه يا جدي و قالي إنهم هيوقعوا العقود النهاردة و هيجوا.
محمد
طيب زين عشان بس اول ايام رمضان هيكون بكره او بعد بكره .
عبدالرحمن
علي خير انشاء الله.
ادم
طيب الحمد لله عن اذنكم هنروح الجامعة إحنا.
محمد
اذنك معاك يا ولدي .
و بعدها ذهب كلا من آدم و ادهم و سارة و غزل و عمر الي جامعتهم في مدينة اسيوط .
اما باقي العائلة منهم من ذهب الي خارج القصر لعملة و هناك من ظل في المنزل
في نفس القرية و لكن في قصر الهواري
كان قد انهي الجميع تناول الطعام و يجلسون معا يتحدثون عندما هبط كلا من باسم و دعاء و شريف من الأعلي و اخبروا الجميع انهم ذاهبون الي الجامعة .
اما وليد و أكرم و ليلي ذهبوا إلي عملهم .
و ظل خاطر و معه أبنائه و زوجاتهم .
ابراهيم وهو يحدث والده
خير يا ابوي مخلتناش نروح الأرض و نشوف الشغل و قولتلي انه فيه موضوع مهم .
خاطر
الموضوع يخص غزل بت اختكم زينب .
اسماعيل
مالها غزل يا ابوي .
خاطر
غزل لازم تجي تعيش معانا اهنه .
ابراهيم
طيب يا ابوي حاولنا قبل اكدة بدل المرة عشره بس مفيش فايدة و هي أكده عند جدها و دي الأصول.
خاطر پغضب
اني عارف الأصول زين يا ابراهيم .
ابراهيم
مقصدش يا ابوي متأخذنيش.
خاطر
دلوقيت فيه حاجة تخلي غزل ينفع اتجي تعيش اهنه.
اسماعيل
حاجة ايه يا ابوي
خاطر
انها تتجوز حد من بيت الهواري .
ابراهيم
قصدك مين يا ابوي.
خاطر
وليد بنفسه طلب مني أكده و اني وافقت و بعت خبر للشيخ بلال و كبرات البلد و هنروحوا النهاردة في الليل قصر الزناتي .
ابراهيم بإعتراض
بس يا ابوي .
خاطر
هتخالف كلامي ولا ايه يا ابراهيم .
ابراهيم
ولا عاش ولا كان الي يخالف كلمتك يا ابوي.
و بعدها تركهم خاطر و ذهب الي خارج القصر اما ابناءه فقد تبادلوا النظرات و ذهبوا للخارج أيضا.
في جامعة اسيوط
في المكان المخصص للسيارات توقف في نفس الوقت اربعة سيارات من أحدث طراز و هبط منهم كلا من آدم و عمر و سارة و غزل نظر اليهم أغلب الطلاب بإنبهار رغم أنهم يرون هذا المشهد يوميا و لم يمر دقيقتين توقفت سيارتان لا تقل فخامة عن سيارات ابناء الزناتي فهولاء هم أبناء الهواري أيضا فقد هبط كلا من باسم و دعاء الذين تبادلوا النظرات مع أبناء الزناتي و ذهب كلا منهم إلي وجهته .
في جامعة طب اسيوط .
توقف ادهم بسيارته في نفس الوقت الذي توقف به شريف و هبط كلا منهم من سيارته و تبادلوا ابتسامه بسيطة مع هزت راس للتحيه و ذهب كلا منهم إلي وجهته .
في جامعة اسيوط
في كلية الهندسة .
في إحدي مدرجات الفرقة الرابعة.
كانت تجلس غزل و سارة و معهم اعز صديقاتهم رحيق .
سارة وهي تحدث غزل
مالك يا غزل انتي متغيرة من عشيه خبر ايه مالك .
غزل
مفيش يا سارة اني زينة .
رحيق بابتسامة
شكلها مشتاقة للحبايب.
سارة بإبتسامة هي الأخرى
انتي جبتيها والله يا رحيق بس ليه يا غزل كل الزعل ده يا دوب الواد امسافر مبقلاش تلت ايام بس .
غزل بعدم فهم
انتوا تقصدوا مين .
سارة و رحيق معا
يونس طبعا .
غزل
انتوا مش فاهمين حاجة و بعدها نظرت الي باب المدرج و تحدثت اقعدوا ساكتين الدكتور الجديد وصل وهو اساسا مش طايق حد من وقت ما جه اهنه .
سارة
حاضر .
رحيق
سكتنا .
و بعدها دلف الدكتور الجديد الذي اتي من القاهرة منذ شهرين تقريبا و بدأ في شرح المحاضرة .
اما غزل فقد كانت مازالت شاردة الزهن و تنظر في فراغ ولا تنتبه لأي شيء يحدث بجانبها حتي شعرت بيد سارة التي تحسها على الانتباه للدكتور الذي يحدثها وهي لا تنتبه له .
غزل و قد قامت من جلستها
اسفه يا دكتور عامر بس مش مركزة انه حضرتك بتكلمنى.
عامر و قد تجاهل ما تحدثت به غزل و طرح عليها سؤال خاص بالمحاضرة ليحرجها امام الطلاب .
غزل
مليهش لازمه السؤال ده يا دكتور اني قولت لحضرتك انه مش مركزة .
عامر ببرود
و اية سبب قلة التركيز دي و اية عقلك فين يا انسه المفروض تفهمي انه اي حاجة شاغلة عقلك تنسيها هنا و واضح ايه الي شاغل عقلك .
هنا تبادل جميع الطلاب النظرات مما يعني أن هذا الدكتور أخطأ و لعب في نهايته .
غزل پغضب
انت مين عشان تقولي أكده مغزي كلامك مش زين خالص اني اعتذرت في البداية و دي مش من طباعي لكن اسمع كلام يهيني يبقي متخلقش الي يقول أكده ليه و واضح انه حضرتك متعرفش اني بت عيلة مين .
عامر
انتي قليلة ذوق اسبقيني على مكتب العميد و هناك نعرف انتي مين و مقام عيلتك إية.
اما غزل فقد نظرت إلي تلك المدعو عامر بنظرت استهزاء و ذهبت الي مكتب العميد و بعد قليل لحق بها عامر اما سارة و رحيق ذهبوا للبحث عن ادم .
بعد قليل
في مكتب العميد
كان يجلس العميد على كرسي مكتبة اما عامر فقد كان يجلس فوق كرسي آخر و غزل كانت تقف أمامهم بشموخها المعتاد و العميد يستمع الي ما يقصه عليه عامر و ما حدث و العميد يستمع له .
العميد اشرف وهو يحدث غزل
الكلام ده حصل فعلا يا انسه .
غزل
ايوه ده حصل فعلا .
أشرف
الكلام ده ممكن يوصل لرفدك من الكليه ازاي تقولي كده للدكتور بتاعك .
غزل
الدكتور غلط فيه قدام كل الطلاب و ده كان واضح من كلامه ازاي اسكت انه يهني هو ميعرفش اني بت عيلة مين .
عامر
زي ما حضرتك شايف كده كل ما تتكلم تقول متعرفش انا مين و بنت عيلة مين .
اشرف پغضب انتي ازاي تتكلمي كده مع الدكتور بتاعك و انتي بت عيلة مين اصلا.
و قبل أن يكمل حديثة سمع صوت الباب يدق فأذن للطارق بالدلوف.
بعدما انفتح الباب دلف ادم للداخل .
ادم
ايه الي بيحصل اهنه .
اشرف
متشغلش بالك انت دي مشكلة بسيطة المهم محمد بيه الزناتي و عبدالرحمن بيه الزناتي عاملين ايه .
ادم
مش هيبقوا زنين لو عرفوا انه حفيدتهم دكتور ميسواش غلط فيها و انه كمان العميد طلبها لمكتبة.
اشرف بعدم استيعاب
تقصد اية .
ادم وهو ينظر الي غزل
دي تبقي بت عمي الي حضرتك موقفها بالطريقة دي تبقي حفيدة محمد الزناتي.
اشرف وهو ينظر الي غزل
اسفين يا انسه الي ميعرفك يجهلك محمد بيه و كل عيلة الزناتي فوق دماغنا.
عامر بعدم فهم لما يحدث
فيه ايه يا دكتور أشرف و ايه الي بيحصل ده .
اشرف
اسكت انت.
و بعدها نظر الي ادم و تحدث
تقدر تاخد الانسه دلوقتي و ياريت محمد بيه و عبدالرحمن بيه ميعرفوش الي حصل عشان بس .
و لم يكمل حديثة عندما قاطعة ادم
ادم
طبعا انا فاهم ليه مش لازم يعرفوا و مش هيعرفوا متقلقش.
و بعدها اخذ غزل و خرجوا من مكتب العميد .
بعدما ذهب ادم و غزل .
عامر وهو يحدث اشرف
اية الي بيحصل ازاي البنت دي تسيبها تمشي و كمان تعتذرلها.
اشرف
انت فاهم ايه الي ممكن يحصل ليا و ليكي لو انا عملت عكس كده انت لسه جديد هنا و متعرفش حد في اسيوط ولا اهلها لازم تبقي عارف انك قبل ما تغلط مع اي طالب او طالبة تعرف هما ولاد مين في الصعيد و كمان بلاش تغلط باي كلمه مع اي بنت هنا لانه كل الناس هتقفلك.
عامر
انا مش فاهم حاجة طيب و مين عيلة الزناتي دول .
اشرف
من اكبر عائلات اسيوط و خليك فاهم انه كل الناس هنا بتتفاهم پالدم الاحسن خليك في حالك .
اما عامر فقد نظر الي اشرف و بعدها تركه و ذهب .
نهاية الفصل
بقلمي داليا ناصر الأسيوطي
مشهد من الماضي.
قبل اثنين و عشرين عاما
في قصر الزناتي .
كان يجلس كلا من محمد و عبدالرحمن و زوجاتهم و علا و عبير و زينب و عزيزة .
محمد وهو يحدث علا
هو وين نوح و يونس و علي مش سامع حسهم ولا دوشتهم من وقت ما جينا من بره .
علا
ناموا يا عمي التلاتة عاملين زي التؤام بيناموا مع بعض و بيصحوا مع بعض حتي ريان نام التاني.
عبير
حتي التؤام مش بيعملوا أكده بس هما متعلقين ببعض قوي يارب يديم المحبه دي بيناتهم.
الجميع
امين يارب .
عبدالرحمن
وهو يحدث عزيزة
خبر ايه يا بتي مقولتيش اهلك ليه اجلوا زيارتهم المرة الي فاتت محدش منهم كلمك علي التليفون.
عزيزة
لا يا عمي كلموني بس قريب بابا ټوفي فمقدروش يجوا.
محمد
البقاء لله طيب كانوا قالوا كنا قمنا بالواجب.
عزيزة بتلعثم
تسلم يا عمي .
فاطمه وهي تحدث محمد
فيه خبر زين يا ابو علي كنت هأجله لوقت ما الولد يجوا من الشغل بس خلاص هفرحك و هفرح ابو احمد بيه .
محمد
خبر ايه يا ام علي .
فاطمه
ام عثمان كانت اهنه و كشفت على زينب و طلعت حامل .
محمد بفرحه
صوح الف مبروك يا زينب يا بتي .
زينب بخجل
الله يبارك فيك يا عمي .
عبد الرحمن وهو يحدث محمد
الف مبروك يا اخوي.
كان محمد سوف يجيب و لكن قاطعة صوت عز الدين و علي و وجههم لا توحي بالخير.
محمد
خبر ايه يا ولد مالكم مضايقين ليه أكده هو الشغل خسر تاني معاكم .
علي
الموضوع اكبر من الشغل يا ابوي.
عبدالرحمن
طيب ما تتكلموا.
كان عز الدين سوف يتحدث ولكن قاطعة يوسف الذي دلف الي القصر بوجه لا يوحي على خير ابدا .
يوسف بصوت مرتفع
يا زينب يا زينب يا بت خاطر الهواري يا بت عيلة الهواري .
هنا توقف الجميع في جلستهم اما يوسف اقترب حتي اصبحت زينب أمامه.
محمد پغضب
بتنادم على مرتك أكده ليه مفيش أدب أتربيت عليه .
يوسف و قد قام بصفع زينب جعلها تسقط فوق الارض مغشي عليها.
يوسف
الأدب يا ابوي يبقي مع الناس الي متربية مش قليلة الحيه و دي سمعتها ملت البلد كلها و الناس شافتها و هي بتروح بره البلد لعشيقها.
فاطمه و هي تحاول افاقت زينب هي و من معها
عيب يا ولدي اتقول أكده مرتك متربية و بت اصل و ناس متعملش أكده و مينفعش تضربها مرتك حبلة بعد انتظار خمس سنين .
يوسف
و أني نضمن من وين انه العيل ده ولدي ميكونش ولد حرام .
عودة من الماضي.
بعدما مر باقي اليوم بدون شئ يذكر.
في المساء
في قصر الزناتي .
كان قد تجمع الجميع معا بعدما تناولوا العشاء ما عدا عمر .
و عندما كانوا يتبادلون الأحاديث معا اتي عمر إليهم بوجه مبتسم.
عمر
كل سنه و انتوا طيبين اول ايام رمضان بكره .
ابتسم الجميع و تبادلوا المعايدات معا و بعدها اكملوا احاديثهم اما غزل فقد انسحبت من جلستهم عندما اضاء هاتفها يعلن عن اتصال قادم اما سارة فقد نظرت إليها بابتسامه .
محمد وهو يحدث علي و احمد
بكره ذكري ۏفاة زينب الله يرحمها وزعوا لحمه على روحها زي كل سنه.
علي و احمد
امرك يا ابوي عمي .
عبدالرحمن
هو الولد هيرجعوا بكره عشان دي ايام مفترجه و كلنا لازم نبقوا مجتمعين.
علي
كلمتهم يا عمي و أكدوا ليه انهم هيبقوا اهنه بكره العصر .
قبل أن يتحدث عبدالرحمن مرتا اخري اتت إليهم الخادمة التي تدعي فايزة .
فايزة
الغفير بيقول انه الضيوف وصلوا و دخلوا المنضرة بس فيه حاجة .
احمد
حاجة اية .
فايزة
بيقول انه خاطر بيه الهواري و اولاده و أحفاده معاهم .
تبادل الجميع النظرات و لم يعلقوا علي شئ و ذهب محمد و عبدالرحمن و علي و احمد و ريان و ادم لرؤية ضيوفهم.
اما علا و سارة و عبير تبادلوا النظرات بقلق شديد.
في غرفة غزل. في الاعلي
بعدما دلفت غزل إلي غرفتها و أجابت على المتصل الذي كان يونس .
غزل وهي تتحدث في الهاتف
السلام عليكم يا يونس .
يونس علي الجه الاخري
و عليكم السلام كيف حالك يا غزل كل سنه و انتي طيبة رمضان كريم .
غزل
و انت طيب الله و أكرم.
يونس
و ان شاء الله السنه الجاية تكوني مرتي .
ابتسمت غزل بخجل شديد و لم تجيب .
يونس
روحتي وين مش بتردي.
غزل بصوت يكاد يخرج من شدة الخجل
معاك يا يونس .
يونس
يارب دايما معايا و جنبي .
غزل لتضيع الحديث من شدة الخجل
صحيح هترجعوا بكره .
يونس
ايوة انشاء الله بكره العصر هنكون عندكم خاصتا عشان دي ذكرى ۏفاة والدتك الله يرحمها.
غزل
الله يرحمها و يرحم عمي عزالدين .
يونس
امين .
بعد القليل من الاحاديث انهت غزل المكالمة مع يونس و بعدها كانت سوف تخرج و لكنها تفاجاة ب سارة التي اتت إليها.
سارة
غزل الضيوف الي جايين النهاردة جو بس معاهم خاطر الهواري و عياله و أحفاده.
غزل
خاطر الهوارى و ده جاي ليه خلينا ننزلوا و نشوفوا ماله.
في مضيفة القصر
الشيخ بلال
كل سنه و انتوا طيبين قبل ما نبدأ كلامنا
و بعدها اكمل حديثه بدون ان ينتظر رد من الآخرين
زمان كانت الامور قايدة ڼار بين العيلتين و الي ماتوا اكتار و كل واحد منكم خسر كتير من حبايبة و الموضوع إتحل لما جوزنا بت خاطر الله يرحمها لولدك يا محمد و بتك كمان اتجوزت ولد خاطر او فكرناه إتحل لكن موضوع الكره بيجري في دمكم بسبب الخلاف القديم و الخلاف الجديد و كمان خلافات صفقات السلاح بتاعتكم ..
محمد
من غير اي مقدمات يا شيخ بلال قول الي جايين عشانه .
خاطر
اني هقولك جايين ليه اني جاي ناخد حفيدتي بت بتي تعيش عندي.
محمد
حفيدتك مكانها اهنه بيت الزناتي بيت أبوها مش بيت الهواري يعني ده هو بيتها.
خاطر
بيت أبوها مين يوسف الي قال زمان انها بت حرام و هي لسه في بطن أمها.
محمد
ما اوحش من ولدي الا انت هو قال و البلد قالت و أولاد الحړام اتهموها في شرفها و انت و ولدي صدقتوا انت بنفسك جيت عشان ټقتلها اهنه عشان صدقت اكده علي بتك.
عبدالرحمن
الكبير كلامه صوح .
اسماعيل
ابوي يبقي جدها كمان و ليه الحق انه ياخدها .
علي
ابوك ده زمان مصدقش انه بته شريفة يبقي مليهش حق انه ياخد بتنا من اهنه ابوي و احنا بس الي كنا واثقين انها ام غزل الله يرحمها عاشت شريفة و ماټت شريفة .
فتحي أحد كبار عائلات القرية
اهدوا يا جماعة و خلينا نتكلموا بالعقل و صلوا علي النبي .
الجميع
عليه افضل الصلاة والسلام.
بلال
حفيدتك يا ابو علي محمد الزناتي مسيرها هتطلع من القصر علي بيت جوزها و خاطر جاي طالب يدها ل وليد و كلنا عارفين وليد زين انه من الشباب الزينة .
محمد
بت ولدي مخطوبة كيف اتجوا تخطوبها و هي مخطوبة
خاطر
و مين الي خاطب حفيدتي.
عبدالرحمن
يونس عزالدين ولد ولدي .
خاطر
ولد ولدك ده الي امه هربت مع يوسف أبوها و الي سوأت سمعت بتي الله يرحمها اكيد حفيدتي مڠصوبة على الجوازة دي .
عبدالرحمن
حفيدي من زينة الشباب و امه دي خلاص موضوعها انتهي.
فتحي
عشان كل الخلافات دي الاحسن انكم تاخدوا رأي البت اذا كانت راضيه تتجوز يونس و تقعد اهنه عند جدها محمد ولا تتجوز وليد و تقعد عند جدها خاطر .
محمد
كلام زين.
و بعدها نظر الي ادم و أخبره أن يطلب من غزل الحضور الي هنا .
بعدها ذهب ادم ليفعل ما امره به جده.
في داخل القصر
كانت تجلس عبير و علا و غزل و سارة عندما اتي إليهم ادم .
ادم وهو يحدث غزل
غزل جدك رايدك في المنضدرة.
غزل
حاضر بس دقيقة هغير الهدوم عشان الناس الغريبة .
ادم
طيب بس استعجلي.
بعدها ذهبت غزل إلي غرفتها و عادت بعد قليل و كانت قد ابدلت ملابسها بملابس اخري و ذهبت مع ادم الي المضيفة.
في داخل المضيفة
بعدما دلفت غزل إلي داخل المضيفة و القت التحيه علي الجميع و جلست بجانب جدها محمد و عبدالرحمن تحدث إليها الشيخ بلال.
بلال وهو يحدث غزل
هسالك علي حاجة يا بتي و جاوبيني من غير ما تخافي من حد.
غزل
حاضر يا شيخ بلال رغم انه مترتبيتش على الخۏف ابدا.
بلال
زين.... جدك خاطر جاي ياخدك تعيشي عنده و كمان طالب يدك ل وليد حفيده إيه ردك .
غزل
خاطر الهواري عمره ما كان جدي و الي بتربطني بيه ماټت من وقت ما ولدتني و علاقته بيها انتهت من وقت ما كان ھيقتلها و على الجواز اني مخطوبة لولد عمي و راضيه بيه و حتي لو مش مخطوبة و حفيده ده اخر راجل في الدنيا مش هتجوزة.
خاطر پغضب
اتحدتي بإحترام واضح انك ناقصة ربايه.
عبدالرحمن
لاهنه و كفاية مش هنتعاركوا معاكم و انتوا دايسين بيتنا نورتونا.
بهذه الكلمة كان قد انهي عبد الرحمن الزناتي الحديث و ذهب الجميع و كان رجال عائلة الهواري يشعرون پغضب شديد اما غزل فبمجرد كلمة عبدالرحمن الذي تحدث بها تركتهم و ذهبت للداخل و بعدها صعدت الي غرفتها بدون ان تتحدث مع أحد .
اما عبير و علا و سارة كانوا يشعرون بالقلق الشديد حتي علموا ما حدث من الرجال .
في قصر الهواري .
كانت تجلس مني و معها هناء عندما اتي خاطر و معه ابنائه و وليد و أكرم و جلسوا .
مني
حصل ايه طمنوني.
خاطر
اني رايح انام و ابقوا صحوني على السحور تصبحوا علي خير .
الجميع
و انت من اهله .
بعدما ذهب خاطر .
ابراهيم وهو يحدث الجميع
محدش يجيب سيرة غزل اهنه تاني خاصتا انت يا وليد ياريت تقتنع بالي قالته.
و بعدها ذهب الي غرفته و لحقت به زوجته و كذلك اسماعيل و لحقت به زوجته و أكرم ذهب الي غرفته اما وليد فقد ذهب الي حديقة القصر وهو يستشيط ڠضبا.
في صباح يوم جديد .
في جامعة اسيوط
و بالتحديد في مقهي الجامعة.
كانت تجلس رحيق و غزل و سارة .
رحيق
ليه جبتونا نقعدوا اهنه اني جعانه و صايمة حرام عليكم .
سارة
يا بت اسكتي انتي صايمه بالعافية .
رحيق
لا بس أكده هجوع .
غزل
طيب تعالوا خلينا نتمشوا شوية .
رحيق
لا اني هرجع البيت .
سارة
ليه أكده .
رحيق
اول يوم رمضان لازم كلنا نبقوا متجمعين و كمان عمي جه عند جدي .
سارة
طيب .
و بعدها ذهبت رحيق اما سارة و غزل قرروا أن يعودوا للقصر أيضا.
في شركة الهواري.
في مكتب وليد
كان يجلس وليد و أكرم و ليلي و يتحدثون .
أكرم
اسمعيني يا ليلي الصفقة الجديدة هتشتغلي عليها انتي.
ليلي
معنديش مشكلة بس هتجي انت و وليد تحطوا تعديلاتكم عليها و انه اني منعرفش نشتغل.
أكرم
ليه بتقولي أكده.
ليلي
عشان بعد ما اخلص الملف تطلع فيه ١٠٠ عيب انت و وليد .
أكرم
عشان هي بيبقي فيها عيوب فعلا.
و بعدها اكمل وهو
يحدث وليد .
مش أكده يا وليد و بمأنك معترضة يبقي يشتغل عليه وليد لانه اني مشغول في صفقة تانيه ..... ايه رايك يا وليد .
وليد و قد أنتبه لهم
ايه انت بتقول ايه.
اكرم
ده انت مش معانا خالص .
وليد
مفيش بس مكنتش مركز انتوا كنتوا بتقولوا ايه .
أكرم
مفيش كنا بنتكلموا علي الصفقة الجديدة و ليلي مش عايزة تشتغل عليها و اني مشغول فأنت الي هتشتغل عليها.
وليد بدون ان ينتبه لهم
ليه يا غزل مش عايزه تشتغلي علي الصفقة .
ليلي و أكرم
غزل!
وليد و قد أنتبه لهم
مأخدتش بالي قصدي ليلي .
ليلي وهي تشعر بالحزن الشديد
مفيش مشكلة بس الصفقة الجديدة مش هشتغل عليها.
وليد
خلاص هشتغل عليها اني و خاصتا انه شركة الزناتي داخله الصفقة دي و اكيد هيشتغل عليها علي او نوح و ممكن يكون يونس بالاكتر و لازم احنا نكسبها كفاية وقت شحنة السلاح الأخيرة الي دخلوها هما .
ليلي
تمام عن اذنكم .
أكرم
رايحه وين .
ليلي
راجعة القصر اصلي تعبانه شوية.
أكرم
تحبي اوصلك.
ليلي
لا هرجع لوحدي .
وبعدها خرجت ليلي من المكتب ثم من الشركة بأكملها.
اما أكرم فقد ذهب الي مكتبه و ترك وليد شارد الزهن.
في قصر الهواري
بعدما توقفت ليلي بسيارتها و هبطت منها دلفت الي داخل القصر مباشرتا و كانت سوف تصعد الي غرفتها ولكن اوقفها صوت والدتها .
هناء
يا ليلي انتي جيتي .
ليلي
إيوه يا امي.
و بعدها نظرت الي تلك المرأة التي تجلس بصحبة والدتها و تحدثت إليها.
ليلي
يا مرحب يا مرت خالي كيفك عامله ايه .
عزة
بخير يا حبيبت قلبي انتي عامله ايه .
ليلي
بخير الحمدلله كيف خالي و جدي و رحيق عاملين ايه .
عزة
كلهم بخير بيسلموا عليكي حتي احمد بيكلمني كل يوم و بيسلم عليكي .
ليلي
الله يسلمهم
عزة
بس جدك و خالك واخدين علي خاطرهم منك مش بتجي بقالك كتير.
ليلي
ڠصب عني والله الشغل واخد كل وقتي بلغيهم انه قريب هاجي .
عزة
تنوري في اي وقت بيتك .
ليلي
طيب عن اذنكم هرتاح شوية من ضغط الشغل .
عزة
اذنك معاكي .
و بعدها صعدت ليلي الي غرفتها و أكملت عزة و هناء حديثهم.
عزة و هي تحدث هناء
ايه يا هناء باينلك لسه مفتحتيش موضوعنا مع ليلي .
هناء
والله مفيش وقت عارفه اقعده معاها لوحدي زي ما انتي شايفة بتجي من الشركة على انها ترتاح شوية و باقي العيلة بيبقوا قاعدين باقي اليوم معرفش افتح معاها الموضوع.
عزة
أحمد بيكلمني كل يوم و مستني الرد .
هناء
خلاص هكلمها ليكي النهاردة .
عزه
طيب انشاء الله خير و بلغيني ردها عشان لو فيه نصيب هبلغ عمي و ابو احمد عشان يطلبوها من عمي خاطر رسمي .
هناء
حاضر .
عزه
طيب يلا بالعافية اني .
هناء
ليه أكده ما تخليكي لسه بدري .
عزة
والله مش هينفع لازم ارجع اني متنسيش النهاردة اول يوم رمضان كل سنه و انتي طيبة .
هناء
و انتي طيبة .
و بعدها ذهبت عزة اما هناء فقد ذهبت الي غرفة ابنتها ليلي .
في غرفة ليلي .
كانت هناء تجلس على احد الكراسي عندما خرجت ليلي من المرحاض .
ليلي
امي انتي اهنه.
هناء
خبطت على الباب و لما مردتيش عرفت انك في الحمام قولت استناكي.
ليلي
ولا يهمك يا ست الكل .
هنا
اقعدي عيزاكي في موضوع مهم .
ليلي و قد جلست على كرسي قريب من والدتها
خير يا امي موضوع ايه .
هناء
مرت خالك كل ما تيجي تفتح معايا موضوع و اني مبقاش عارفه اتكلم معاكي فيه لوحدي.
ليلي
موضوع ايه.
هناء
موضوع انه احمد ولد خالك طالبك للجواز و مرت خالك عايزه تعرف ردك قبل ما الموضوع يبقي رسمي بين الرجالة .
ليلي
أحمد ولد خالي مش عارفه اقولك ايه بس احمد ولد خالي من وقت ما سافر يدرس طب في بلاد بره و اني مشفتاش ده بقالة يمكن تسع سنين .
هناء
هو هيجي بس عايزين ردك بالموافقة في البداية انك تشوفيه.
ليلي
طيب يا امي اني عايزه انام دلوقيت عشان تعبانه من الشغل و هبقي ابلغك ردي وقت ما اقرر.
هناء
حاضر يا بتي .
و بعدها خرجت هناء من غرفة ليلي التي استلقت فوق السرير بمجرد خروج والدتها من الغرفة و ذهبت في ثبات عميق .
في المساء
في قصر الزناتي .
كان قد تجمع الجميع على طاولة الطعام يتناولون طعام الافطار بعد صيام اول ايام رمضان المبارك.
تجمع الجميع في جو اسري جميل بعد عودة نوح و علي و يونس و عندما كانوا يتناولون الطعام و يتحدثون في بعض الأمور المختلفة اتت إليهم الخادمة.
فايزة
محمد بيه.
محمد
فيه ايه و ايه الي جابك دلوقيت مش ده معاد افطاركم برضك.
فايزة
ايوة بس جه الغفير نبوي و بيقول انه فيه حد بيسأل على جنابك بره و مصر انه يقابلك.
هنا تبادل محمد و عبدالرحمن النظرات .
عبدالرحمن
طيب مقالش يبقي مين .
فايزة
لا يا بيه ده كمان مصر يدخل اهنه بس الغفر منعوه البيوت ليها حرمه برضك.
محمد
طيب خليهم يدخلوه المضيفة و اني هاجي دلوقيت.
فايزة
حاضر.
و بعدها ذهبت الخادمة لتتفذ ما قد طلب منها .
محمد
كملوا افطاركم انتوا اني هشوف مين ده و هرجع .
عبدالرحمن
و اني جاي معاك .
و بعدها ذهب محمد و معه عبدالرحمن ليروا من هذا الشخص.
اما علي و احمد تبادلوا النظرات و تحدث احمد .
احمد
أني مش مطمن للشخص الي جاي ده من غير معاد سابق و كمان مش راضي يقول اسمه.
علي الزناتي
اني هروح اشوف في ايه .
احمد
و اني كمان . و بعدها ذهب احمد و علي خلف محمد و عبدالرحمن .
عبير
قلبي مقبوض.
علا
خير خير .
يونس
اني مش هقعد اهنه اني هروح اشوف في ايه .
عبير
لا خليك يا يونس بلاش تروح.
و قبل أن يتحدث يونس بشىء آخر سمعوا صوت احمد و علي الذي ارتفع صوتهم لحد كبير يصل لمكانهم فذهب الجميع يركضون الي تلك المضيفة ليروا ماذا يحدث .
بعدما ركض الجميع تجاه المضيفة و دلفوا الي داخلها وجدوا عبدالرحمن و محمد و علي و أحمد يقفون و معهم شخص آخر هنا نظرت علا و عبير الي تلك الشخص پصدمة كبيرة اما ريان و نوح و يونس و علي و ادهم و ادم و عمر و سارة و غزل لا يعلمون من يكون تلك الشخص .
علا پصدمة
يوسف.
يونس بعدم فهم
يوسف مين يا عمتي.
يوسف و قد تحدث ببرود
يوسف محمد الزناتي كده عرفتوا يوسف مين .
هنا نظر اليه الجميع فقد علموا من يكون تلك الشخص .
علي وهو يحدث اخاه پغضب
انت ايه الي رجعك تاني .
يوسف
راجع بيت ابوي يا اخوي للدرجة دي مش طايقني.
احمد
حد يطلع البني ادم ده من اهنه بدل ما ارتكب جناية.
هنا تحرك ريان و نوح الذين امسكوا ب يوسف و كانوا سوف يلقوه في خارج القصر و لكن اوقفهم صوت ..
عبدالرحمن
استنوا محدش يعمل حاجة.
نظر الجميع الي عبد الرحمن الذي اكمل حديثة .
عبدالرحمن
يوسف راجع ندمان و طلب منى و من محمد انه نسامحة و نخليه يرجع القصر تاني هو و مرته و عيالة و أحنا وافقنا أنه يرجع...... مش أكده يا اخوي .
محمد
بالظبط أكده زيي ما عبدالرحمن قال و دلوقيت يوسف هيروح يجيب مرته و عياله و يرجع .
هنا نظر إليهم الجميع پصدمه و لم يتحدثوا بشئ .
يوسف بابتسامة
شكرا يا ابوي شكرا يا عمي هروح دلوقيت و ساعتين هكون اهنه اني و مراتي و عيالي .
و بعدها خرج و تركهم .
علي و قد كسر حاجز الصمت
ليه أكده تخلوا الشخص السبب في كسرة العيلة يرجع يعيش وسطيكم تاني .
احمد
ماټت مقهورة بسببه و هي معملتش حاجة و راجل الي هو اخويا ماټ من العاړ و كسرت النفس بسببه و سايبينه يرجع القصر تاني.
يونس و قد تحشرت الكلمات في فمه من هول الصدمة
علمتوني طول عمركم انه مينفعش اخالف اوامركم لأنكم كبرات البيت ده و العيلة و دلوقيت مينفعش اقولكم ترجعوا في كلامكم و تطردوا الراجل الي كان السبب في مۏت ابوي بس اني في يدي اطلع من البيت ده لانه واضح انه مبقيتش ليه مكان فيه.
و بعدها تركهم و صعد الي غرفته و لحق به نوح و علي .
اما احمد و علي فقد خرجوا من القصر بأكمله و قد اخبروا زوجاتهم ان يستعدوا لأنهم سوف يعودون غدا لاخذهم من القصر خرج الجميع منهم من ذهب خلف احمد و علي ليمنعوهم ان يخرجوا من القصر.
اما داخل المضيفة لم تتبقي غير غزل و محمد و عبدالرحمن الذين جلسوا علي اقرب مقعد من شدة الإعياء الذي أصابهم.
نظرت إليهم غزل بكل معاني الألم و تحدثت بحزن شديد .
غزل
ليه وافقتوا على وجودهم اهنه تعرفوا كل الي في البيت هيمشوا لكن اني مش همشي مش عشان مفيش مكان اروح فيه لا بس عشان دي كانت وصية امي الله يرحمها الي قالتها ل مرت عمي و عمتي قبل ما ټموت.
و بعدها تركتهم و ذهبت الي غرفتها و قد أمتلأت عينيها بالدموع.
اما محمد و عبدالرحمن فقد تبادلوا النظرات بحزن شديد و ذهبوا و جلسوا في داخل القصر .
في احد الغرف .
كان هناك شاب في الثلاثينات من عمره مسطح على فراشه و بجانبه طفل لم يتخطي الخمس سنوات يحتضنه بحب شديد و كان عبدالرحمن الزناتي يجلس على كرسي قريب من الفراش.
عبدالرحمن
الحمدلله يا ولدي الدكتور طمنا و قال انك معندكش حاجة يا ولدي .
عزالدين
ما هو اني فعلا الي عندي ميعرفاش دكتور ده قهر و عار.
عبدالرحمن
انت مليكش دخل عشان تتقهر او تحس بالعاړ هي العايبة الي هربت.
عزالدين
مليش دخل كيف يا ابوي دي مرتي و ام ولدي لما تهرب و الناس كلها تمسك سيرتي يبقي لازم اتقهر
و بعدها نظر الي ابنه المتشبث به و تحدث
و ده مش بكره يكبر و الناس تعايره بأمه.
كان عبدالرحمن سوف يتحدث و لكن قاطعة صوت محمد الزناتي الذي لم يتحدث من البداية.
محمد
سامحني يا ولدي الي كان سبب ده كله ولدي الي اني معرفتش اربيه .
عزالدين
انت يا عمي مليكش ذنب يوسف هو الي غلط و جاب العاړ ليه و للعيلة كلها واحد غيره كان قټلها قبل ما تفكر
تعمل أكده لا هو ساعدها و ياريت اكتفي بكده طلع كلام مش زين على مرته و انها خاينه بس الي هو عمله ده ظهر براءة مرته.
محمد
براءة مرته بعد ايه بعد ما الناس كلها مسكت سيرتها و أبوها كان ھيقتلها.
عزالدين
خاطر الهواري طول عمره متصرع .
عبدالرحمن
صح يا ولدي.
عزالدين
هو وين احمد و علي مش شايفهم.
محمد
سافروا يدوروا و يسألوا كل معارفنا على العايب و العايبه عشان يرجعوهم و ېقتلوهم.
عزالدين
خلاص العاړ لبسنا و الي حصل حصل بس اهم حاجة خدوا بالكم من يونس متخلوهش يحس انه اني مش موجود عشان خلاص حاسس نفسي مش هنعيشله و بلاش عزيزة في يوم من الايام تفكروا تلمسه و لا حتي تقربه منها.
عبدالرحمن بحزن شديد
بلاش اتقول أكده يا ولدي ربنا يطول في عمرك .
محمد بحزن
بعد الشړ يا ولدي نام و ارتاح شوية و العلاج الي خدته كويس و متحطش المواضيع دي في بالك و احنا هنجوبوهم و هنغسلوا عاړنا.
عزالدين
حاضر يا عمي بس ياريت تاخد ابوي يرتاح و خلي يونس ينام عندي الليله دي .
محمد
حاضر يا ولدي.
و بعدها ذهب عبدالرحمن مع محمد و ظل يونس بجانب والده.
نهاية المشهد
الفصل الثالث .
في قصر الهواري
كان قد تجمع الجميع بعد تناول الافطار في داخل القصر و يتحدثون معا .
عندما كانوا يتحدثون اتت الخادمة و تحدثت مع خاطر .
الخادمة
خاطر بيه الغفير كمال بيبلغ جنابك انه رشدي مستني في المنضرة
خاطر
طيب روحي انتي و اني رايحله.
و بعدها ذهب الي المضيفة و معه اسماعيل و ابراهيم اما الباقي فقد ظلوا يتحدثون معا .
في المضيفة .
بعدما دلف خاطر و معه أبنائه و جلسوا و جلس معهد تلك المدعو رشدي .
خاطر
جاي ب اية يا رشدي .
رشدي
كل خير جنابك اني بقالي فترة بدور وري غريمك و من يومين بس جه مصر .
خاطر
ليه كان وين .
رشدي
بره مصر من وقتها عشان أكده جنابك مقدرتش تلاقيه طول السنين الي فاتت.
اسماعيل
وهو أكده ارجع لقضاه هو وين دلوقيت.
رشدي
في اقرب مكان ليكم وهو كان عند ابوه و لسه طالع من عنده من عشر دقايق بس .
ابراهيم
كان عند محمد الزناتي.
رشدي
ايوة .
اسماعيل
حدد مكانه دلوقيت عشان نروح ننهي الموضوع .
نظر رشدي الي خاطر بمعني ان افعل ذلك ام لا.
خاطر
خليك مراقبة يا رشدي و اعرف كل تحركاته و وقت ما تبدا تلاحظ انه مقرر يسافر تاني امنعه بطريقتك.
رشدي
أمر جنابك يا خاطر بيه .
و بعدها تركهم و ذهب .
اسماعيل وهو يحدث والده
ليه مهملتنيش يا ابوي نخلص عليه .
خاطر
اصبر و همل الموضوع ده دلوقيت و بكره رايدك تروح ل غزل الجامعه بنفسك و تقولها انه اني رايدها و تجيبها ليه .
اسماعيل
امرك يا ابوي.
و بعدها عادوا للداخل.
في قصر الزناتي .
كان يجلس عبدالرحمن و محمد .
و في نفس الوقت هبط يونس من الأعلي و معه حقيبته الذي أخذ بها بعضا من اغراضه و كان قد ودع الجميع قبل أن يهبط .
عبدالرحمن بحزن شديد
هتمشي يا يونس .
يونس
اني بوجودهم في القصر اهنه مبقاش ليه مكان اهنه .
محمد
حتي لو اني جدك قولتلك مينفعش تمشي .
يونس
اعذروني اول مرة نخالف اوامركم و نمشي .
محمد
اهم حاجة تبقي فاكر انه احنا عملنا كل ده لمصلحة العيلة .
لم يعلق يونس على تلك الحديث و تركهم و ذهب في نفس الوقت الذي دلف فيه يوسف و زوجته و معه فتاتين و شاب الذين نظروا إلي يونس اما يونس لم يهتم بوجودهم كأنه لم يراهم .
في الاعلي
كانت تقف غزل في شرفة غرفتها و تتساقط دموعها على خديها في صمت حتي انتبهت لدقات باب غرفتها فمسحت دموعها و ذهبت لتري من الطارق .
بعدما قامت غزل بفتح الباب وجدت أن الطارق هي سارة .
سارة
وينك يا غزل .
غزل
فيه حاجة تاني حصلت .
سارة
ابوي و عمي علي بيرنوا عليكي و مش بتردي .
غزل
مش عارفه يمكن التليفون تحت فيه حاجة .
سارة
بيرنوا عشان يقولوا ليكي جهزي نفسك هنمشي من اهنه بكره الصبح .
غزل
بلغيهم انه اني مش همشي من بيتنا و قاعدة اهنه.
سارة
انتي متاكده من أكده.
غزل
ايوه
سارة
اني كنت هطلب منك تحاولي تخلي ادهم يمشي معانا
غزل
كل واحد يعمل الي رايده يا سارة .
سارة
طيب اني هروح ابلغ ابوي على التليفون بكلامك .
غزل
طيب.
و بعدها ذهبت سارة و تركت غزل في غرفتها .
في صباح يوم جديد
في قصر الزناتي.
كان قد أستيقظ الجميع من نومهم كان يجلس محمد و عبدالرحمن في حديقة القصر اما ابناء يوسف و زوجته يجلسون داخل القصر وهو مازال في غرفته .
اما نوح و ريان و علي فقد ذهبوا إلي عملهم .
في غرفة ادم
كان ادم يقوم بوضع جميع كتب دراسته داخل حقيبته بعدما وضع بعض من اغراضه داخل حقيبته في نفس الوقت سمع صوت الباب يدق فأذن للطارق بالدلوف و دلفت بعدها والدته.
ادم
صباح الخير يا امي .
علا
صباح الخير يا ولدي .
ادم
فيه حاجة .
علا
جهزت حاجتك.
ادم
ايوة .
علا
طيب نزل حاجتك و حاجة مرت خالك و حاجة بت خالك و حاجتي و حاجت اخواتك و حاجة علي .
ادم
ده كله حاضر.
علا
عمر هينزل معاك.
ادم
حاضر.
علا
طيب اني هنروح نقنع غزل انها تمشي معانا .
ادم
مش لما تقتنعي انتي الاول يا امي .
علا
ممنوش لازمه الحديت ده.
ادم
ليه يا امي لو مش رايده تمشي خليكي .
علا
مينفعش ابوك حلف طلاق عليه و حتي خالك احمد حلف طلاق على مرت خالك يبقي احنا بلاش نزود الطينة بله و خلينا نروحوا و انشاء الله الامور تتحل كفاية ادهم مش راضي يمشي.
ادم
ادهم دي طبيعته مش هيحب يغير مكانه .
علا
طيب روح انت اعمل إلي قولتلك عليه و اني هنروح ل غزل مينفعش تقعد اهنه مع الناس دول .
ادم
حاضر .
و بعدها ذهبت علا الي غرفة غزل و ادم فعل ما طلبته والدته.
في غرفة سارة
كانت سارة قد حزمت اغراضها عندما سمعت صوت الباب يدق و بعدها دلفت علا .
سارة
صباح الخير يا عمتي .
علا
صباح الخير........ عندك غزل .
سارة
لا معنديش و متتعبيش نفسك و تدورى عليها لانها مفيش في القصر كله .
علا
امال راحت وين .
سارة
كنت رايده نقعد معاها الصبح و ملقيتهاش في اوضتها و لما دورت عليها و سألت الخدم و الغفر قالوا انها خدت عربيتها و طلعت بدري.
علا
اكيد مش رايده تقعد و تودعنا.
ساره
قولت أكده برضوا .
علا
طيب يلا جهزي حاجتك عشان هنمشوا بعد شوية.
سارة
حاضر.
و بعدها عادت علا الي غرفتها و سارة أكملت ما كانت تفعله .
بعد مرور عدة ساعات
في جامعة اسيوط.
كانت غزل قد انتهت من محاضرتها التي حضرتها بجسدها فقد و عقلها يفكر بشئ اخر .
كانت غزل سوف تأخذ سيارتها بعد ما ودعت صديقتها رحيق التي لم تكف ابدا عن السؤال عن سارة و لكن غزل أخبرتها انها سوف تخبرها بالذي حدث في وقت آخر لانها ليست بمزاج جيد الان .
و قبل أن تأخذ سيارتها اوقفها صوت .
اسماعيل
غزل.
غزل و قد التفتت الي تلك الصوت
يا مرحب رايد ايه .
اسماعيل
اني لو عليه مش هجيلك بس ده أمر من ابوي قالي انه لازم اجيلك اهنه و ناخدك معايا لانه رايد يشوفك في القصر عنده.
غزل
خير.
اسماعيل
تعالي و تعرفي.
غزل
طيب امشي و اني هلحقك.
نظر إليها اسماعيل و لم يتحدث و بعدها اخذ سيارته و ذهب و هي أيضا أخذت سيارتها و لحقت به .
بعد وقت
في قصر الهوارى
كان يجلس خاطر الهواري داخل القصر عندما دلف إليه اسماعيل و دلفت خلفه غزل .
بعدما جلست غزل على احد المقاعد و ذهب اسماعيل .
خاطر
كيفك يا غزل عامله ايه .
غزل
زينة بس لما بعت ولدك و بلغني انك رايدني مبقيتش زينة .
خاطر
الي اني نعرفه انك انتي مبقتيش زينة من وقت ما ارجع يوسف و مرته و عياله .
غزل
قول رايد ايه يا خاطر الهواري .
خاطر پغضب
اني جدك.
غزل
جدي..... ما علينا قول رايد ايه.
خاطر
رايد انك تجي اهنه وسطينا اكيد انتي مش مرتاحه بعد رجعت يوسف .
غزل
طلبك مرفوض و كلامك غلط بيت الزناتي اي حد يرتاح فيه ما بالك اهله و اصحابه هيرتاحوا قوي.
خاطر
ده اخر كلام عندك.
غزل
ايوة واضح انك معندكش كلام تاني.
خاطر
ابقي إسألي عليه يا غزل اني جدك.
غزل
جدي! بلاش الكلمة دي و بعدين انت أتبريت من بتك قبل ما تولدني و كنت رايد تموتها دلوقيت تقولي جدي.
و بعدها تركته و ذهبت بدون ان تنتظر اي رده منه اما هو فقد كان يشعر بالڠضب الشديد منها.
في قصر الزناتي
كان لا يوجد أحد في القصر غير يوسف و زوجته و أبنائه الذي كان يجلس معهم داخل القصر عندما اتت غزل من الخارج و لم تعيرهم اي اهتمام
و كانت سوف تصعد الدرج عندما توقفت و نادت الخادمة .
بعدما اتت الخادمة.
فايزة
امرك يا ست غزل .
غزل
هو ادهم اهنه ولا طلع.
فايزة
ادهم بيه لسه مطلعش من الصبح لكن محمد بيه و عبدالرحمن بيه راحوا الأرض.
غزل
طيب وقت ما يجي وقت الافطار هاتي افطار ليه و ل ادهم فوق .
فايزة و هي تشعر بالحزن تجاه غزل
امرك يا ست غزل .
و بعدها ذهبت غزل إلي غرفتها لتأخذ حمام دافئ يريح جسدها .
في المساء
في قصر الزناتي
بعدما وضعت الخادمة الطعام فوق طاولة الطعام و جلس محمد و عبدالرحمن و معهم يوسف و زوجته و ابنائه.
محمد وهو يحدث الخادمة
هو مش غزل و ادهم اهنه.
فايزة
ايوة يا محمد بيه.
محمد
امال ليه منزلوش يفطروا معانا روحي قوليلهم انه الافطار اجهز.
فايزه بتردد
اصل اصل الست غزل طلبت انه الفطار بتاعها و بتاع ادهم بيه يطلع فوق عشان هيفطروا فوق .
تبادل محمد و عبدالرحمن النظرات بحزن شديد.
عبدالرحمن
خلاص يا فايزة يا بتي روحي افطري انتي.
فايزة
امرك يا عبد الرحمن بيه.
و بعدها ذهبت.
يوسف
ابوي اني كنت عايز ننقل ورق يارا و لارا و زين الجامعة اهنه و محتاج حد يسهل نقل الورق ليه.
محمد
كلهم الأستاذ علاء المحامي بتاعنا وهو هيحل الموضوع ده.
و بعدها اخذ عبد الرحمن و محمد رشفة من المياه و لم يتناولوا شيء غير حبه من التمر لكسر صيامهم و تركوا
غرفة الطعام و ذهبوا .
في غرفة ادهم .
كانت تجلس غزل مع ادهم و يتناولون الطعام معا .
ادهم
ليه طلبتي الوكل اهنه ما كنا نزلنا تحت.
غزل
اني مش هقعد مع الناس دول علي وكل واحد.
ادهم
طيب حتي عشان جدي محمد و جدي عبدالرحمن .
غزل
يعني انت عاجبك الي عمله جدك محمد و جدك عبد الرحمن و الي عملوه اني مش حابه اسيب البيت ده و الا كنت وافقت انه نمشي مع الباقي او حتي وافقت علي طلب خاطر الهوارى.
ادهم
من ناحيه الي عاجبني و مش عاجبني اني مفيش حاجة عجباني في البيت ده من اول تجارة لحد مشاكلنا مع عيلة الهواري الي ماتخلصش واصل.
غزل
تجارة السلاح دي اساس العيلة و عيلة الهواري مشاكلنا معاهم مش هتخلص ابدا.
اده
عيلة الهواري دول يبقوا عيلتك التانيه يا غزل بس انتي نسخه طبق الأصل من جدك محمد و جدك خاطر واخده من واحد منهم العند و واخده من التاني التصرع.
غزل
اني عمري ما هكون زي خاطر الهواري ابدا.
ادهم
طيب يا غزل تقدري تقوليلي ليه مروحتيش مع الباقي.
كانت غزل سوف تتحدث و لكن قاطعة صوت الباب الذي بدأ يدق فأذن ادهم للطارق بالدلوف فدلفت الخادمة.
غزل
خير يا فايزة لسه مخلصناش وكل.
فايزة
مش جاية عشان اخد باقي الاكل بس فيه حاجة.
غزل
ايه هي.
فايزة
محمد بيه و عبدالرحمن بيه سألوا عليكم و لما اني قولتلهم انكم اهنه و هتفطروا اهنه و مشيت سابوا الوكل و قاموا و مكلوش حاجة.
غزل
طيب يا فايزة روحي انتي.
فايزة
فيه حاجة تانيه يوسف بيه و مرته و عياله لما عبدالرحمن بيه و محمد بيه مكلوش حاجة اني كنت براقبهم ضحكوا بشماته حتي لما بلغتهم انكم مش نازلين برضوا ضحكوا بشماته.
غزل
طيب يا فايزة روحي انتي.
و بعدها ذهبت فايزة اما غزل فقد نظرت إلي ادهم و تحدثت.
غزل
دي أجابت سؤالك.
ادهم
مش فاهم.
غزل
مش انت بتقولي ليه مروحتش مع الباقي دي الإجابة يوسف و مرته و عياله مش عايزين حد مننا يبقي في القصر اهنه.
ادهم بابتسامه
عرفتي دلوقيت انك نسخه من خاطر و محمد الزناتي محدش عارف بيفكروا في ايه.
غزل
ما علينا اعمل أحسابك اننا كل يوم لازم نفطروا و نتسحروا مع الكل تحت.
ادهم
اني كنت نازل بس انتي الي منعتيني.
غزل
حقك عليه يا اخوي اني هرجع اوضتي و نشوفك على السحور.
ادهم
حاضر.
و بعدها تركته غزل و ذهبت الي غرفتها و بقي هو بمفرده.
بعد مرور باقي الشهر بدون شئ يذكر غير ان اليوم قد عاد باقي أفراد عائلة الزناتي الي المنزل.
مساء ليلة العيد .
في قصر الهواري .
في غرفة ليلي.
كانت تجلس
